ಶಾರುಖ್​ರ ವ್ಯಾನಿಟಿ ವ್ಯಾನ್​ನಲ್ಲಿ ಜಿಮ್​ ಇದೆಯಂತೆ..! ದೀಪಿಕಾ ಪಡುಕೋಣೆ ವ್ಯಾನ್ ಬಗ್ಗೆ ಡಿಸೈನರ್ ವಿನಿತಾ ಹೇಳಿದ್ದೇನು? Hindi cinema

ಮಾಸೂಮ್ ಮಿನಾವಾಲಾ ಅವರೊಂದಿಗೆ ಸಂಭಾಷಣೆ ನಡೆಸುವಂತಹ ಸಮಯದಲ್ಲಿ, ವಿನ್ಯಾಸಕಿ ವಿನಿತಾ ಚೈತನ್ಯ ಸೆಲೆಬ್ರಿಟಿ ಜೀವನದ ಕೆಲವೊಂದು ಅಂಶಗಳ ಬಗ್ಗೆ ಮಾತನಾಡಿದ್ದಾರೆ. ಇದು ದೀಪಿಕಾ ಪಡುಕೋಣೆ ಮತ್ತು ಶಾರುಖ್ ಖಾನ್ ಅವರ ಆನ್-ಸೆಟ್ ಸೆಟಪ್ ಬಗ್ಗೆ ಅನಿರೀಕ್ಷಿತ ವಿವರಗಳನ್ನು ಒಳಗೊಂಡಿದೆ.

ವಿನೀತಾ ಅವರು ಸೂಚಿಸಿದಂತೆ, ದೀಪಿಕಾ ಅವರ ವೃತ್ತಿಪರ ಸಂಬಂಧವು ವಸತಿ ಮತ್ತು ಕೆಲಸಕ್ಕೆ ಸಂಬಂಧಿಸಿದ ಹಲವಾರು ಯೋಜನೆಗಳನ್ನು ವ್ಯಾಪಿಸಿದೆ. ದೀಪಿಕಾ ಅವರ ಆರಂಭಿಕ ಬ್ಯೂಮೊಂಡೆ ಅಪಾರ್ಟ್‌ಮೆಂಟ್‌ನಿಂದ ಹಿಡಿದು ಅವರ ಮೇಲಿನ ಮಹಡಿಯ ಕೆಲಸದ ಸ್ಥಳದವರೆಗೆ, ಹಲವು ವರ್ಷಗಳಿಂದ ದೀಪಿಕಾಗೆ ಏನು ಬೇಕೋ ಅದೆಲ್ಲವನ್ನೂ ಕಲ್ಪಿಸುವ ಕೆಲಸವನ್ನು ನಾನು ಮಾಡಿದ್ದೇನೆ ಎಂದರು.

ದೀಪಿಕಾ ತಮ್ಮ ವ್ಯಾನಿಟಿ ವ್ಯಾನ್‌ಗಳ ವಿನ್ಯಾಸವನ್ನು ತಮ್ಮ ಮನೆಯಂತೆಯೇ ಭಾವಿಸುತ್ತಾರೆ. ಅದನ್ನು ಒಂದು ನಿರ್ದಿಷ್ಟ ರೀತಿಯಲ್ಲಿ ಬಳಸುತ್ತಿದ್ದರು. ಇದು ತುಂಬಾ ಸಂತೋಷವನ್ನು ಕೊಟ್ಟಿದೆ. ಕೆಲವೊಮ್ಮೆ ತಂತ್ರಜ್ಞರೊಂದಿಗೆ ಕೆಲಸ ಮಾಡಲು ಮಧ್ಯಪ್ರವೇಶಿಸಬೇಕಾಗಿರುತ್ತದೆ. ಈ ಸಮಯದಲ್ಲಿ ಆ ವ್ಯಾನಿಟಿ ವ್ಯಾನ್​ ನೋಡುವುದು ಬಹಳ ವಿಶೇಷವಾಗಿತ್ತು ಎಂದರು.

ಚಿತ್ರೀಕರಣದ ಪ್ರಮಾಣವನ್ನು ಅವಲಂಬಿಸಿ ವ್ಯಾನಿಟಿ ವ್ಯಾನ್​ಗಳು ವಿಭಿನ್ನ ಉದ್ದೇಶಗಳನ್ನು ಪೂರೈಸುತ್ತದೆ. ಒಂದು ದೊಡ್ಡ ವ್ಯಾನ್​ ಮತ್ತು ಒಂದು ಚಿಕ್ಕ ವ್ಯಾನ್​ ಇದೆ. ಇದರಲ್ಲಿ ಚಿಕ್ಕದನ್ನು ಹತ್ತಿರದ ಪ್ರಯಾಣಕ್ಕಾಗಿ ಬಳಸಲಾಗುತ್ತದೆ. ಆದರೆ ದೊಡ್ಡದನ್ನು ದೊಡ್ಡ ಸ್ಟುಡಿಯೋ ಸೆಟ್‌ಗಳಲ್ಲಿ ಬಳಸಲಾಗುತ್ತದೆ" ಎಂದು ಅವರು ಹೇಳಿದರು.

ದೀಪಿಕಾ ಪಡುಕೋಣೆ ಜೊತೆಗೆ ಶಾರುಖ್ ಖಾನ್ ಚಿತ್ರೀಕರಣ ಮಾಡುತ್ತಿರುವ ಸಂದರ್ಭದಲ್ಲಿ ವ್ಯಾನಿಟಿ ವ್ಯಾನ್​ ಕಡೆ ಹೋಗಲು ಅವಕಾಶ ಸಿಕ್ಕಿತು. ನಾನು ಮೊದಲ ಬಾರಿಗೆ ಶಾರುಖ್​ ಅವರ ವ್ಯಾನ್​ಗೆ ಹೋದೆ. ಈ ವೇಳೆ ಅವರಿಬ್ಬರು ಒಟ್ಟಿಗೆ ಚಿತ್ರೀಕರಣ ಮಾಡುತ್ತಿದ್ದರು ಎಂದು ಹೇಳಿದರು.

ದೀಪಿಕಾ ಅವರ ಅವಶ್ಯಕತೆಗಳು ನಿಖರ ಮತ್ತು ವೈಯಕ್ತಿಕವಾಗಿದ್ದರೂ, ಶಾರುಖ್ ಖಾನ್ ಅವರ ವ್ಯಾನ್ ಸುಲಭ ಮತ್ತು ಪ್ರಾಯೋಗಿಕತೆಯ ಮೇಲೆ ಕೇಂದ್ರೀಕೃತವಾಗಿರುವುದನ್ನು ನಾವು ಗಮನಿಸಬಹುದು. ಅದರಲ್ಲಿ ಶಾರುಖ್​ ಅವರ ವ್ಯಾನ್​ ಅದ್ಭುತವಾಗಿದ್ದು, ಅದರೊಳಗೆ ಜಿಮ್​ ಕೂಡ ಇತ್ತು ಎಂದು ಅಭಿಪ್ರಾಯ ಸೂಚಿಸಿದ್ದಾರೆ (ಏಜೆನ್ಸೀಸ್​).