ಹನುಮ ಜಯಂತಿಯಂದೇ 'ರಾಮಾಯಣ' ಧಮಾಕ: ಟ್ವಿಟರ್‌ನಲ್ಲಿ ರಾಮನಾಗಿ ರಣಬೀರ್, ರಾವಣನಾಗಿ ಯಶ್ ಟ್ರೆಂಡಿಂಗ್! Ramayan

ಮುಂಬೈ: ಇಂದು (ಏ.2) ಪ್ರಭು ಶ್ರೀರಾಮನ ಬಂಟ ಹನುಮನ​ ಜಯಂತಿ ದಿನ ನಿತೇಶ್​ ತಿವಾರಿ ನಿರ್ದೇಶನದ ಮತ್ತು ರಣಬೀರ್​ ಕಪೂರ್​ ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ ರಾಮಾಯಣ (Ramayan) ದ ಫಸ್ಟ್​ ಲುಕ್​ ಹೊರಬಿದ್ದಿದ್ದು, ಈಗ #Ramayan ಎಂಬ ಹ್ಯಾಶ್​ಟ್ಯಾಗ್​ ಎಕ್ಸ್​​ (ಟ್ವಿಟರ್​) ನಲ್ಲಿ ಟ್ರೆಂಡಿಂಗ್​ನಲ್ಲಿದೆ.

ಅಮೆರಿಕದ ಲಾಸ್​ ಎಂಜಲೀಸ್​ ಮತ್ತು ಮುಂಬೈನಲ್ಲಿ ನಡೆಸ ಸ್ಕ್ರೀನಿಂಗ್​ನಲ್ಲಿ ಹೊರಬಿದ್ದ ಫಸ್ಟ್​ ಲುಕ್​, ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನವನ್ನು ಸೃಷ್ಟಿಸಿದೆ. ಈ ಸಿನಿಮಾದ ಪ್ರಮುಖ ಪಾತ್ರಧಾರಿಗಳಾದ ರಣಬೀರ್​ ಕಪೂರ್ (ಪ್ರಭು ಶ್ರೀರಾಮ) ರಾಕಿಂಗ್​ ಸ್ಟಾರ್ ಯಶ್​ (ರಾವಣ) ಮತ್ತು ಸಾಯಿ ಪಲ್ಲವಿ ( ಸೀತೆ) ಇವರುಗಳು ಟ್ವಿಟರ್​ನಲ್ಲಿ ಟಾಪ್​ ಟ್ರೆಂಡಿಂಗ್​ನಲ್ಲಿ ಪಟ್ಟಿಯಾಗಿದ್ದಾರೆ.

ರಾಮಾಯಣ ಸಿನಿಮಾದ ಫಸ್ಟ್ ಲುಕ್​ ವಿಡಿಯೋ ಬಿಡುಗಡೆಗೆ ಮೊದಲು ರಣಬೀರ್​ ಪತ್ನಿ ಆಲಿಯಾ ಭಟ್​ ನೀಡಿರುವ ಹೇಳಿಕೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಈ ಸಿನಿಮಾ ಔಟ್​ ಆಫ್​ ದಿ ವರ್ಲ್ಡ್ ಎಂದು ಆಲಿಯಾ ಬಣ್ಣಿಸಿದ್ದಾರೆ. ಈ ಸಿನಿಮಾಗಾಗಿ ರಣಬೀರ್​ ಬಹಳ ಶ್ರಮ ವಹಿಸಿದ್ದು, ಭಕ್ತಿಯಿಂದ ಪ್ರಭು ಶ್ರೀರಾಮನಲ್ಲಿ ಬೇಡಿಕೊಂಡರೆ ಎಲ್ಲವೂ ದೊರೆಯುತ್ತದೆ ಎಂದು ಆಲಿಯಾ ಭಟ್​ ರಿಯಾಕ್ಷನ್​ ಕೊಟ್ಟಿದ್ದಾರೆ.

ಏಪ್ರಿಲ್​ 2 ರಂದು ಬಿಡುಗಡೆಯಾಗಿರುವ ರಾಮಾಯಣದ ಫಸ್ಟ್​ ಲುಕ್​ನಲ್ಲಿ ಅಯೋಧ್ಯೆಯ ರಾಜ ವೈಭೋಗವನ್ನು, ವನ ವಾಸದಲ್ಲಿರುವ ರಾಮನನ್ನು ಮತ್ತು ವಿಡಿಯೋದ ಕೊನೆಯಲ್ಲಿ ರಾವಣನ ಪುಷ್ಪಕ ವಿಮಾನವನ್ನು ತೋರಿಸಿದ್ದಾರೆ.

ಇನ್ನು ಪಾತ್ರದ ವಿಚಾರಕ್ಕೆ ಬಂದರೆ, ಈ ಫಸ್ಟ್ ಲುಕ್​ನಲ್ಲಿ ಕೇವಲ ಪ್ರಭು ಶ್ರೀ ರಾಮನ ಪಾತ್ರಾಧಾರಿಯಾದ ರಣಬೀರ್​ ಕಪೂರ್​ನನ್ನು ಮಾತ್ರ ತೋರಿಸಿದ್ದು, ಮುಂದಿನ ದಿನಗಳಲ್ಲಿ ಇತರೆ ಪಾತ್ರಗಳನ್ನು ಪರಿಚಯಿಸುವ ಸಾಧ್ಯತೆಯಿದೆ,(ಏಜನ್ಸೀಸ್​).