ಭಾರತೀಯ ಸಿನಿಮಾ ಇತಿಹಾಸವನ್ನೇ ಬದಲಿಸಲಿದೆ ಧುರಂಧರ್ 2: ಬಿಡುಗಡೆಗೂ ಮೊದಲೇ ಭವಿಷ್ಯ ನುಡಿದ ರಣವೀರ್​ ಸಿಂಗ್​! Dhurandhar 2

ಮುಂಬೈ: ಭಾರತೀಯ ಸಿನಿ ಪ್ರೇಕ್ಷಕರು ಉತ್ಸುಕತೆಯಿಂದ ಕಾಯುತ್ತಿರುವ ಸಿನಿಮಾ ಎಂದರೆ ಅದು ಧುರಂಧರ್​ 2 (Dhurandhar 2). ಈ ಸಿನಿಮಾವು ನಾಳೆ (ಗುರುವಾರ, ಮಾ.19) ರಂದು ಸಿನಿಮಾ ಮಂದಿರಗಳಲ್ಲಿ ಬಿಡುಗಡೆಯಾಗಲಿದ್ದು, ಬುಧವಾರ(ಮಾ.18) ಪ್ರೀಮಿಯರ್​ ಶೋನಲ್ಲಿ ಸಹ ಚಲನಚಿತ್ರವನ್ನು ನೋಡಬಹುದಾಗಿದೆ.

ಮಂಗಳವಾರ (ಮಾ.17) ನಡೆದಿದ್ದ ಸಿನಿಮಾದ ಆಡಿಯೋ ಲಾಂಚ್​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ, ಸಿನಿಮಾದ ನಾಯಕನಟ ರಣವೀರ್ ಸಿಂಗ್​, ಧುರಂಧರ್​ 2 ಸಿನಿಮಾ ಭಾರತೀಯ ಸಿನಿಮಾ ರಂಗದ ಭವಿಷ್ಯ ಬರೆಯಲಿದೆ ಎಂಬ ಹೇಳಿಕೆ ಫುಲ್​ ವೈರಲ್​ ಆಗುತ್ತಿದೆ.

ಕಾರ್ಯಕ್ರಮದಲ್ಲಿ ನರೆದಿದ್ದ ಜನರನ್ನು ಉದ್ದೇಶಿಸಿ ಮಾತನಾಡಿದ ರಣವೀರ್​, ನಮ್ಮ ಈ ಧುರಂಧರ್​ ಸಿನಿಮಾ ಇಷ್ಟೊಂದು ಯಶಸ್ಸನ್ನು ಕಾಣಲು ನಿಮ್ಮ ಪ್ರೀತಿಯೇ ಕಾರಣವಾಗಿದೆ. ಇದು ಕೇವಲ ಒಂದು ಸಿನಿಮಾವಾಗಿ ಸೀಮಿತವಾಗದೆ, ಜಗತ್ತಿನದ್ಯಂತ ಖ್ಯಾತಿಗಳಿಸಲು ಕಾರಣರಾದ ನಿಮಗೆ ಧನ್ಯವಾದ ಎಂದು ನಾಯಕ ನಟ ಹೇಳಿದರು.

ಮಂಗಳವಾರ (ಮಾ.17) ಮುಂಬೈನಲ್ಲಿ ನಡೆದ ಈ ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ, ನಟ ರಣವೀರ್​ ಸಿಂಗ್​ ಜೊತೆಗೆ ನಾಯಕಿ, ಸಾರಾ ಅರ್ಜುನ್​, ಶಾಶ್ವತ್ ಸಚ್‌ದೇವ್, ಜಾಸ್ಮಿನ್ ಸ್ಯಾಂಡ್ಲಾಸ್, ಖಾನ್ ಸಾಬ್, ಸುಧೀರ್ ಯದುವಂಶಿ ಮತ್ತು ಶಹಜಾದ್ ಅಲಿ ಹಾಜರಿದ್ದರು. 

ಧುರಂಧರ್​ ಇದು ಭಾರತದ ಗೂಢಾಚಾರನೊಬ್ಬ ಪಾಕಿಸ್ತಾನಕ್ಕೆ ತೆರಳಿ ಏನೇನು ಮಾಡುತ್ತಾನೆ ಎನ್ನುವುದೇ ಕಥಾಹಂದರವಾಗಿದೆ. ಈ ಸಿನಿಮಾವನ್ನು ಉರಿ ಖ್ಯಾತಿಯ ಆದಿತ್ಯ ಧರ್​ ನಿರ್ದೇಶನ ಮಾಡಿದ್ದಾರೆ. ರಣವೀರ್​ ಸಿಂಗ್​,ಸಂಜಯ್​ ದತ್, ಆರ್​. ಮಾಧವನ್​, ಅರ್ಜುನ್​ ರಾಂಪಾಲ್​, ಅಕ್ಷಯ್​ ಖನ್ನಾ, ಸಾರಾ ಅರ್ಜುನ್​ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಸಿನಿಮಾದ ಮೊದಲ ಭಾಗವು ಡಿಸೆಂಬರ್​ 5, 2025 ರಂದು ಬಿಡುಗಡೆಯಾಗಿ, ಸುಮಾರು 1000 ಕೋಟಿಗೂ ಮೀರಿದ ಕಲೆಕ್ಷನ್​ ಮಾಡುವ ಮೂಲಕ ಆ ವರ್ಷ ಅತಿ ಹೆಚ್ಚು ಹಣಗಳಿಸಿದ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು.

ಈಗ ಈ ಸಿನಿಮಾದ ಎರಡನೇ ಭಾಗ ಧುರಂಧರ್​ 2: ದಿ ರಿವೆಂಜ್​ ಸಿನಿಮಾ ಮಾರ್ಚ್​ 19 ರಂದು ಬಿಡುಗಡೆಯಾಗಲಿದ್ದು, ಹಿಂದಿ ಸೇರಿದಂತೆ ಕನ್ನಡ, ತೆಲುಗು, ತಮಿಳು ಮತ್ತು ಮಳಿಯಾಳಂ ಭಾಷೆಯಲ್ಲಿ ಸಹ ತೆರೆಕಾಣಲು ಸಿದ್ದವಾಗಿದೆ,(ಏಜನ್ಸೀಸ್​).