ಮಗುವಿನ ಅಪ್ಪುಗೆಯಲ್ಲಿ ಸೋನಂ ಕಪೂರ್‌: ಎರಡನೇ ಕಂದಮ್ಮನ ಮೊದಲ ಫೋಟೋ ವೈರಲ್! Sonam Kapoor

ನಟಿ ಹಂಚಿಕೊಂಡ ಪೋಸ್ಟ್​ನಲ್ಲಿ ಮೊದಲ ಚಿತ್ರವು ತಾಯಿ ಮತ್ತು ಮಗುವಿನ ಮಮತೆಯನ್ನು ತೋರಿಸಿದರೆ, ಎರಡನೇ ಚಿತ್ರವು ತಾಯಿಯ ಆರೋಗ್ಯ ಮತ್ತು ಪೌಷ್ಟಿಕಾಂಶದ ಮಹತ್ವವನ್ನು ಸಾರುತ್ತದೆ. 

ನಮ್ಮ ಎರಡನೇ ಮಗುವನ್ನು ಈ ಜಗತ್ತಿಗೆ ಸ್ವಾಗತಿಸುವಾಗ ನಮಗೆ ಅತ್ಯಂತ ಅದ್ಭುತವಾದ ಅನುಭವವನ್ನು ನೀಡಿದ 'ಎಚ್‌ಎನ್ ರಿಲಯನ್ಸ್ ಆಸ್ಪತ್ರೆ'ಗೆ ಧನ್ಯವಾದಗಳು. ಇಲ್ಲಿನ ಅನುಭವವು ನಿಜಕ್ಕೂ ಎಲ್ಲಾ ರೀತಿಯಲ್ಲೂ ಅಪ್ರತಿಮವಾಗಿತ್ತು.

ನನ್ನ ಇಬ್ಬರು ಮಕ್ಕಳ ಜನನದ ಸಮಯದಲ್ಲೂ ನನಗೆ ಮಾರ್ಗದರ್ಶನ ನೀಡಿದದ  ನನ್ನ ಪ್ರಸೂತಿ ತಜ್ಞರಾದ ಡಾ. ಅವಾನ್ ದಾದಿನಾ ಅವರಿಗೆ ವಿಶೇಷ ಧನ್ಯವಾದಗಳು. ಅವರ ಆರೈಕೆಯಲ್ಲಿ ಅಪರೂಪದ ನಂಬಿಕೆ, ಶಾಂತಿ ಮತ್ತು ಭರವಸೆಯ ಭಾವನೆ ಇದೆ. ಅವರ ಬೆಂಬಲ, ಜ್ಞಾನ ಮತ್ತು ದಯೆಗಾಗಿ ನಾನು ಎಂದೆಂದಿಗೂ ಕೃತಜ್ಞಳಾಗಿರುತ್ತೇನೆ ಎಂದು ಬರೆದು ಪೋಸ್ಟ್​ ಮಾಡಿದ್ದಾರೆ. 

ಇದಕ್ಕೂ ಮೊದಲು, ಸೋನಮ್​ ದಂಪತಿ ಸಂತೋಷದ ಸುದ್ದಿಯನ್ನು ಹಂಚಿಕೊಂಡಿದ್ದು, ಅಗಾಧ ಕೃತಜ್ಞತೆ ಮತ್ತು ತುಂಬಾ ಪ್ರೀತಿಯಿಂದ ಇಂದು ನಾವು ಗಂಡು ಮಗುವಿನ ಆಗಮನವನ್ನು ಘೋಷಿಸಲು ತುಂಬಾ ಸಂತೋಷಪಡುತ್ತೇವೆ.  

ನಮ್ಮ ಕುಟುಂಬಕ್ಕೆ ಹೊಸ ಅತಿಥಿಯ ಆಗಮನವಾಗಿದೆ. ಅವನ ಬರುವಿಕೆಯಿಂದ ನಮ್ಮ ಹೃದಯಗಳು ಅತ್ಯಂತ ಸುಂದರವಾದ ರೀತಿಯಲ್ಲಿ ವಿಸ್ತರಿಸಿವೆ.  ವಾಯು ತನ್ನ ಚಿಕ್ಕ ಸಹೋದರನನ್ನು ಸ್ವಾಗತಿಸಲು ತುಂಬಾ ಸಂತೋಷಪಡುತ್ತಾನೆ. ಇದೀಗ ನಾವು ನಾಲ್ವರೂ ಕುಟುಂಬವಾಗಿ ಈ ಸುಂದರವಾದ ಹೊಸ ಅಧ್ಯಾಯವನ್ನು ಪ್ರಾರಂಭಿಸಲು ಕೃತಜ್ಞರಾಗಿದ್ದೇವೆ ಎಂದು ಬರೆದಿದ್ದರು. 

ಚಿಕ್ಕಮ್ಮ ರಿಯಾ ಕಪೂರ್, ಗಂಡು ಮಗುವನ್ನು ಪ್ರೀತಿಯಿಂದ ತಬ್ಬಿಕೊಂಡಿರುವ ಚಿತ್ರವನ್ನು ಹಂಚಿಕೊಳ್ಳುವ ಜೊತೆಗೆ ನಿಮಗೆ ಬೇಕಾಗಿರುವುದು ಸೋನಮ್​ ಕಪೂರ್​ ಅವರ ಸೂಪರ್ ಹ್ಯೂಮನ್ ಮಾಮ್ ಶಕ್ತಿ ಮಾತ್ರ ಎಂದು ಬರೆದಿದ್ದಾರೆ.

ಮೂರು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ ನಂತರ ಸೋನಮ್ ಕಪೂರ್ ಮತ್ತು ಆನಂದ್ ಅಹುಜಾ 2018 ರಲ್ಲಿ ವಿವಾಹವಾದರು. 2022 ರಲ್ಲಿ ದಂಪತಿ ತಮ್ಮ ಮೊದಲ ಮಗು ವಾಯುವನ್ನು ಸ್ವಾಗತಿಸಿದರು. ಕೆಲಸದ ವಿಚಾರಕ್ಕೆ ಬಂದರೆ, ನಟಿ ಕೊನೆಯ ಬಾರಿಗೆ  2023 ರಲ್ಲಿ ಚಲನಚಿತ್ರ ಬ್ಲೈಂಡ್‌ನಲ್ಲಿ ಕಾಣಿಸಿಕೊಂಡರು. ಅಂದಿನಿಂದ ಅವರು ಬಾಲಿವುಡ್‌ನಿಂದ ವಿರಾಮ ತೆಗೆದುಕೊಂಡಿದ್ದಾರೆ (ಏಜೆನ್ಸೀಸ್​).