ವಿಮರ್ಶಕರ ವಿರುದ್ಧ ಫರಾ ಖಾನ್ ಗರಂ: ಮೈಕೆಲ್ ಜಾಕ್ಸನ್ ಬಯೋಪಿಕ್‌ಗೆ ಬಾಲಿವುಡ್ ನಿರ್ದೇಶಕಿಯ ಜೈಹೋ! Farah Khan

ಶನಿವಾರ ಸಂಜೆ, ಫರಾ ಖಾನ್​ ಮೈಕೆಲ್ ಜಾಕ್ಸನ್ ಜೊತೆಗಿನ ತಮ್ಮ ಫೋಟೋವನ್ನು ಹಂಚಿಕೊಂಡು, ಗಮನಿಸಬೇಕಾದ ಅಂಶ.. ವಿಮರ್ಶಕರು ಎಲ್ಲಾ ದೇಶಗಳಲ್ಲೂ ಮೂರ್ಖರು! ಮೈಕೆಲ್ ಸಿನಿಮಾ ನೋಡಿ!! ದಯವಿಟ್ಟು ಜಾಫರ್​ ಜಾಕ್ಸನ್​ ಅವರಿಗೆ ಮುಂದಿನ ವರ್ಷ ಆಸ್ಕರ್​ ನೀಡಿ. ಆದಾಗ್ಯೂ, ಈ ಚಿತ್ರ ನಮಗಾಗಿ ಅಭಿಮಾನಿಗಳಿಗಾಗಿ ಮತ್ತು ವಿಮರ್ಶಕರಿಗಾಗಿ ಅಲ್ಲ. ಮೈಕಲ್​ ಅವರನ್ನು ಪ್ರೀತಿಸುತ್ತಿದ್ದೆ ಎಂದು ಬರೆದಿದ್ದಾರೆ.

ಈ ಪೋಸ್ಟ್​ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಚಲನಚಿತ್ರ ನಿರ್ಮಾಪಕ ಸಾಜಿದ್ ನಾಡಿಯಾಡ್ವಾಲಾ ಅವರ ಪತ್ನಿ ವಾರ್ದಾ ಖಾನ್ ಫರಾ ಖಾನ್​ ಅವರ ಮಾತುಗಳನ್ನು ಒಪ್ಪಿಕೊಂಡಿದ್ದು, ಖಂಡಿತ ಜೆಜೆ ಆಸ್ಕರ್‌ಗೆ ಸಂಪೂರ್ಣವಾಗಿ ಅರ್ಹರು. ಮೈಕಲ್​ ಅವರ ಕಥೆ ಮುಂದುವರೆಯುತ್ತದೆ ಎಂದು ಕಾಮೆಂಟ್ ಮಾಡಿದ್ದಾರೆ.

ಒಬ್ಬ ಬಳಕೆದಾರರು ಒಂದೇ ಚೌಕಟ್ಟಿನಲ್ಲಿ ಇಬ್ಬರು ಐಕಾನ್‌ಗಳು. ನಿರ್ದೇಶಕರ ರಾಣಿಯೊಂದಿಗೆ ಪಾಪ್ ರಾಜ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಲವ್ಲಿ ಎಂದು ಸೇರಿಸಿದ್ದಾರೆ.

ಪಾಪ್ ಲೋಕದ ಧ್ರುವತಾರೆ ಮೈಕೆಲ್ ಜಾಕ್ಸನ್ ಅವರ ಜೀವನವನ್ನು ಬೆಳ್ಳಿತೆರೆಯ ಮೇಲೆ ತರುವ ಪ್ರಯತ್ನವಾಗಿ ಮೂಡಿಬಂದಿರುವ 'ಮೈಕೆಲ್' ಚಿತ್ರವು ಕೇವಲ ನೃತ್ಯ ಮತ್ತು ಸಂಗೀತಕ್ಕಷ್ಟೇ ಸೀಮಿತವಾಗಿಲ್ಲ. ಈ ಚಿತ್ರವು ಅತ್ಯುನ್ನತ ತಾಂತ್ರಿಕ ತಂಡ ಮತ್ತು ಘಟಾನುಘಟಿ ಕಲಾವಿದರ ಶ್ರಮದ ಫಲವಾಗಿದೆ.

ಈ ಚಿತ್ರವನ್ನು ಜಾನ್ ಲೋಗನ್ ಬರೆದು ಆಂಟೊಯಿನ್ ಫುಕ್ವಾ ನಿರ್ದೇಶಿಸಿದ್ದಾರೆ. ಜಾಫರ್ ಜಾಕ್ಸನ್ ಹೊರತುಪಡಿಸಿ, ಈ ಚಿತ್ರದಲ್ಲಿ ಜೋಸೆಫ್ ಜಾಕ್ಸನ್ ಪಾತ್ರದಲ್ಲಿ ಕೋಲ್ಮನ್ ಡೊಮಿಂಗೊ, ಕ್ಯಾಥರೀನ್ ಜಾಕ್ಸನ್ ಪಾತ್ರದಲ್ಲಿ ನಿಯಾ ಲಾಂಗ್, ಯುವ ಮೈಕೆಲ್ ಪಾತ್ರದಲ್ಲಿ ಜೂಲಿಯಾನೋ ವಾಲ್ಡಿ ಮತ್ತು ಇತರರು ನಟಿಸಿದ್ದಾರೆ.

ಈ ಚಿತ್ರವು ಭಾರತದಲ್ಲಿ ಸರಾಸರಿ ಕಲೆಕ್ಷನ್‌ನೊಂದಿಗೆ ಪ್ರಾರಂಭವಾಯಿತು. ಪಾವತಿಸಿದ ಪೂರ್ವವೀಕ್ಷಣೆಗಳಿಂದ ಇದು 1.70 ಕೋಟಿ ರೂ.ಗಳನ್ನು ಸಂಗ್ರಹಿಸಿತು ಮತ್ತು 3,029 ಪ್ರದರ್ಶನಗಳಲ್ಲಿ ಮೊದಲ ದಿನದಲ್ಲಿ 3.60 ಕೋಟಿ ರೂ.ಗಳನ್ನು ಗಳಿಸಿತು. ನಂತರ ಶನಿವಾರ ವಾರಾಂತ್ಯದಲ್ಲಿ 3,190 ಪ್ರದರ್ಶನಗಳಲ್ಲಿ 19% ಆಕ್ಯುಪೆನ್ಸಿಯೊಂದಿಗೆ 5 ಕೋಟಿ ರೂ.ಗಳನ್ನು ಗಳಿಸಿತು. ಇಲ್ಲಿಯವರೆಗೆ ಮೈಕೆಲ್ ಚಿತ್ರ 10.30 ಕೋಟಿ ರೂ.ಗಳನ್ನು ಗಳಿಸಿದ್ದಾರೆ (ಏಜೆನ್ಸೀಸ್​).