ರಜನಿಕಾಂತ್ ಸಿನಿಮಾದಿಂದಾಗಿ ನನ್ನ ವೃತ್ತಿಜೀವನ ಅಂತ್ಯ ಆಯ್ತು.. ಸೆನ್ಸೇಷನಲ್ ಹೇಳಿಕೆ ಕೊಟ್ಟ ಖ್ಯಾತ ನಟಿ!

ಹೌದು, ಬಾಲಿವುಡ್‌ನ ಖ್ಯಾತ ನಟಿ ಮನೀಷಾ ಕೊಯ್ರಾಲಾ ಅವರು ಇತ್ತೀಚಿನ ಸಂದರ್ಶನದಲ್ಲಿ ಸೂಪರ್‌ಸ್ಟಾರ್ ರಜನಿಕಾಂತ್ ಅವರೊಂದಿಗೆ ನಟಿಸಿದ 'ಬಾಬಾ' ಸಿನಿಮಾ ತಮ್ಮ ದಕ್ಷಿಣ ಭಾರತೀಯ ಚಿತ್ರರಂಗದ ವೃತ್ತಿಜೀವನವನ್ನು ಹಾಳುಮಾಡಿತು ಎಂದು ಸೆನ್ಸೇಷನಲ್ ಹೇಳಿಕೆ ನೀಡಿದ್ದಾರೆ. 

2002ರಲ್ಲಿ ಬಿಡುಗಡೆಯಾದ ಈ ತಮಿಳು ಚಿತ್ರವು ಭಾರೀ ನಿರೀಕ್ಷೆಯ ನಡುವೆ ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ವೈಫಲ್ಯ ಕಂಡಿತು. ಇದರಿಂದಾಗಿ ದಕ್ಷಿಣ ಚಿತ್ರಗಳಲ್ಲಿ ತಮಗೆ ಆಫರ್‌ಗಳೇ ಬರುವುದು ನಿಂತುಹೋಯಿತು ಎಂದು ಮನೀಷಾ ಬೇಸರ ವ್ಯಕ್ತಪಡಿಸಿದ್ದಾರೆ.

ಮನೀಷಾ ಕೊಯ್ರಾಲಾ ಅವರು 90ರ ದಶಕದಲ್ಲಿ ಬಾಂಬೆ (1995), ಇಂಡಿಯನ್ (1996), ಮುದಲ್ವನ್ (1999), ಆಳವಂದನ್ ಮುಂತಾದ ತಮಿಳು ಹಾಗೂ ದಕ್ಷಿಣ ಚಿತ್ರಗಳಲ್ಲಿ ನಟಿಸಿ ಭಾರೀ ಜನಪ್ರಿಯತೆ ಗಳಿಸಿದ್ದರು. ರಜನಿಕಾಂತ್ ಅವರೇ ನಿರ್ಮಾಪಕರಾಗಿ, ಕಥೆ-ಚಿತ್ರಕಥೆ ಬರೆದು ನಟಿಸಿದ 'ಬಾಬಾ' ಚಿತ್ರದಲ್ಲಿ ಹೀರೋಯಿನ್ ಆಗಿ ಅವರು ನಟಿಸಿದ್ದರು. ಆದರೆ, ಚಿತ್ರವು ದೊಡ್ಡ ವೈಫಲ್ಯವಾದ ನಂತರ ದಕ್ಷಿಣದಿಂದ ಆಫರ್‌ಗಳು ಸಂಪೂರ್ಣ ಬಂದ್ ಆಯಿತು. "ಬಾಬಾ ನನ್ನ ಕೊನೆಯ ದೊಡ್ಡ ತಮಿಳು ಚಿತ್ರವಾಗಿತ್ತು. ಅದು ಭಾರೀ ವೈಫಲ್ಯವಾಯಿತು. ನಂತರ ದಕ್ಷಿಣದಲ್ಲಿ ನನ್ನ ವೃತ್ತಿಜೀವನ ಸಂಪೂರ್ಣ ಕೊನೆಯಾಯಿತು" ಎಂದು ಮನೀಷಾ ಹೇಳಿದ್ದಾರೆ.

ಆಸಕ್ತಿಯ ವಿಷಯವೆಂದರೆ, 2022ರಲ್ಲಿ ರಜನಿಕಾಂತ್ ಅವರ ಹುಟ್ಟುಹಬ್ಬದಂದು 'ಬಾಬಾ' ಚಿತ್ರವನ್ನು ಮರು ಬಿಡುಗಡೆ ಮಾಡಲಾಯಿತು. ಆಗ ಅದು ಯಶಸ್ವಿಯಾಯಿತು! ಇದಕ್ಕೆ ಮನೀಷಾ ಸಂತೋಷ ವ್ಯಕ್ತಪಡಿಸಿ, "ರಜನಿ ಸರ್ ಎಂದಿಗೂ ಫ್ಲಾಪ್ ಕೊಡಲಾರರು. ಅವರು ತುಂಬಾ ದಯಾಳುವಾದ ವ್ಯಕ್ತಿ" ಎಂದು ಪ್ರಶಂಸಿಸಿದ್ದಾರೆ. 

ಕ್ಯಾನ್ಸರ್‌ನೊಂದಿಗೆ ಹೋರಾಡಿ ಮರಳಿದ ಮನೀಷಾ ಇತ್ತೀಚೆಗೆ 'ಹೀರಾಮಂಡಿ' ಸೀರೀಸ್‌ನಲ್ಲಿ ಕಮ್‌ಬ್ಯಾಕ್ ಕೊಟ್ಟಿದ್ದಾರೆ. ಆದರೆ ಈ ಹೇಳಿಕೆಯಿಂದ ಚಿತ್ರರಂಗದಲ್ಲಿ ಚರ್ಚೆ ಉಂಟಾಗಿದೆ,(ಏಜೆನ್ಸೀಸ್​)