ಬಾಲಿವುಡ್ ಚೆಲುವೆ ಮಧುಬಾಲಾ ಪಾತ್ರದಲ್ಲಿ ಮಿಂಚಲಿದ್ದಾರೆ ಧುರಂಧರ್ ನಟಿ

ಮಧುಬಾಲಾ, ಭಾರತೀಯ ಚಿತ್ರರಂಗದ ಎವರ್‌ಗ್ರೀನ್ ನಟಿ. ಇವರ ಮೂಲ ಹೆಸರು ಮುಮ್ತಾಜ್ ಜಹಾನ್ ಬೇಗಂ ದೆಹ್ಲವಿ. ದೆಹಲಿಯಲ್ಲಿ 1933ರ ೆ.14ರಂದು ಜನಿಸಿದ್ದರು. ಎಂಟು ವರ್ಷದಲ್ಲಿರುವಾಗಲೇ ‘ಬಸಂತ್’ (1942) ಚಿತ್ರದ ಮೂಲಕ ಬಾಲ ಕಲಾವಿದೆಯಾಗಿ ಚಿತ್ರರಂಗಕ್ಕೆ ಪರಿಚಯವಾಗಿದ್ದ ಮುಮ್ತಾಜ್, ಬಳಿಕ 1947ರಲ್ಲಿ ತೆರೆಕಂಡ ‘ನೀಲ್ ಕಮಲ್’ ಮೂಲಕ ಪೂರ್ಣಪ್ರಮಾಣದ ನಾಯಕಿಯಾದರು. ‘ಚಿತ್ತೋರ್ ವಿಜಯ್’, ‘ದಿಲ್ ಕಿ ರಾಣಿ’, ‘ಅಪರಾಧಿ’, ‘ಮುಘಲ್ ಇ ಅಜಂ’ ಸೇರಿ ಹಿಂದಿಯ 70ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಭಾವ ತುಂಬಿದ ನಟನೆ, ಸೌಂದರ್ಯದ ಮೂಲಕ ಗುರುತಿಸಿಕೊಂಡಿದ್ದ ಮುಮ್ತಾಜ್, ಕ್ರಮೇಣ ‘ಮಧುಬಾಲಾ’ ಎಂದೇ ಚಿತ್ರರಂಗದಲ್ಲಿ ಹೆಸರುವಾಸಿಯಾದರು. 1960ರಲ್ಲಿ ಗಾಯಕ ಕಿಶೋರ್ ಕುಮಾರ್ ವರಿಸಿದ್ದ ಮಧುಬಾಲಾ, 1694ರಲ್ಲಿ ತಮ್ಮ 36ನೇ ವಯಸ್ಸಿನಲ್ಲಿ ಅನಾರೋಗ್ಯದಿಂದಾಗಿ ದುರಂತ ಅಂತ್ಯ ಕಂಡಿದ್ದರು. ಇದೀಗ ನಟಿಯ ಜೀವನ ಹಾಗೂ ಸಾಧನೆ ಕುರಿತು ಹಿಂದಿಯಲ್ಲಿ ಸಿನಿಮಾವಾಗುತ್ತಿದೆ.