90ರ ದಶಕದ ಬಿಗ್ ಬ್ರೇಕಪ್: ರವೀನಾ-ಅಕ್ಷಯ್ ಪ್ರೀತಿಗೆ ಅಡ್ಡಬಂದರೇ ಶಿಲ್ಪಾ ಶೆಟ್ಟಿ?Raveena Tandon

Raveena Tandon: ಬಾಲಿವುಡ್ ಇತಿಹಾಸದಲ್ಲಿ ಕೆಲವು ಪ್ರೇಮ ಕಥೆಗಳು ಸಿನಿಮಾದ ಪರದೆಯ ಮೇಲಿಗಿಂತಲೂ ನಿಜ ಜೀವನದಲ್ಲಿ ಹೆಚ್ಚಾಗಿ ಸಂಚಲನ ಮೂಡಿಸುತ್ತವೆ. ಅಂತಹವುಗಳಲ್ಲಿ 90 ರ ದಶಕದ ಅಕ್ಷಯ್ ಕುಮಾರ್ , ರವೀನಾ ಟಂಡನ್​ ಮತ್ತು ಶಿಲ್ಪಾ ಶೆಟ್ಟಿ ಅವರ ನಡುವಿನ ತ್ರಿಕೋನ ಪ್ರೇಮ ಕಥೆಯು ಅಭಿಮಾನಿಗಳನ್ನು ಅಚ್ಚರಿಗೊಳಿಸಿತ್ತು.

ಈ ತ್ರಿಕೋನ ಪ್ರೇಮ ಕಥೆಯು ರವೀನಾ ಮತ್ತು ಶಿಲ್ಪಾ ನಡುವೆ ಬಿರುಕು ಉಂಟುಮಾಡಿದೆ ಎಂಬ ವದಂತಿಗಳು ಕಾಡ್ಗಿಚ್ಚಿನಂತೆ ಹರಡಲು ಪ್ರಾರಂಭಿಸಿದವು. ಆದರೆ, ಈ ವದಂತಿಗಳ ಬಗ್ಗೆ ಮೂವರು ಎಲ್ಲಿಯೂ ದೃಢೀಕರಿಸಲಿಲ್ಲ. ಬದಲಾಗಿ ತಮ್ಮದೇ ಆದ ಜೀವನದಲ್ಲಿ ಮುಂದುವರೆಯಲು ಇಷ್ಟಪಟ್ಟರು.

ಜೂಮ್ ಸಂಭಾಷಣೆಯ ಕಾರ್ಯಕ್ರಮದಲ್ಲಿ ಮಾತನಾಡಿದ ರವೀನಾ, ಅಂದಿನ ಗಾಸಿಪ್‌ಗಳನ್ನು ತಳ್ಳಿಹಾಕುತ್ತಾ, ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ. ನಾನು ಆ ದೃಶ್ಯದಲ್ಲಿ ಇರಲಿಲ್ಲ, ನಮ್ಮ ನಡುವೆ ಎಂದಿಗೂ ದೊಡ್ಡ ಸಮಸ್ಯೆ ಇರಲಿಲ್ಲ. ಈಗ ನಾವೆಲ್ಲರೂ ಕುಳಿತು ಹಳೆಯ ವಿಷಯಗಳನ್ನು ನೆನೆದು ನಗುತ್ತೇವೆ," ಎಂದು ಅವರು ಹೇಳಿದ್ದಾರೆ.

ಲಿಂಕ್-ಅಪ್‌ಗಳು, ಬ್ರೇಕ್‌ಅಪ್‌ಗಳು ಮತ್ತು ಸಂಬಂಧಗಳ ಏರಿಳಿತಗಳನ್ನು ಯಾರು ಎದುರಿಸಿಲ್ಲ? ಒಂದೇ ಉದ್ಯಮದಲ್ಲಿರುವಾಗ ಪ್ರತಿಯೊಬ್ಬರೂ ಈ ಹಂತವನ್ನು ದಾಟಿ ಬಂದಿರುತ್ತಾರೆ. ಆದರೆ, ಇಂದು ನಾನು ಅಕ್ಷಯ್​ ಹಾಗೂ ಶಿಲ್ಪಾ ಸ್ನೇಹಿತರಾಗಿದ್ದೇವೆ. ನಮ್ಮ ಜೀವನದಲ್ಲಿ ಮುಂದುವರೆಯುತ್ತಿದ್ದೇವೆ. ಅದರ ಜೊತೆಗೆ ನಮ್ಮ ಕುಟುಂಬ ಮತ್ತು ಮಕ್ಕಳೊಂದಿಗೆ ಸಂತೋಷವಾಗಿದ್ದೇವೆ ಎಂದರು.

ಅಕ್ಷಯ್​ ಮತ್ತು ನಾನು ಈಗಾಗಲೇ 'ವೆಲ್‌ಕಮ್ 3' ಚಿತ್ರೀಕರಣ ಮುಗಿಸಿದ್ದೇವೆ. ಚಿತ್ರವು ತುಂಬಾ ಆಸಕ್ತಿದಾಯಕವಾಗಿದೆ. ಈ ಚಿತ್ರೀಕರಣದ ಸಮಯದಲ್ಲಿ ತಂಡದೊಂದಿಗೆ ತುಂಬಾ ಆನಂದಿಸಿದ್ದೇವೆ. ಜೊತೆಗೆ ಪರಸ್ಪರ ಸಂತೋಷವಾಗಿ ಕಾಲ ಕಳೆದಿದ್ದೇವೆ ಎಂದರು.

ಅಕ್ಷ ಮತ್ತು ನಾನು ಯಾವಾಗಲೂ ತುಂಬಾ ಒಳ್ಳೆಯ ಸ್ನೇಹಿತರು: ರವೀನಾ

1994ರಲ್ಲಿ ತೆರೆಕಂಡ 'ಮೊಹ್ರಾ' ಚಿತ್ರದ ಚಿತ್ರೀಕರಣದ ವೇಳೆ ಅಕ್ಷಯ್ ಮತ್ತು ರವೀನಾ ಪ್ರೀತಿಯಲ್ಲಿ ಬಿದ್ದಿದ್ದರು. ಇವರಿಬ್ಬರ ಕೆಮಿಸ್ಟ್ರಿ ಬೆಳ್ಳಿತೆರೆಯಲ್ಲಿ ಭಾರೀ ಸದ್ದು ಮಾಡಿತ್ತು. ಇದಾದ ಬಳಿಕ ಇಬ್ಬರೂ ದೇವಸ್ಥಾನವೊಂದರಲ್ಲಿ ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆ ಸಮಯದಲ್ಲಿ ರವೀನಾ ಅಕ್ಷಯ್​ಗಾಗಿ ವೃತ್ತಿ ಜೀವನವನ್ನೇ ಬಿಟ್ಟು ಮದುವೆಯಾಲು ಬಯಸಿದ್ದರು ಎಂಬ ಮಾತುಗಳು ಆಗ್ಗಾಗ ಕೇಳಿ ಬರುತ್ತವೆ.

ಕಾಲಾನಂತರದಲ್ಲಿ ಇವರಿಬ್ಬರ ಸಂಬಂಧ ಮುರಿದು ಬಿತ್ತು. ನಂತರ 2001 ರಲ್ಲಿ ಟ್ವಿಂಕಲ್ ಖನ್ನಾ ಅವರನ್ನು ಅಕ್ಷಯ್​ ವಿವಾಹವಾದರು. ನಂತರ ರವೀನಾ ಉದ್ಯಮಿ ಅನಿಲ್ ಥಡಾನಿ ಅವರನ್ನು ವಿವಾಹವಾದರು. ಶಿಲ್ಪಾ ಶೆಟ್ಟಿ ರಾಜ್ ಕುಂದ್ರಾ ಮದುವೆಯಾಗಿ, ಸಂತೋಷದಿಂದ ಕಾಲ ಕಳೆಯುತ್ತಿದ್ದಾರೆ.

ವೆಲ್ಕಮ್ ಟು ದಿ ಜಂಗಲ್ ಚಿತ್ರದಲ್ಲಿ ದಿಶಾ ಪಟಾನಿ, ಸುನೀಲ್ ಶೆಟ್ಟಿ, ಲಾರಾ ದತ್ತಾ, ಜಾಕ್ವೆಲಿನ್ ಫರ್ನಾಂಡಿಸ್, ರಾಜ್‌ಪಾಲ್ ಯಾದವ್ ಮತ್ತು ಅರ್ಷದ್ ವಾರ್ಸಿ ಕೂಡ ನಟಿಸಿದ್ದಾರೆ. ಈ ಚಿತ್ರ ಜೂನ್ 26 ರಂದು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ. ಆದಾಗ್ಯೂ, ರವೀನಾ ಶೀಘ್ರದಲ್ಲೇ ಅಕ್ಷಯ್ ಜೊತೆ 'ವೆಲ್‌ಕಮ್ 3' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ (ಏಜೆನ್ಸೀಸ್).