ಶಾರುಖ್ ಖಾನ್ ಆದಿತ್ಯ ಧರ್​ ಬಳಿ ಅವಕಾಶ ಕೇಳಿದ್ದು ನಿಜವೇ..? ವೈರಲ್ ಪೋಸ್ಟ್‌ನ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ! Shah Rukh Khan

ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಸ್ಕ್ರೀನ್‌ಶಾಟ್‌ನಲ್ಲಿ ಶಾರುಖ್​ ಧುರಂಧರ್​  ಚಿತ್ರವನ್ನು ಹೊಗಳಿದ್ದು, ಚಿತ್ರದ ಅಭಿನಯ,  ಪ್ರಮಾಣ ಮತ್ತು ಭಾವನಾತ್ಮಕ ಆಳವನ್ನು ಶ್ಲಾಘಿಸುವ ದೀರ್ಘ ಟಿಪ್ಪಣಿ ಇದೆ ಎಂದು ಪೋಸ್ಟ್​ನಲ್ಲಿ ತಿಳಿಸಿದ್ದಾರೆ.

ಈಗಷ್ಟೇ 'ಧುರಂಧರ್ 2' ಸಿನಿಮಾ ನೋಡಿದೆ... ನಿಜ ಹೇಳಬೇಕೆಂದರೆ, ಸಿನಿಮಾ ಮನಸ್ಸಿನಲ್ಲೇ ಉಳಿದುಬಿಡುತ್ತದೆ. ಹೆಮ್ಮೆ ಮತ್ತು ಶಕ್ತಿಯಿಂದ ಕೂಡಿದ ಚಿತ್ರವಿದು. ಪ್ರತಿಯೊಂದು ಕ್ಷಣ ಕೂಡಾ ನೇರವಾಗಿ ಹೃದಯಕ್ಕೆ ತಟ್ಟುತ್ತದೆ ಇದನ್ನೇ ಅಸಲಿ ಸಿನಿಮಾ ಎನ್ನೋದು. ಅದ್ಭುತ ನಟನೆ, ದೈತ್ಯಾಕಾರದ ಮೇಕಿಂಗ್ ಮತ್ತು ಪ್ರತಿಯೊಂದನ್ನೂ ಅನುಭವಿಸುವಂತೆ ಮಾಡುವ ಕಥೆ ಹೇಳುವ ರೀತಿ ಅದ್ಭುತವಾಗಿದೆ.

ರಣವೀರ್​ ಸಿಂಗ್​ ಅವರ ಎಮೋಷನ್ ಅಬ್ಬಾ! ಇಡೀ ತಂಡಕ್ಕೆ ನನ್ನ ತುಂಬು ಪ್ರೀತಿ. ಆದಿತ್ಯ ಧರ್ ಅವರು ಎಂದಾದರೂ ನನಗೊಂದು ಸಿನಿಮಾದಲ್ಲಿ ಅವಕಾಶ ನೀಡುತ್ತಾರೆ ಎಂದು ಭಾವಿಸುತ್ತೇನೆ. ಅವರೊಂದಿಗೆ ಕೆಲಸ ಮಾಡಲು ನಾನು ಹಪಹಪಿಸುತ್ತಿದ್ದೇನೆ ಎಂದು ಪೋಸ್ಟ್​ನಲ್ಲಿ ಬರೆದಿದ್ದಾರೆ.

ಈ ಪೋಸ್ಟ್ ಎಲ್ಲೆಡೆ ವೈರಲ್​ ಆದ ನಂತರ ಇದು ನಕಲಿ ಎಂದು ದೃಢಪಟ್ಟಿದೆ. ಆದಾಗ್ಯೂ, ಖಾನ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಅಂತಹ ಯಾವುದೇ ಪೋಸ್ಟ್​ಗಳನ್ನು ಹಂಚಿಕೊಂಡಿಲ್ಲ. ಇದೊಂದು ಸಾಮಾಜಿಕ ಬಳಕೆದಾರರು ಡಿಜಿಟಲ್​ ರೂಪದಲ್ಲಿ ರಚಿಸಿರುವಂತೆ ಕಂಡುಬಂದಿದೆ. 

ಪೋಸ್ಟ್‌ ಸುಳ್ಳು ಎಂದು ಅನೇಕ ಬಳಕೆದಾರರು ಬೇಗನೆ ಗಮನಿಸಿ, ಇದನ್ನು ಎಡಿಟ್​ ಮಾಡಲಾಗಿದೆ. ಶಾರುಖ್ ಖಾನ್ ಈ ಕಥೆಯನ್ನು ತಮ್ಮ ಖಾತೆಯಲ್ಲಿ ಪೋಸ್ಟ್ ಮಾಡಿಲ್ಲ ಎಂದು ಕಾಮೆಂಟ್​ ಮಾಡಿದ್ದಾರೆ.

ವೃತ್ತಿ  ಜೀವನದಲ್ಲಿ ಶಾರುಖ್ ಖಾನ್ ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಕಿಂಗ್​ ಚಿತ್ರದ ಶೂಟಿಂಗ್​ನಲ್ಲಿದ್ದಾರೆ. ಈ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್, ಸುಹಾನಾ ಖಾನ್, ರಾಣಿ ಮುಖರ್ಜಿ, ದೀಪಿಕಾ ಪಡುಕೋಣೆ, ಅನಿಲ್ ಕಪೂರ್, ಅರ್ಷದ್ ವಾರ್ಸಿ, ರಾಘವ್ ಜುಯಾಲ್ ಮತ್ತು ಜೈದೀಪ್ ಅಹ್ಲಾವತ್ ನಟಿಸುತ್ತಿದ್ದಾರೆ (ಏಜೆನ್ಸೀಸ್​).