Ranbeer-Deepika ಫ್ಯಾನ್ಸ್​ಗೆ ಸಿಹಿಸುದ್ದಿ; 11 ವರ್ಷದ ನಂತ್ರ ಒಟ್ಟಾಗಿ ನಟಿಸಲು ಸಿದ್ಧರಾದ್ರು ಮಾಜಿ ಪ್ರೇಮಿಗಳು; ಸಿನಿಮಾ ಯಾವುದು?

Brahmastra 2: 2007ರಲ್ಲಿ ಹಾಟ್​ ಟಾಪಿಕ್​  ಎಂದರೆ ಅದು ರಣಬೀರ್​ ಕಪೂರ್​ ಹಾಗೂ ದೀಪಿಕಾ ಪಡುಕೋಣೆಯ ಪ್ರೀತಿ ವಿಚಾರ..ಆದರೆ, ಇದು ಹೆಚ್ಚು ಕಾಲ ಉಳಿದಿಲ್ಲ. ದೀಪಿಕಾ ಜೊತೆ ಡೇಟಿಂಗ್​ನಲ್ಲಿರುವಾಗಲೇ ಕತ್ರಿನಾ ಕೈಫ್​ನೊಂದಿಗೂ ಸಂಬಂಧವಿಟ್ಟುಕೊಂಡಿದ್ದ ಕಾರಣ ಆ ಸಂಬಂಧವನ್ನು ಡಿಂಪಲ್​ ಕ್ವೀನ್​ ದೀಪಿಕಾ ಪಡುಕೋಣೆ ಕಡೆದುಕೊಂಡಿದ್ದರು.  ಸದ್ಯ ಇಬ್ಬರು ಪ್ರತ್ಯೇಕವಾಗಿ ದಾಂಪತ್ಯ ಜೀವನ ನಡೆಸುತ್ತಿದ್ದು ಸುಖವಾಗಿದ್ದಾರೆ.

ದೀಪಿಕಾ ಪಡುಕೋಣೆ ಮತ್ತು ರಣಬೀರ್ ಕಪೂರ್​ ಫ್ಯಾನ್ಸ್​ಗೆ ಸಿಹಿಸುದ್ದಿ ಏನಂದರೆ ಇವರಿಬ್ಬರ ಕಾಂಬಿನೇಷನ್​ನಲ್ಲಿ  ಬ್ರಹ್ಮಾಸ್ತ್ರ 2 ಸಿನಿಮಾದ ಶೂಟಿಂಗ್​ ಈ ವರ್ಷದ ಕೊನೆಯಲ್ಲಿ ​​ ಶುರುವಾಗಲಿದೆ ಎನ್ನಲಾಗುತ್ತಿದೆ. 

2022ರಲ್ಲಿ ತೆರೆಗೆ ಬಂದಿದ್ದ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಆಲಿಯಾ ಭಟ್​, ರಣಬೀರ್​ ಕಪೂರ್​, ದೀಪಿಕಾ ಪಡುಕೋಣೆ, ಅಮಿತಾ ಬಚ್ಚನ್, ಮೌನಿರಾಯ್​, ನಾಗಾರ್ಜುನ್​ ಸಕ್ಕಿನೇನಿ ಸೇರಿದಂತೆ ತಾರಾ ಬಣವೇ ಬಣ್ಣ ಹಚ್ಚಿತ್ತು. ಶಿವ ಭಾರತೀಯ ಪುರಾಣ ಆಧುನಿಕ ಜಗತ್ತನ್ನು ಬೆರೆಸುವ ಫ್ಯಾಂಟಿಸಿ ಚಿತ್ರ ಬ್ರಹ್ಮಾಸ್ತ್ರ 1ರದ್ದಾಗಿತ್ತು. ಶಿವ ಎಂಬ ಯುವಕ ಬ್ರಹ್ಮಾಂಡದ ಶಕ್ತಿ ಶಾಲಿ ಅಸ್ತ್ರವನ್ನು ದುಷ್ಟಶಕ್ತಿಯಿಂದ ರಕ್ಷಿಸಲು ನಡೆಸುವ ಹೋರಾಟವೇ ಕಥಾ ಹಂದರ. ಈ ಸಿನಿಮಾಗೆ ಪಾಸಿಟಿವ್​ ಮತ್ತು ನೆಗೆಟಿವ್​ ಕಾಮೆಂಟ್​ಗಳು ಸಿಕ್ಕಿದ್ದವು.

ಅಯಾನ್​ ಮುಖರ್ಜಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ  ಬ್ರಹ್ಮಾಸ್ರ-2 ; ದೇವ್​ ಸಹ ಫ್ಯಾಂಟಸಿ ಸಾಹಸ ಕತೆಯಾಗಿದ್ದು, ಈ ಭಾಗದಲ್ಲಿ ದೀಪಿಕಾ ಪಡುಕೋಣೆ ಮತ್ತು ರಣಬೀರ್​ರಿಗೆ ಹೆಚ್ಚು ಒತ್ತು ನೀಡಲಾಗಿದೆ ಎಂದು ಹೇಳಲಾಗುತ್ತಿದೆ. ದೇವ್​ ಮತ್ತು ಅಮೃತ ಪಾತ್ರ ಹೆಚ್ಚು ಇರಲಿದೆ ಎನ್ನಲಾಗಿದೆ. ಅಂತೂ ತಮಾಷಾ ಸಿನಿಮಾ ಸಕ್ಸಸ್​ ಕಂಡ 11 ವರ್ಷಗಳ ನಂತರ ಮುಖ್ಯ ಭೂಮಿಕೆಯಲ್ಲಿ  ಮಾಜಿ ಪ್ರೇಮಿಗಳು ಒಟ್ಟಾಗಿ  ಕಾಣಿಸಿಕೊಳ್ಳುತ್ತಿದ್ದಾರೆ. 

 ರಾಮಾಯಣ ಸಿನಿಮಾದ ಶೂಟಿಂಗ್​ ಪೂರ್ಣಗೊಂಡಿದೆ ರಣಬೀರ್​ ಅವರು ಸಿನಿಮಾದ ಪ್ರಚಾರಕ್ಕೆಂದು ಅಮೆರಿಕದಲ್ಲಿ ಬೀಡುಬಿಟ್ಟಿದ್ದಾರೆ. ಅದೇನೆ ಇರಲಿ ಈ ವರ್ಷದ ಅಂತ್ಯದಲ್ಲಿ ಸಿನಿಮಾ ಶೂಟಿಂಗ್​ ಆರಂಭಿಸಲಾಗುತ್ತದೆ ಎಂದು ಸಿನಿಮಾ ತಂಡ ಹೇಳಿದೆ. ದೀಪಿಕಾ ಮತ್ತು ರಣಬೀರ್​ ಪುನರ್ಮಿಲನವು ಸದ್ಯ ಅವರ ಅಭಿಮಾನಿಗಳಲ್ಲಿ ಸಂತಸವನ್ನು ಮೂಡಿಸಿದೆ.

ರಣಬೀರ್​ ಮತ್ತು ದೀಪಿಕಾ ಪಡುಕೋಣೆ ಸದ್ಯ ದೂರವಿರಬಹುದು ಆದರೆ, ಅವರಿಬ್ಬರ ಕಾಂಬಿನೇಷನ್​ನಲ್ಲಿ ತೆರೆ ಮೇಲೆ ಮೂಡಿಬಂದಂತಹ  2013ರಲ್ಲಿ ರಿಲೀಸ್​ ಆದ ಯೇ ಜವಾನಿ ಹೈ ದಿವಾನಿ. 2008ರಲ್ಲಿ ಬಿಡುಗಡೆಯಾದ ಬಚ್ನಾ ಏ ಹಸೀನೋ ಹಾಗೂ 2015ರಲ್ಲಿ ರಿಲೀಸ್ ಆದ ತಮಾಷಾ ಬ್ಲಾಕ್​ ಬ್ಲಸ್ಟರ್​ ಹಿಟ್ ಕಂಡಿತ್ತು.

2007ರಲ್ಲಿ ದೀಪಿಕಾ ಪಡುಕೋಣೆ ಮತ್ತು ರಣಬೀರ್​ ನಡುವಿನ ಸಂಬಂಧ ಪ್ರಚಾರವಾಗಿತ್ತು. ಇಬ್ಬರು ಅಲ್ಲಲ್ಲಿ ಕಾಣಿಸಿಕೊಂಡು ಸುದ್ದಿಯಲ್ಲಿರುತ್ತಿದ್ದರು. ಆದರೆ, 2009ರಲ್ಲಿ ಬೇರೆಯವರ ಜೊತೆಗೆ ದೈಹಿಕ ಸಂಪರ್ಕ ಹೊಂದುವ ಮೂಲಕ ದ್ರೋಹ ಮಾಡಲಾಗಿದೆ ಎಂದು ದೂರ ಉಳಿದರು. ಇಷ್ಟಾಗಿಯೂ  ಅವರು ತಮಾಶಾ ಸೇರಿದಂತೆ ಯೇ ಜವಾನಿ ಹೈ ದಿವಾನಿಯಲ್ಲಿ ನಟಿಸಿದ್ದರು,(ಏಜೆನ್ಸೀಸ್​).