ಬ್ಯಾನ್​ ಆಗಿದ್ರು ಕದ್ದುಮುಚ್ಚಿ 'ಧುರಂದರ್​' ನೋಡಿದ ಪಾಕಿಗಳು! ಕೇವಲ ಎರಡೇ ವಾರದಲ್ಲಿ 1.8 ಮಿಲಿಯನ್​....

ನವದೆಹಲಿ: ದೇಶಿಯ ಹಾಗೂ ಜಾಗತಿಕ ಬಾಕ್ಸ್ ಆಫೀಸ್​ನಲ್ಲಿ ಧೂಳೆಬ್ಬಿಸುತ್ತಿರುವ ಬಾಲಿವುಡ್​ನ ಆ್ಯಕ್ಷನ್-ಥ್ರಿಲ್ಲರ್ ಕಥಾಹಂದರದ 'ಧುರಂಧರ್' ಚಿತ್ರಕ್ಕೆ ಸದ್ಯ ಎಲ್ಲೆಡೆಯಿಂದ ವ್ಯಾಪಕ ಪ್ರಶಂಸೆ ಮತ್ತು ಮೆಚ್ಚುಗೆಗಳು ಹರಿದುಬರುತ್ತಿವೆ. ರಣವೀರ್ ಸಿಂಗ್​ ನಟಿಸಿರುವ ಈ ಸಿನಿಮಾ ಬಹುಬೇಗನೇ ಯಶಸ್ಸು ಕಂಡಿದ್ದು, ಭಾರತೀಯ ಚಿತ್ರೋದ್ಯಮದಲ್ಲಿ ಹೊಸ ದಾಖಲೆಗಳನ್ನು ನಿರ್ಮಿಸುವತ್ತ ಸಾಗಿದೆ.   

'ಧುರಂದರ್' ಚಿತ್ರ ಒಂದೇ ಕಳೆದ 20 ವರ್ಷಗಳಲ್ಲಿ ಪಾಕಿಸ್ತಾನದಲ್ಲಿ ಅತಿ ಹೆಚ್ಚು ಪೈರಸಿ ಆದ ಭಾರತೀಯ ಸಿನಿಮಾ ಎಂದು ವರದಿಯಾಗಿದೆ. ಸಿನಿಮಾದ ಮೇಲೆ ಪಾಕಿಸ್ತಾನ ಸರ್ಕಾರ ಸಂಪೂರ್ಣ ನಿಷೇಧ ಹೇರಿದ್ದರೂ, ಅಲ್ಲಿನ ಪ್ರೇಕ್ಷಕರು ಚಿತ್ರವನ್ನು ಕದ್ದುಮುಚ್ಚಿ ನೋಡುವ ಹುಚ್ಚಿಗೆ ಮುಗಿಬಿದ್ದಿದ್ದಾರೆ ಎನ್ನಲಾಗಿದೆ. ಇತ್ತೀಚಿನ ವರದಿಗಳ ಪ್ರಕಾರ, ರಿಲೀಸ್​ ಆದ ಕೇವಲ ಎರಡು ವಾರಗಳಲ್ಲಿ ಪಾಕ್​ ನೆಲದಲ್ಲಿ 1.8 ಮಿಲಿಯನ್ (ಅಂದರೆ 18 ಲಕ್ಷ) ಡೌನ್‌ಲೋಡ್‌ಗಳು ದಾಖಲಾಗಿವೆ.