ಬಾಸ್ಕೆಟ್‌ಬಾಲ್ ಕೋರ್ಟ್‌ನಲ್ಲಿ ಬಾಲಿವುಡ್ ಕಿಂಗ್-ಕ್ವೀನ್: ರಣವೀರ್-ದೀಪಿಕಾ ಸ್ಟೈಲಿಶ್ ಲುಕ್‌ಗೆ ಫ್ಯಾನ್ಸ್ ಫಿದಾ! Ranveer Singh

ಇಬ್ಬರೂ ಕಪ್ಪು ಬಣ್ಣದ ಸ್ಟೈಲಿಶ್ ಔಟ್‌ಫಿಟ್‌ಗಳಲ್ಲಿ ಕಾಣಿಸಿಕೊಂಡಿದ್ದು, ದೀಪಿಕಾ ಓವರ್‌ಸೈಜ್ ಲೆದರ್ ಜಾಕೆಟ್, ವೈಟ್ ಟೀ-ಶರ್ಟ್ ಮತ್ತು ಬ್ಲೂ ಜೀನ್ಸ್ ಧರಿಸಿದ್ದರೆ, ರಣವೀರ್ ಕಪ್ಪು ಬಣ್ಣದ ಜಾಕೆಟ್, ಟೀ-ಶರ್ಟ್, ಪ್ಯಾಂಟ್ಸ್ ಮತ್ತು ಬೀನಿ ಹ್ಯಾಟ್‌ನ್ನು ಧರಿಸಿದ್ದರು. ಈ ವೇಳೆ ರಣವೀರ್​ ದೀಪಿಕಾ ಅವರಿಗೆ ಪಂದ್ಯದ ಬಗ್ಗೆ ವಿವರಿಸುತ್ತಿರುವುದು ಕೂಡಾ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಈ ವೇಳೆ ಸ್ಥಳದಲ್ಲಿದ್ದ ಅಭಿಮಾನಿಗಳು ದಂಪತಿ ಜೊತೆ ಚಿತ್ರಗಳನ್ನು ಕ್ಲಿಕ್ಕಿಸಿಕೊಂಡಿದ್ದು, ಕೆಲವೇ ಕ್ಷಣಗಳಲ್ಲಿ ಆ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ರಾಷ್ಟ್ರೀಯ ಬ್ಯಾಸ್ಕೆಟ್‌ಬಾಲ್ ಅಸೋಸಿಯೇಷನ್ ​​(NBA) 2021 ರಲ್ಲಿ ಭಾರತದ ಬ್ರಾಂಡ್ ರಾಯಭಾರಿಯಾಗಿ ರಣವೀರ್ ಸಿಂಗ್ ಅವರನ್ನು ನೇಮಕ ಮಾಡಿದ್ದು, ನಟ ಅಂದಿನಿಂದ ಭಾರತದಲ್ಲಿ ಲೀಗ್​ನ ಫ್ರೊಫೈಲ್​ನ್ನು ಹೆಚ್ಚಿಸಲು NBA ಜೊತೆ ಕೆಲಸ ಮಾಡುತ್ತಿದ್ದಾರೆ.

ಕೆಲಸದ ವಿಚಾರಕ್ಕೆ ಬಂದರೆ, ರಣವೀರ್​ ಸಿಂಗ್​ ಅವರ ಧುರಂಧರ್​ ತೆರೆ ಕಂಡ ನಂತರದಿಂದ ಬಾಕ್ಸ್​​ ಆಫೀಸ್​​ನಲ್ಲಿ ಭರ್ಜರಿ ಯಶಸ್ಸನ್ನು ಸಾಧಿಸಿದೆ. ಈ ಚಿತ್ರದಲ್ಲಿ ಅಕ್ಷಯ್ ಖನ್ನಾ, ಆರ್ ಮಾಧವನ್, ಸಂಜಯ್ ದತ್ ಮತ್ತು ಇತರರೊಂದಿಗೆ ರಣವೀರ್​ ಕಾಣಿಸಿಕೊಂಡಿದ್ದಾರೆ. ಮತ್ತೊಂದೆಡೆ, ದೀಪಿಕಾ ಪಡುಕೋಣೆ ಶಾರುಖ್ ಖಾನ್ ಅವರ ಕಿಂಗ್ ಚಿತ್ರದಲ್ಲಿ ತೆರೆಯನ್ನು ಹಂಚಿಕೊಂಡಿದ್ದು, ಅಟ್ಲೀ ಅವರ ಮುಂದಿನ ಮಹತ್ವದ ಯೋಜನೆಯಾದ 'AA22 x A6' ನಲ್ಲಿ ದಕ್ಷಿಣದ ಸೂಪರ್‌ಸ್ಟಾರ್ ಅಲ್ಲು ಅರ್ಜುನ್ ಜೊತೆ ಕಾಣಿಸಿಕೊಳ್ಳಲಿದ್ದಾರೆ (ಏಜೆನ್ಸೀಸ್).