ಬಾಲಿವುಡ್ ನಟಿ ಜೊತೆ ಟೀಮ್ ಇಂಡಿಯಾ ಬ್ಯಾಟ್ಸ್‌ಮನ್ ಲವ್ವಿ-ಡವ್ವಿ! 'ಬ್ರೇಸ್ಲೆಟ್' ನಿಂದ ರೀವಿಲ್​ ಆದ ಅಭಿಷೇಕ್-ಮಾಹಿರಾ ಲವ್ ಸ್ಟೋರಿ? Abhishek Sharma

ರೂಮರ್​​: ಕ್ರಿಕೆಟ್​ ಮತ್ತು ಬಾಲಿವುಡ್​ ಪ್ರೇಮ ಸಂಬಂಧ ನಿನ್ನೆ ಮೊನ್ನೆಯದಲ್ಲ, ವಿವ್​ ರಿಚರ್ಸ್ಸ್-ನಿನಾ ಗುಪ್ತಾರಿಂದ ಹಿಡಿದು ವಿರಾಟ್​-ಅನುಷ್ಕಾವರೆಗೆ ಹಲವಾರು ಕ್ರಿಕೆಟ್​ ಆಟಗಾರರು ಬಾಲಿವುಡ್​ ನಟಿಯರನ್ನು ಮದುವೆಯಾಗಿದ್ದಾರೆ, ಡೇಟ್​ ಮಾಡಿದ್ದಾರೆ ಹಾಗೂ ವದಂತಿಗಳನ್ನು ಹಬ್ಬಿಸಿಕೊಂಡು ಹಾಗೇ ಸುಮ್ಮನಾಗಿದ್ದಾರೆ.

ಆದರೆ ಈಗ ಕೆಲ ದಿನಗಳಿಂದ ಭಾರತದ ಸ್ಪೋಟಕ ಬ್ಯಾಟ್ಸ್​ಮನ್​ ಅಭಿಷೇಕ್​ ಶರ್ಮಾ (Abhishek Sharma) ಬಾಲಿವುಡ್​ ನಟಿ ಮಾಹಿರಾ ಶರ್ಮಾ ಅವರನ್ನು ಡೇಟ್​ ಮಾಡುತ್ತಿದ್ದಾರೆ, ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದಾರೆ ಎಂಬ ವದಂತಿ ಕ್ರಿಕೆಟ್​ ಹಾಗೂ ಬಾಲಿವುಡ್​ನಲ್ಲಿ ಹಬ್ಬಿರುವುದಂತು ನಿಜವಾಗಿದೆ.

ಇವರಿಬ್ಬರು ಡೇಟ್​ ಮಾಡುತ್ತಿದ್ದಾರೆಂದು ಅದು ಹೇಗೆ ವದಂತಿ ಹಬ್ಬುತ್ತಿದೆ ಎಂದು ಕೇಳಿದರೆ, ಕೆಲ ದಿನಗಳ ಹಿಂದೆ ಮಾಹಿರಾ ಹಾಗೂ ಅಭಿಷೇಕ್​ ಒಂದೇ ಸಮಯದಲ್ಲಿ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಫೋಟೊ ಹಂಚಿಕೊಂಡಿದ್ದು, ಪ್ರತ್ಯೇಕ ಫೋಟೊಗಳಲ್ಲಿ ಇಬ್ಬರೂ ಒಂದೇ ರೀತಿಯ ಬ್ರೇಸ್ಲೆಟ್​ನ್ನು ಧರಿಸಿರುವುದು ನೆಟ್ಟಿಗರ ಕಣ್ಣಿಗೆ ಬಿದ್ದಿದೆ. ಅದ್ದರಿಂದ ಈ ಇಬ್ಬರೂ ಡೇಟಿಂಗ್​ನಲ್ಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಆದರೆ ಈ ವದಂತಿಗಳ ಬಗ್ಗೆ ಅಭಿಷೇಕ್ ಶರ್ಮಾ ಆಗಲೀ ಅಥವಾ ಮಾಹಿರಾ ಶರ್ಮಾ ಆಗಲಿ ಇಲ್ಲಿವರೆಗೆ ಯಾವುದೇ ಅಧಿಕೃಕ ಹೇಳಿಕೆ ನೀಡಿಲ್ಲ. ಈ ಹಿಂದೆ ಸಹ ಮಾಹಿರಾ ಅವರ ಹೆಸರನ್ನು ಕ್ರಿಕೆಟರ್​ ಮೊಹಮ್ಮದ್​ ಸಿರಾಜ್​ ಜೊತೆ ಪೋಣಿಸಲಾಗಿತ್ತು. ಆದರೆ ಅದನ್ನು ಇಬ್ಬರೂ ಕೂಡ ಅಲ್ಲಗೆಳೆದಿದ್ದು, ಈ ವದಂತಿಗೆ ಸಹ ಆದಷ್ಟು ಬೇಗ ತೆರೆ ಬಿಳಲಿದೆ ಎಂದು ಹೇಳಬಹುದಾಗಿದೆ.

ಈದೀಗ ಐಪಿಎಲ್​ ಮುಗಿದ ಬೆನ್ನಲ್ಲೆ ಇಂಗ್ಲೆಂಡ್, ಐರ್ಲೆಂಡ್ ಮತ್ತು ಏಷ್ಯನ್ ಗೇಮ್ಸ್​ಗೆ ಭಾರತ ತಂಡದ ಘೋಷಣೆಯಾಗಿದ್ದು ಅಭಿಷೇಕ್​ ಶರ್ಮಾ ತಂಡದ ಪ್ರಮುಖ ಬ್ಯಾಟ್ಸ್​ಮನ್​ ಆಗಿ ಮೈದಾನಕ್ಕಿಳಿಯಲು ಸಜ್ಜಾಗಿದ್ದಾರೆ. ಜುಲೈ 1 ರಿಂದ ಜುಲೈ 19 ರ ವರೆಗೆ ಭಾರತ, ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದ್ದು ಈ ಟೂರ್ನಿಯಲ್ಲಿ ಅಭಿಷೇಕ್​ ಶರ್ಮಾ ಆಟದ ಮೇಲೆ ಅತೀವ ನಂಬಿಕೆಯನ್ನು ಇಡಲಾಗಿದೆ ಎಂದರೆ ಸುಳ್ಳಲ್ಲ, (ಏಜನ್ಸೀಸ್​).