ಗಂಡನಿಗೆ ಹಜ್ಮೋಲಾ ತಿನ್ನಿಸಿದ ಪ್ರಿಯಾಂಕಾ ಚೋಪ್ರಾ.. ತಿಂದು ನಿಕ್​ ಹೇಳಿದ್ದೇನು? Priyanka Chopra

ಬಾಲಿವುಡ್​: ಬಾಲಿವುಡ್​ ಮತ್ತು ಹಾಲಿವುಡ್​ನ ಖ್ಯಾತ ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra)ಇತ್ತೀಚೆಗೆ ತಮ್ಮ ಪತಿ, ಗಾಯಕ ನಿಕ್ ಜೋನಾಸ್ ಮತ್ತು ಜನಪ್ರಿಯ ಭಾರತೀಯ ಡೈಜೆಸ್ಟಿವ್ ಟ್ಯಾಬ್ಲೆಟ್ ಎಂದೇ ಖ್ಯಾತಿ ಗಳಿಸಿರುವ ಹಜ್ಮೋಲಾ ಜತೆಗಿನ ಅನಿರೀಕ್ಷಿತ ಘಟನೆಯೊಂದನ್ನು ಹಂಚಿಕೊಂಡಿದ್ದು ಫುಲ್​ ವೈರಲ್​ ಆಗುತ್ತಿದೆ.

ಪ್ರಿಯಾಂಕಾ ದಿ ಗ್ರೇಟ್ ಇಂಡಿಯನ್ ಕಪಿಲ್ ಶೋ ಸೀಸನ್ 4 ರ ಪ್ರಥಮ ಅತಿಥಿಯಾಗಿ ಕಾಣಿಸಿಕೊಂಡಿದ್ದು, ಅಲ್ಲಿ ಅವರು ನಿರೂಪಕ ಕಪಿಲ್ ಶರ್ಮಾ ಅವರೊಂದಿಗೆ ಉತ್ಸಾಹಭರಿತ ಮತ್ತು ಪ್ರಾಮಾಣಿಕವಾಗಿ ಮಾತುಕತೆ ನಡೆಸಿದರು. ಕಪಿಲ್ ಜತೆ ಮಾತನಾಡುತ್ತಾ ಪ್ರಿಯಾಂಕಾ, ಅಮೆರಿಕಾದವನಿಗೆ ಹಜ್ಮೋಲಾವನ್ನು ನೀಡುವುದನ್ನು ಒಮ್ಮೆ ಕಲ್ಪಿಸಿಕೊಳ್ಳಿ(ಆಪ್ ಸೋಚೋ ಕಿಸಿ ಅಮೇರಿಕನ್ ಕೋ ಆಪ್ ಹಜ್ಮೋಲಾ ಖಿಲಾವೋ) ಎಂದು ನಕ್ಕರು.

ನೀವು ನಿಕ್​ಗೆ ಹಜ್ಮೋಲಾವನ್ನು ತಿನ್ನಿಸಿದ್ದಿರಾ?(ಹಜ್ಮೋಲಾ ಖಿಲಾಯಿ ಹೈ ಆಪ್ನೆ?) ಎಂದು ನಿರುಪಕ ಕಪಿಲ್ ಶರ್ಮಾ ಕೇಳಿದಾಗ ಪ್ರಿಯಾಂಕಾ ಚೋಪ್ರಾ ನಡೆದ ಘಟನೆಯನ್ನು ವಿವರಿಸಿದರು.