ರಾಜಕುಮಾರ್ ರಾವ್-ಪತ್ರಲೇಖಾ ಪುತ್ರಿಗೆ ನಾಮಕರಣದ ಸಂಭ್ರಮ..ಇಲ್ಲಿದೆ 'ಪಾರ್ವತಿ'ಯ ಮೊದಲ ಝಲಕ್! Rajkummar Rao

ದಂಪತಿ ತಮ್ಮ ಮುದ್ದಾದ ಮಗಳಿಗೆ 'ಪಾರ್ವತಿ ಪಾಲ್ ರಾವ್' ಎಂದು ಹೆಸರಿಟ್ಟಿದ್ದಾರೆ. ಈ ಹೆಸರು ತಂದೆ-ತಾಯಿ ಇಬ್ಬರ ಹೆಸರು ಕೂಡ ಬರುವಂತೆ ಅತ್ಯಂತ ಸಾಂಪ್ರದಾಯಿಕವಾಗಿದ್ದು, ಈ ಜೋಡಿ ಆಯ್ಕೆ ಮಾಡಿಕೊಂಡಿರುವ ಹೆಸರಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಜೋಡಿ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮಗಳ ಜೊತೆಗಿನ ಸುಂದರ ಫೋಟೋ ಹಂಚಿಕೊಂಡು, "ನಮ್ಮ ಬದುಕಿಗೆ ಹೊಸ ಬೆಳಕು ಬಂದಿದೆ" ಎಂದು ಶೀರ್ಷಿಕೆ ನೀಡಿದ್ದಾರೆ. ಇದು ವಿವಾಹ ವಾರ್ಷಿಕೋತ್ಸವದ ಉಡುಗೊರೆಯಾಗಿ ಮಗಳು ಜನಿಸಿದ್ದು ದಂಪತಿಗಳ ಪಾಲಿಗೆ ಅತ್ಯಂತ ಅವಿಸ್ಮರಣೀಯ ಕ್ಷಣವಾಗಿದೆ ಎಂಬುದನ್ನು ತೋರಿಸುತ್ತದೆ.

ಪಾರ್ವತಿ ಎಂದರೆ ಶಕ್ತಿ, ಅನುಗ್ರಹ ಮತ್ತು ಭಕ್ತಿ ಎಂದರ್ಥ. ಆದರೆ ಈ ಹೆಸರು ಪಾಲ್ ಮತ್ತು ರಾವ್ ಪತ್ರಲೇಖಾ ಮತ್ತು ರಾಜ್‌ಕುಮಾರ್ ಅವರ ಕುಟುಂಬದ ಹೆಸರುಗಳನ್ನು ಪ್ರತಿಬಿಂಬಿಸುತ್ತಿದೆ. 

ನಟ ರಾಜ್‌ಕುಮಾರ್ ರಾವ್ ಮತ್ತು ಪತ್ನಿ ಪತ್ರಲೇಖಾ ತಮ್ಮ ನಾಲ್ಕನೇ ವಿವಾಹ ವಾರ್ಷಿಕೋತ್ಸವದಂದು ಬರಮಾಡಿಕೊಂಡರು. ಈ ವೇಳೆ ಅವರು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ನಾವು ಈಗ ಅತಿಯಾದ ಸಂತೋಷದಲ್ಲಿದ್ದೇವೆ.  ದೇವರು ನಮಗೆ ಹೆಣ್ಣು ಮಗುವನ್ನು ಕರುಣಿಸಿದ್ದಾನೆ. ನಮ್ಮ 4ನೇ ವಿವಾಹ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ದೇವರು ನಮಗೆ ನೀಡಿದ ಅತ್ಯಂತ ದೊಡ್ಡ ಆಶೀರ್ವಾದ ಇದಾಗಿದೆ. ಎಂದು ತಮ್ಮ ಸಂತೋಷವನ್ನು ವ್ಯಕ್ತಪಡಿಸಿದ್ದಾರೆ.

ರಾಜ್‌ಕುಮಾರ್ ರಾವ್ ಮತ್ತು ಪತ್ರಲೇಖಾ ಅವರ ಪ್ರೇಮಕಥೆ ಬಾಲಿವುಡ್‌ನ ಅತ್ಯಂತ ಭಾವನಾತ್ಮಕ ಪ್ರೇಮಕಥೆಗಳಲ್ಲಿ ಒಂದಾಗಿದೆ. ಈ ದಂಪತಿಗಳು ಒಂದು ದಶಕಕ್ಕೂ ಹೆಚ್ಚು ಕಾಲ ಒಬ್ಬರಿಗೊಬ್ಬರು ಪರಿಚಿತರಿದ್ದರು. ರಾಜ್‌ಕುಮಾರ್ ಅವರು ಪತ್ರಲೇಖಾ ಅವರ ಜಾಹೀರಾತು ಪ್ರಚಾರವೊಂದರಲ್ಲಿ ನೋಡಿದ ನಂತರದಿಂದ ಇವರ ಪ್ರೇಮ ಸಂಬಂಧ ಪ್ರಾರಂಭವಾಯಿತು.  ಈ ಜೋಡಿ 2014 ರಲ್ಲಿ ಸಿಟಿಲೈಟ್ಸ್ ಸೆಟ್‌ಗಳಲ್ಲಿ ಭೇಟಿಯಾದರು. 2021 ರಲ್ಲಿ ಇವರು ಮದುವೆಯಾದರು.

ರಾಜ್‌ಕುಮಾರ್ ರಾವ್ ಸದ್ಯ ಬಾಲಿವುಡ್‌ನ ಅತ್ಯಂತ ಬ್ಯುಸಿ ನಟರಲ್ಲಿ ಒಬ್ಬರಾಗಿದ್ದಾರೆ. ಇವರು 2024ರಲ್ಲಿ 'ಶ್ರೀಕಾಂತ್', 'ಮಿಸ್ಟರ್ ಅಂಡ್ ಮಿಸಸ್ ಮಹಿ' ಮತ್ತು 'ಸ್ತ್ರೀ 2' ನಂತಹ ಸತತ ಹಿಟ್ ಚಿತ್ರಗಳನ್ನು ನೀಡಿದ ನಂತರ, ಮಾಲಿಕ್, ಭೂಲ್ ಚುಕ್ ಮಾಫ್, ಸ್ತ್ರೀ 3, ಗನ್ಸ್ ಅಂಡ್ ಗುಲಾಬ್ಸ್ ಸೀಸನ್ 2 ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ (ಏಜೆನ್ಸೀಸ್​).