ನಮ್ಮಪ್ಪನ ಬಗ್ಗೆ ಹೇಳೋಕೆ ನಾವಿದ್ದೀವಿ.. ಲೀಲಾವತಿ ವೈದ್ಯರ ಅತಿರೇಕದ ಬಗ್ಗೆ ಸಲ್ಮಾನ್ ಕುಟುಂಬ ಕಿಡಿ! Salim Khan

ಈ ಹಿಂದೆ ಸಲ್ಮಾನ್​ ಖಾನ್​ ಅವರ ತಂದೆಯ ಮೆದುಳಿನಲ್ಲಿ ಸಣ್ಣ ಪ್ರಮಾಣದ ರಕ್ತಸ್ರಾವವಾಗಿರುವುದರಿಂದ ಅವರನ್ನು ಮುಂಬೈನ ಲೀಲಾವತಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರ ಆರೋಗ್ಯದ ಬಗ್ಗೆ ವದಂತಿಗಳು ಹರಡಲು ಪ್ರಾರಂಭಿಸಿದಾಗ ಡಾ. ಜಲೀಲ್ ಪಾರ್ಕರ್ ಅಲೀಂ ಅವರು ಸಧ್ಯ ವೆಂಟಿಲೇಟರ್ ಬೆಂಬಲದಲ್ಲಿದ್ದಾರೆ ಎಂದು ಮಾಹಿತಿ ಹಂಚಿಕೊಂಡಿದ್ದರು.

ಆದಾಗ್ಯೂ, ಸಾರ್ವಜನಿಕ ಹೇಳಿಕೆಯು ಖಾನ್​ ಕುಟುಂಬವನ್ನು ತೀವ್ರ ಅತೃಪ್ತಿಗೊಳಿಸಿದೆ. ಈ ಕುರಿತು 'ವೆರೈಟಿ ಇಂಡಿಯಾ' ಜೊತೆಗೆ ಮಾತನಾಡಿದ ಕುಟುಂಬದವರು ಆರೋಗ್ಯವು ಅತ್ಯಂತ ಖಾಸಗಿ ವಿಷಯ. ಆದರ್ಶಪ್ರಾಯವಾಗಿ ಹೇಳುವುದಾದರೆ, ಯಾವುದೇ ವೈದ್ಯಕೀಯ ಅಪ್‌ಡೇಟ್‌ಗಳನ್ನು ಮಾಧ್ಯಮಗಳೊಂದಿಗೆ ಹಂಚಿಕೊಳ್ಳಬಾರದು. ಅಭಿಮಾನಿಗಳು ಮತ್ತು ಹಿತೈಷಿಗಳನ್ನು ಉದ್ದೇಶಿಸಿ ಯಾವಾಗ ಮತ್ತು ಹೇಗೆ ಮಾತನಾಡಬೇಕು ಎಂಬ ನಿರ್ಧಾರವನ್ನು ಸಂಪೂರ್ಣವಾಗಿ ಕುಟುಂಬಕ್ಕೆ ಬಿಡಬೇಕು ಎಂದು ತಿಳಿಸಿದ್ದಾರೆ.

ಸಲೀಂ ಖಾನ್ ಅವರ ಆರೋಗ್ಯದ ಬಗ್ಗೆ ಮಾತನಾಡಿದ ಡಾಕ್ಟರ್​ ಜಲೀಲ್​ ಪಾರ್ಕರ್​, ಖಾನ್​ಮೆದುಳಿನಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ರಕ್ತಸ್ರಾವವಾಗಿದ್ದರಿಂದ ಅವರನ್ನು ಚಿಕಿತ್ಸೆಗೆ ಒಳಪಡಿಸಲಾಗಿದೆ. ಇಂದು ಅವರ ಆರೋಗ್ಯ ಸುಧಾರಣೆಯಾಗಿದ್ದು, ಸದ್ಯಕ್ಕೆ ವೆಂಟಿಲೇಟರ್​ನಲ್ಲಿದ್ದಾರೆ. ಇವರಿಗೆ ಯಾವುದೇ ಶಸ್ತ್ರಚಿಕಿತ್ಸೆಯ ಅಗತ್ಯವಿಲ್ಲ. ಹಾಗಾಗಿ ನಾಳೆಯೊಳಗೆ ಸಂಪೂರ್ಣವಾಗಿ ಚೇತರಿಸಿಕೊಂಡು, ಮನೆಗೆ ತೆರಳಿದ್ದಾರೆ ಎಂದು ಹೇಳಿದ್ದರು.

ಸಲೀಂ ಖಾನ್ ಅವರನ್ನು ಹಿಂದಿ ಚಿತ್ರರಂಗದ ಪ್ರಮುಖ ಚಿತ್ರಕಥೆಗಾರರಲ್ಲಿ ಒಬ್ಬರೆಂದು ಪರಿಗಣಿಸಲಾಗುತ್ತದೆ. ಜಾವೇದ್ ಅಖ್ತರ್ ಅವರೊಂದಿಗೆ ಸೇರಿ ಇವರು ತಮ್ಮ ಕಥನಾ ಶೈಲಿಯಲ್ಲೇ ಬದಲಾಯಿಸಿ ಪ್ರೇಕ್ಷಕರ ಗಮನವನ್ನು ಸೆಳೆಯುತ್ತಿದ್ದರು.

ಸುಮಾರು 12 ವರ್ಷಗಳ ಕಾಲ ಅತ್ಯಂತ ಯಶಸ್ವಿ ವೃತ್ತಿಪರ ಪಾಲುದಾರಿಕೆಯನ್ನು ಹೊಂದಿದ್ದ ಈ ಜೋಡಿ, ಒಟ್ಟು 24 ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. ಇವರ 20 ಚಿತ್ರಗಳು ಬ್ಲಾಕ್‌ಬಸ್ಟರ್ ಹಿಟ್ ಪಡೆದಿದ್ದವು.

ಶೋಲೆ, ದೀವಾರ್, ಜಂಜೀರ್ ಮತ್ತು ಡಾನ್ ಸೇರಿದಂತೆ ಭಾರತೀಯ ಚಿತ್ರರಂಗದಲ್ಲಿ ಅತ್ಯಂತ ಜನಪ್ರಿಯವಾದ ಕೆಲವು ಚಲನಚಿತ್ರಗಳನ್ನು ಬರೆದರು. ಇದು ಅಮಿತಾಭ್​ ಬಚ್ಚನ್​ ಅವರಿಗೆ ಆ್ಯಂಗ್ರಿ ಎಂಗ್​ ಮ್ಯಾನ್​ ಎಂಬ ಬಿರುದನ್ನು ಪಡೆಯಲು ಸಹಾಯ ಮಾಡಿತು (ಏಜೆನ್ಸೀಸ್​).