'ನನ್ನ ಮಕ್ಕಳ ಫೋಟೋ ಅನುಮತಿಯಿಲ್ಲದೆ ತೆಗೆದ್ರೆ ಸಹಿಸೋಕೆ ಆಗೋದಿಲ್ಲ': ಪಾಪರಾಜಿಗಳ ವರ್ತನೆ ಬಗ್ಗೆ ಪ್ರೀತಿ ಜಿಂಟಾ ಹೇಳಿದ್ದಿಷ್ಟು..Preity Zinta

ಹೌದು, ಇನ್​ಸ್ಟಾಗ್ರಾಮ್​ನಲ್ಲಿ ಆಸ್ಕ್​ ಮಿ ಎನಿತಿಂಗ್​ ಸೆಷನ್​ ಇಟ್ಟುಕೊಂಡಿದ್ದರು. ಅದರಲ್ಲಿ ಸೌರಭ್​ ಸಿಂಗ್​ ಎಂಬುವವರು ಏಕಾಂತತೆ, ಮನಸ್ಸಿಗೆ ಶಾಂತಿ, ಗೌಪ್ಯತೆ ಆಗಾಗಾ ಬೇಕೆನಿಸುವ ಶಾಂತಿ ಯಾವುದನ್ನು ತ್ಯಾಗ ಮಾಡಬೇಕೆನಿಸುತ್ತದೆ ಎಂದು ಕೇಳಿದ ಪ್ರಶ್ನೆಗೆ, ಅವರು ಉತ್ತರಿಸಿದ್ದು ಹೀಗೆ..

'ಇಲ್ಲಿ ಯಾವುದು ತ್ಯಾಗವಲ್ಲ. ವಿಚಾರಗಳು ಹೇಗಿಬವೆಯೋ ಹಾಗೆ ಸ್ವೀಕರಿಸೋದನ್ನು ಕಲಿಯಬೇಕು. ನಾನು ನನ್ನ ವೈಯಕ್ತಿಕ ವಿಚಾರಗಳನ್ನು ಗೌಪ್ಯವಾಗಿ ಇಡಲು ಬಯಸುತ್ತೇನೆ. ನನ್ನ ಅಭಿಮಾನಿಗಳೊಂದಿಗೆ ಸಂವಹನ ನಡೆಸುವುದು ಮತ್ತು ಅವರಿಗೆ ಫೋಟೋಗಳನ್ನು ನೀಡುವ ಮೂಲಕ ಯಾರನ್ನೂ ನಿರಾಸೆಗೊಳಿಸದಿರುವುದು ನನಗಿಷ್ಟ, ಆದರೆ ಅದೇ ಸಮಯದಲ್ಲಿ ಜನರು ಮತ್ತು ಮಾಧ್ಯಮಗಳೊಂದಿಗೆ ಕೆಲವು ಬೌಂಡರಿ ಹಾಕಿಕೊಳ್ಳೋಕೆ ಬಯಸುತ್ತೇನೆ' ಎಂದು ಪೋಸ್ಟ್​ನಲ್ಲಿ ಉಲ್ಲೇಖಿಸಿದ್ದಾರೆ.

'ಪಾಪರಾಜಿಗಳು ಸಿನಿಮಾ ಅಥವಾ ಯಾವುದೇ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಲಿ. ಅದಕ್ಕೆ ನನ್ನ ಯಾವ ಅಭ್ಯಂತರವಿಲ್ಲ. ಅದು ಅವರ ಕೆಲಸ. ಆದರೆ ಜಿಮ್ ಹೊರಗೆ ಕಾಣಿಸಿಕೊಳ್ಳುವುದು ಅಥವಾ ನನ್ನ ಫ್ಲ್ಯಾಟ್​ ಬಳಿ ಕಾಣಿಸಿಕೊಳ್ಳೊದು ಇದೆಲ್ಲ ಸ್ವಲ್ಪ ಅತಿಯಾಯಿತು ಎನಿಸುತ್ತದೆ' ಎಂದು ಅವರು ಬೇಸತ ವ್ಯಕ್ತಪಡಿಸಿದ್ದಾರೆ.