ಸಲ್ಮಾನ್ ಖಾನ್ ಅವರ ಕಠಿಣ ವ್ಯಾಯಾಮ ವೇಳಾಪಟ್ಟಿ ಅನುಸರಿಸಿ 15 ಕೆ.ಜಿ ತೂಕ ಇಳಿಸಿಕೊಂಡೆ: ಗಾಯಕ ಅರ್ಮಾನ್​ ಮಲಿಕ್​ Bollywood

ಸಲ್ಮಾನ್ ತನ್ನ ಮ್ಯೂಸಿಕ್ ವಿಡಿಯೋದಲ್ಲಿ ಶರ್ಟ್‌ಲೆಸ್ ಆಗಿ ಕಾಣಿಸಿಕೊಳ್ಳುವ ಸಲುವಾಗಿ ಕಠಿಣ ನೃತ್ಯ ಮತ್ತು ವ್ಯಾಯಾಮ ವೇಳಾಪಟ್ಟಿಯನ್ನು ಮಾಡುವಂತೆ ಸೂಚಿಸಿದ್ದರು. ಈ ಪ್ರಕ್ರಿಯೆಯಲ್ಲಿ ಸುಮಾರು 10-15 ಕೆಜಿ ತೂಕ ಇಳಿಸಿಕೊಂಡಿದ್ದೇನೆ ಎಂದು ಗಾಯಕ ಅರ್ಮಾನ್​ ಬಹಿರಂಗಪಡಿಸಿದ್ದಾರೆ.

ಫರಹಾ ಖಾನ್ ಅವರ ಯೂಟ್ಯೂಬ್ ಚಾನೆಲ್‌ನಲ್ಲಿ ನಡೆದ ಸಂವಾದದಲ್ಲಿ ಅರ್ಮಾನ್​, ನನಗೆ ಭಾರತದ ಜಸ್ಟಿನ್ ಬೀಬರ್ ಆಗಬೇಕೆಂಬ ಆಸೆ ಇತ್ತು ಎಂದು ಹೇಳಿದರು. ಸಲ್ಮಾನ್ ಖಾನ್‌ಗೆ ತಮ್ಮ ಆಲ್ಬಮ್ ತೋರಿಸಿದ ಬಗ್ಗೆ ನೆನಪಿಸಿಕೊಂಡಿದ್ದು,  ನನ್ನ ಎರಡು ಹಾಡುಗಳು ಸಲ್ಮಾನ್​ ಅವರಿಗೆ ತುಂಬಾ ಇಷ್ಟವಾಗಿದ್ದವು. ಅವರು ತಮ್ಮ ಚಿತ್ರಕ್ಕೆ ಒಂದು ಅಥವಾ ಎರಡು ಹಾಡುಗಳನ್ನು ಬಳಸಲು ಇಷ್ಟಪಟ್ಟಿದ್ದರಿಂದ ಆಲ್ಬಮ್​ ಬಿಡುಗಡೆ ಮಾಡಬಾರದು ಎಂದು ತಿಳಿಸಿದ್ದರು. ಈ ರೀತಿಯಾಗಿ ಬಾಲಿವುಡ್​ಗೆ ಚೊಚ್ಚಲ ಪ್ರವೇಶ ಪಡೆದೆ ಎಂದು ಹೇಳಿದ್ದಾರೆ.

ಸಲ್ಮಾನ್ ತನ್ನ ಮ್ಯೂಸಿಕ್ ವಿಡಿಯೋದಲ್ಲಿ ಶರ್ಟ್ ಇಲ್ಲದೆ ಕಾಣಿಸಿಕೊಳ್ಳಬೇಕೆಂದು ಬಯಸಿದ್ದರು ಎಂದು ಅರ್ಮಾನ್ ಬಹಿರಂಗಪಡಿಸಿದ್ದಾರೆ. ಪ್ರಾರಂಭದಲ್ಲಿ ನನ್ನನ್ನು ಮತ್ತು ಅಮಲ್​ ಅವರನ್ನು ಸೇರಿಸಿದ್ದರು. ನೀವಿಬ್ಬರೂ ಕೊನೆಯವರೆಗೂ ವಿಡಿಯೋದಲ್ಲಿ ಪ್ರೀತಿಯಿಂದ ಇರಬೇಕೆಂದು ಎಚ್ಚರಿಕೆ ನೀಡಿದ್ದರು. ನೀವು ಶರ್ಟ್​ ಇಲ್ಲದೇ ಇರುತ್ತೀರಿ ಎಂದಿದ್ದರು. ಆದರೆ, ನನಗೆ ಇದು ಸಾಧ್ಯವಿಲ್ಲ ಎಂದು ನಾನು ಭಾವಿಸಿದೆ.

ಸಲ್ಮಾನ್ ಖಾನ್ ಅವರ ತೂಕ ಇಳಿಕೆಯ ಕ್ರಮಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದ ಅರ್ಮಾನ್​, ನಟ "ಕಠಿಣ ನೃತ್ಯ ಮತ್ತು ವ್ಯಾಯಾಮ ವೇಳಾಪಟ್ಟಿ" ಅನುಸರಿಸಲು ನನ್ನನ್ನು ಒತ್ತಾಯಿಸಿದರು. ಹಾಗಾಗಿ ನಾನು ಸುಮಾರು 10-15 ಕೆಜಿ ತೂಕವನ್ನು ಕಡಿಮೆ ಮಾಡಿಕೊಂಡೆ. ಇದರಿಂದ ನಾನು ತುಂಬಾ ತೆಳ್ಳುಗೆ ಕಾಣುತ್ತಿದ್ದೆ, ಅದೃಷ್ಟವಶಾತ್​ ನಾನು ಚಿತ್ರೀಕರಣದ ಸಂದರ್ಭದಲ್ಲಿ  ನನ್ನ ಶರ್ಟ್ ತೆಗೆಯಬೇಕಾಗಿಲ್ಲ ಎಂದು ತಿಳಿಸಿದ್ದರು.

ಜೈ ಹೋ ಸಿನಿಮಾ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ ಅರ್ಮಾನ್​,  2016 ರ ಚಲನಚಿತ್ರ MS ಧೋನಿ: ದಿ ಅನ್‌ಟೋಲ್ಡ್ ಸ್ಟೋರಿಯಲ್ಲಿ ಕೌನ್ ತುಜೆ ಮತ್ತು ಬೆಸಾಬ್ರಿಯಾನ್ ಹಾಡುಗಳೊಂದಿಗೆ ವ್ಯಾಪಕವಾಗಿ ಯಶಸ್ಸನ್ನು ಗಳಿಸಲು ಪ್ರಾರಂಭಿಸಿದರು. ಅವರ ಧ್ವನಿಮುದ್ರಿಕೆಯು ಸೂರಜ್ ದೂಬಾ ಹೈ, ಕಾರ್ ಗಯಿ ಚುಲ್, ಆಶಿಕ್ ಸರೆಂಡರ್ ಹುವಾ ಮತ್ತು ಹೆಚ್ಚಿನವುಗಳನ್ನು  ಒಳಗೊಂಡಂತೆ ಹಲವಾರು ಚಾರ್ಟ್-ಟಾಪ್ ಹಾಡುಗಳನ್ನು ಒಳಗೊಂಡಿವೆ (ಏಜೆನ್ಸೀಸ್​).