80 ಸಿನಿಮಾಗಳಲ್ಲಿ ನಟಿಸಿದ್ರೂ ಒಂದು ಸಣ್ಣ ಪಾತ್ರ ಸಿಗುತ್ತಿಲ್ಲ: ಬಾಲಿವುಡ್​ ನನ್ನನ್ನು ಮರೆತು ಬಿಟ್ಟಿದೆ; ರಾಹುಲ್​ ದೇವ್​ ಭಾವುಕ! Rahul Dev on Bollywood

ಮುಂಬೈ:  ಒಂದು ಕಾಲದಲ್ಲಿ ಬಾಲಿವುಡ್​ನ ಬಹುತೇಕ ಸಿನಿಮಾಗಳಲ್ಲಿ ವಿಲನ್​ ಪಾತ್ರದಲ್ಲಿ ಮಿಂಚುತ್ತಿದ್ದ ರಾಹುಲ್​ ದೇವ್​ (Rahul Dev on Bollywood), ಈಗ ನನಗೆ ಒಂದೇ ಒಂದು ಸಿನಿಮಾದಲ್ಲಿ ಚಿಕ್ಕ ಪಾತ್ರವು ದೊರೆಯುತ್ತಿದ್ದ ಎಂದು ಅಳಲನ್ನು ತೋಡಿಕೊಂಡಿದ್ದಾರೆ.

ಹಿಂದಿ ಸೇರಿದಂತೆ ಬಹುತೇಕ ದಕ್ಷಿಣ ಭಾರತದ ಎಲ್ಲಾ ಭಾಷೆಗಳ ಸಿನಿಮಾಗಳಲ್ಲಿ ಹೆಚ್ಚಿನದಾಗಿ ಖಳನಾಯಕನ ಪಾತ್ರದಲ್ಲಿ ಕಾಣಿಸಿ ಕೊಳ್ಳುತ್ತಿದ್ದ ರಾಹುಲ್​ ದೇವ್​ ದಿಢೀರಾಗಿ ಬಣ್ಣದ ಲೋಕದಿಂದ ಮರೆಯಾಗಿ ಬಿಟ್ಟರು.

ಇತ್ತೀಚೆಗೆ ಯೂಟ್ಯೂಬ್​ ಚಾನೆಲ್​ವೊಂದಕ್ಕೆ ನೀಡಿದ್ದ ಸಂದರ್ಶನದಲ್ಲಿ ನನ್ನ ಹೆಂಡತಿ ಒಮ್ಮಲೆ ಆಸ್ಪತ್ರೆಗೆ ದಾಖಲಾಗಿ ಹಾಗೆಯೇ ಸಾವನ್ನಪ್ಪಿದಳು. ಆಗ ನಾನು ಬಾಲಿವುಡ್​ನಲ್ಲಿ ಸಕ್ರೀಯನಾಗಿದ್ದೆ, ಅಲ್ಲಿವರೆಗೆ ಸುಮಾರು 80 ಸಿನಿಮಾಗಳಲ್ಲಿ ಅಭಿನಯಿಸಿದ್ದೆ. ಆದರೆ ಮಗನನ್ನು ನೋಡಿಕೊಳ್ಳುವ ಉದ್ದೇಶದಿಂದ ಬಾಲಿವುಡ್​ನಿಂದ ದೂರ ಸರಿದೆ. ಈಗ ಬಾಲಿವುಡ್​ ನನ್ನನ್ನು ಮರೆತು ಬಿಟ್ಟಿದೆ ಎಂದು ಹೇಳಿದ್ದಾರೆ.

ನನ್ನ ಮಗ ಈಗ ದೊಡ್ಡವನಾಗಿದ್ದಾನೆ, ಅವನು ಈಗ ಲಂಡನ್​ನಲ್ಲಿ ವಿದ್ಯಾಭ್ಯಾಸದಲ್ಲಿ ತೊಡಗಿದ್ದಾನೆ. ಹೀಗಾಗಿ ನಾನು ಮತ್ತೆ ಸಿನಿಮಾ ಕ್ಷೇತ್ರಕ್ಕೆ ಮರಳಲು ಮನಸ್ಸು ಮಾಡಿದ್ದೆ. ಆದರೆ ನನ್ನ ಗುರುಗಳು ನೀನು ಮತ್ತೆ ಬಾಲಿವುಡ್​ಗೆ ಬರಬೇಡ, ಈಗ ಮೊದಲಿದ್ದ ಸ್ಥಿತಿ ಇಲ್ಲ ಎಂದು ಹೇಳಿದ್ದರು. ಆದರೂ ನಾನು ಮತ್ತೆ ಬಣ್ಣದ ಲೋಕಕ್ಕೆ ಮರಳಬೇಕೆಂದು ಮನಸ್ಸು ಮಾಡಿದ್ದೆ.

ಆದರೆ ನಾನು 80 ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದರೂ ಸಹ ಕಳೆದ 4 ವರ್ಷಗಳಿಂದ ಒಂದೇ ಒಂದು ಚಿಕ್ಕ ಪಾತ್ರ ಸಹ ದೊರೆಯುತ್ತಿಲ್ಲ. ಇದು ಬಾಲಿವುಡ್​ನ ತಪ್ಪೆಂದು ನಾನು ಹೇಳುವುದಿಲ್ಲ. ಆದರೆ ನನ್ನನ್ನು ಮತ್ತು ನಾನು ಮಾಡಿದ ಪಾತ್ರಗಳನ್ನು ಬಾಲಿವುಡ್​ ಮತ್ತು ಜನ ಮರೆತು ಹೋದರು ಎಂದು ಅನ್ನಿಸುತ್ತದೆ ಎಂದು ರಾಹುಲ್​ ದೇವ್​ ಹೇಳಿದ್ದಾರೆ, (ಏಜನ್ಸೀಸ್​).