ಆ 14 ಸೆಕೆಂಡ್​... 'ಐ ಲವ್ ಯೂ' ಮೆಸೇಜ್​ ಕಳಿಸ್ತಿದ್ದಾರೆ ಪಾಕಿಸ್ತಾನಿಗಳು! 'ಧುರಂಧರ್' ನಟನ ಅಚ್ಚರಿ ಹೇಳಿಕೆ

ಮುಂಬೈ: ರಣವೀರ್ ಸಿಂಗ್ ಅಭಿನಯದ ಹಾಗೂ ಆದಿತ್ಯ ಧರ್ ನಿರ್ದೇಶನದ 'ಧುರಂಧರ್: ದಿ ರಿವೆಂಜ್' ಸಿನಿಮಾ ಸದ್ಯ ಜಾಗತಿಕವಾಗಿ ಭಾರೀ ಸಂಚಲನ ಹುಟ್ಟುಹಾಕಿದೆ. ಚಿತ್ರದಲ್ಲಿನ ಪಾತ್ರಗಳು, ದೃಶ್ಯಗಳು ಮತ್ತು ಕಥೆಯು ಸಿನಿಪ್ರಿಯರ ಗಮನ ಸೆಳೆದಿದ್ದು, ಕೆಲವು ವಿಚಾರಗಳ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತವಾಗಿದೆ. ಅದರಲ್ಲಿ ಪ್ರಮುಖವಾಗಿ, ನಟ ವಿವೇಕ್ ಸಿನ್ಹಾ ಅವರ ಪಾತ್ರ. ​

'ಧುರಂಧರ್' ಭಾಗ 1ರಲ್ಲಿ ನಟ ವಿವೇಕ್ ಸಿನ್ಹಾ ಅವರ ಅಭಿನಯಕ್ಕೆ ವ್ಯಾಪಕ ಪ್ರಶಂಸೆ ಹರಿದುಬಂದಿತು. ಈ ಚಿತ್ರದಲ್ಲಿ ಅವರ ಪಾತ್ರ ಬಹಳ ಕಡಿಮೆಯಿದ್ದರೂ, ಅವರ ಡೈಲಾಗ್​ ಮತ್ತು ಅಭಿನಯ ಭಾರತೀಯರ ಕೋಪಕ್ಕೆ ಮತ್ತು ಪಾಕ್​ ಪ್ರೇಮಿಗಳ ಖುಷಿಗೆ ಕಾರಣವಾಯಿತು. ಅಸಲಿಗೆ, ಈ ಚಿತ್ರದಲ್ಲಿ ವಿವೇಕ್, 'ಜಹೂರ್ ಮಿಸ್ತ್ರಿ' ಪಾತ್ರದಲ್ಲಿ ಅಭಿನಯಿಸಿದ್ದಾರೆ. "ಹಿಂದೂಗಳು ಹೇಡಿ ಜನಾಂಗ" ಎಂಬ ವಿವೇಕ್ ಅವರ ಡೈಲಾಗ್​ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ಚಿತ್ರದಲ್ಲಿ ಅವರು ಓರ್ವ ಪಾಕಿಸ್ತಾನಿ ಉಗ್ರನ ಪಾತ್ರದಲ್ಲಿ ನಟಿಸಿದ್ದಾರೆ.

ಈ ಚಿತ್ರವನ್ನು ನೋಡಿದ ಪಾಕಿಸ್ತಾನಿ ಅಭಿಮಾನಿಗಳು, ವಿವೇಕ್​ ಅವರ ಉಗ್ರನ ಪಾತ್ರ ಮೆಚ್ಚಿ, ಐ ಲವ್ ಯೂ ಎಂಬ ಸಂದೇಶಗಳನ್ನು ಕಳುಹಿಸಿದ್ದಾರೆ. ಇನ್ನು ಭಾರತೀಯರು, ನನ್ನ ಪಾತ್ರವನ್ನು ನೋಡಿ ತುಂಬ ಕೋಪಗೊಂಡು, ನನ್ನನ್ನು ಹುಡುಕಿ ಹೊಡೆಯುವುದಾಗಿಯೂ ಹೇಳಿದ್ದಾರೆ. ಕೆಲವರು, ಪಾಕಿಸ್ತಾನಕ್ಕೆ ಬಂದು ನಿಮ್ಮನ್ನು ಕೊಲ್ಲುತ್ತೇವೆ ಎಂದೆಲ್ಲ ಬೆದರಿಕೆ ಹಾಕಿದ್ದಾರೆ ಎಂದರು. ಕಮೆಂಟ್​ ಮಾಡಿದವರಿಗೆ, ನಾನು ಪಾಕಿಸ್ತಾನಿ ಅಲ್ಲ. ಬದಲಿಗೆ ಭಾರತೀಯನೇ ಎಂದು ಸ್ಪಷ್ಟಪಡಿಸುವ ಪರಿಸ್ಥಿತಿ ಕೂಡ ಎದುರಾಗಿದೆ ಎಂದಿದ್ದಾರೆ.

ಪ್ರಸ್ತುತ, ದೇಶಿಯ ಹಾಗೂ ವಿಶ್ವಾದ್ಯಂತ ಬಾಕ್ಸ್ ಆಫೀಸ್​ನಲ್ಲಿ 'ಧುರಂಧರ್ 2' ಭರ್ಜರಿ ಗಳಿಕೆಯನ್ನು ಕಾಣುತ್ತಿದ್ದು, ರಿಲೀಸ್ ಆದ 7 ದಿನಕ್ಕೆ 1000 ಕೋಟಿ ರೂ. ಕಲೆಕ್ಷನ್ ಕಂಡಿದೆ. ಇದು ಬಾಲಿವುಡ್​ ಅಂಗಳದಲ್ಲಿ ಮಾತ್ರವಲ್ಲ, ಭಾರತೀಯ ಚಿತ್ರೋದ್ಯಮದಲ್ಲಿ ಹೊಸ ದಾಖಲೆಯನ್ನು ನಿರ್ಮಿಸಿರುವುದು ಗಮನಾರ್ಹ,(ಏಜೆನ್ಸೀಸ್).