ಸುಹಾನಾ ಖಾನ್‌ಗೆ ಅಪ್ಪ ಶಾರುಖ್ ಆಕ್ಷನ್ ಟ್ರೈನರ್: ಫರಾ ಖಾನ್ King movie

ನಟ ಶಾರುಖ್​ಖಾನ್​ ತಮ್ಮ ಮಗಳು ಸುಹಾನಾಗೆ ಆಕ್ಷನ್​​ ಸೀಕ್ವೆನ್ಸ್​ಗಳಲ್ಲಿ ತರಬೇತಿ ನೀಡುತ್ತಿರುವ ಬಗ್ಗೆ ಫರಾ ಮಾಹಿತಿ ಹಂಚಿಕೊಂಡಿದ್ದಾರೆ. ಇತ್ತೀಚಿಗೆ ದುಬೈನ ಕಾರ್ಯಕ್ರಮದ ಸಂಭಾಷಣೆಯ ಸಮಯದಲ್ಲಿ ಮಾತನಾಡಿದ ಫರಾ, ಕಿಂಗ್​ ಚಿತ್ರದ ಆಕ್ಷನ್​​ ಸೀಕ್ವೆನ್ಸ್​ಗಳಿಗಾಗಿ ಶಾರುಖ್​ ಸುಹಾನಾಗೆ ತರಬೇತಿ ನೀಡುತ್ತಿದ್ದಾರೆ ಎಂದು ಬಹಿರಂಗಪಡಿಸಿದರು.

ಫರಾ ಖಾನ್ ಅವರ ಹೇಳಿದ ಈ ಮಾತು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ವಿಡಿಯೋದಲ್ಲಿ ಶಾರುಖ್​ ಖಾನ್​ ಅವರ ಮಗ ಆರ್ಯನ್​ ಖಾನ್​ ಅವರನ್ನು ಹೊಗಳುತ್ತಿರುವುದನ್ನು ನೋಡಬಹುದಾಗಿದೆ. ಫರಾ, ಶಾರುಖ್ ಅವರ ಮಗ ಆರ್ಯನ್ ಅದ್ಭುತ ಸರಣಿಯನ್ನು ನಿರ್ಮಿಸಿದ್ದಾರೆ. ಸುಹಾನಾ ಕೂಡ ತುಂಬಾ ಶ್ರಮ ಪಡುತ್ತಿದ್ದಾಳೆ. ಆಕೆಯೂ ಕೂಡ ಕಿಂಗ್​ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಿದ್ದಾರೆ.

ಸುಹಾನಾ ಜೋಯಾ ಅಖ್ತರ್ ಅವರ 'ದಿ ಆರ್ಚೀಸ್' ಚಿತ್ರದೊಂದಿಗೆ ಬಾಲಿವುಡ್​ಗೆ ಪಾದಾರ್ಪಣೆ ಮಾಡಿದ್ದಾರೆ. ಈ ಚಿತ್ರದಲ್ಲಿ ಅಗಸ್ತ್ಯ ನಂದಾ, ಖುಷಿ ಕಪೂರ್, ವೇದಾಂಗ್ ರೈನಾ ಮತ್ತು ಮಿಹಿರ್ ಅಹುಜಾ ಸೇರಿದಂತೆ ಹಲವಾರು ನಟರು ನಟಿಸಿದ್ದಾರೆ. ಈ ಚಿತ್ರ ಒಟಿಟಿಯಲ್ಲಿ ಬಿಡುಗಡೆಯಾಯಿತು.

ಸುಹಾನಾ ಈಗ ತನ್ನ ತಂದೆಯೊಂದಿಗೆ ಕಿಂಗ್ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದು ಅವರ ಎರಡನೇ ಸಿನಿಮಾವಾಗಿದ್ದು, ಕಿಂಗ್ ಚಿತ್ರದಲ್ಲಿ ಶಾರುಖ್ ಖಾನ್, ಸುಹಾನಾ ಖಾನ್, ದೀಪಿಕಾ ಪಡುಕೋಣೆ, ರಾಣಿ ಮುಖರ್ಜಿ ಮತ್ತು ಅಭಿಷೇಕ್ ಬಚ್ಚನ್ ಸೇರಿದಂತೆ ಹಲವಾರು ಬಾಲಿವುಡ್​ ತಾರೆಯರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸದ್ಯ ಈ ಚಿತ್ರ 2026 ರಲ್ಲಿ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದೆ (ಏಜೆನ್ಸೀಸ್​).