ಈ ವರ್ಷವು ಅಬ್ಬರಿಸಲಿಲ್ಲ ಬಾಲಿವುಡ್​! ಸೀಕ್ವೆಲ್​ ಚಿತ್ರಗಳಲ್ಲಿಯೂ ಕಂಡಿದ್ದು ಸೋಲೇ | Bollywood

ಮುಂಬೈ: ಕಳೆದ ವರ್ಷ 'ಸ್ತ್ರೀ 2', 'ಫೈಟರ್'​, 'ಅನಿಮಲ್​' 'ಸಿಂಗಂ ಅಗೈನ್'​ ಸೇರಿ ಒಂದಷ್ಟು ಬಹುನಿರೀಕ್ಷಿತ ಸಿನಿಮಾಗಳು ಮಾತ್ರ ಬಾಕ್ಸ್ ಆಫೀಸ್​ನಲ್ಲಿ ಕಮಾಲ್ ಮಾಡಿದ್ದು ಬಿಟ್ಟರೆ, ಉಳಿದೆಲ್ಲ ಚಿತ್ರಗಳು ಫ್ಲಾಪ್​ ಸಾಲಿಗೆ ಸೇರಿತು. ಲಾಭವನ್ನು ಕಾಣಬೇಕಿದ್ದ ಬಾಲಿವುಡ್​, ಒಂದಷ್ಟು ಸಿನಿಮಾಗಳನ್ನು ಹೊರತುಪಡಿಸಿದರೆ, ನಿರೀಕ್ಷೆಗೆ ತಕ್ಕಂತೆ ಆದಾಯವನ್ನು ಗಳಿಸುವಲ್ಲಿ ವಿಫಲವಾಗಿದೆ ಎಂಬುದರಲ್ಲಿ ಅನುಮಾನವೇ ಬೇಡ. ಹೆಚ್ಚೆಚ್ಚು ಆ್ಯಕ್ಷನ್​ ಫಿಲಂಗಳ ಹಿಂದೆ ಬಿದ್ದಿರುವ ಹಿಂದಿ ಚಿತ್ರೋದ್ಯಮ ಸದ್ಯ ಸೀಕ್ವೆಲ್​ಗಳಲ್ಲಿಯೂ ಫ್ಲಾಪ್ ಆಗಿವೆ.   

ಬಾಲಿವುಡ್‌ನಲ್ಲಿ ಆರಂಭದಿಂದಲೂ ಸೀಕ್ವೆಲ್‌ ಸಿನಿಮಾಗಳು ಹೆಚ್ಚಾಗಿ ಮೂಡಿಬರುತ್ತಿವೆ. ಹೆಸರಿಗೆ ಮಾತ್ರ ಅದು ಸೀಕ್ವೆಲ್​! ಆದರೆ, ಮೊದಲ ಭಾಗ ಮತ್ತು ಅದರ ಮುಂದುವರಿದ ಭಾಗದ ಚಿತ್ರದ ನಡುವೆ ಯಾವುದೇ ಸಂಬಂಧವಿರುವುದಿಲ್ಲ. ಹಿಟ್ ಚಿತ್ರಗಳ ಟೈಟಲ್​ ಬಳಸಿಕೊಳ್ಳುವ ಚಿತ್ರತಂಡಗಳು, ಕಥೆಯ ಬಗ್ಗೆ ಹೆಚ್ಚು ಗಮನಹರಿಸಿದ ಕಾರಣ ಸಿನಿಮಾಗಳು ತೀರ ಸಂಕಷ್ಟಕ್ಕೆ ಸಿಲುಕುತ್ತಿವೆ. 

ಹೀಗಾಗಿಯೇ, ಉತ್ತರ ಭಾಗದಲ್ಲಿ ಹಲವು ಸೀಕ್ವೆಲ್‌ ಸಿನಿಮಾಗಳು ಬ್ಲಾಕ್​ಬಸ್ಟರ್​ ಹಿಟ್​ ಆಗುವಲ್ಲಿ ವಿಫಲವಾಗುತ್ತಿವೆ. ಇನ್ನು ಉದಾಹರಣೆ ಮೂಲಕ ಹೇಳುವುದಾದರೆ, ಈ ವರ್ಷ ತೆರೆಕಂಡ 'ಸಿತಾರೆ ಜಮೀನ್ ಪರ್' ಹೊರತುಪಡಿಸಿದರೆ, ಉಳಿದೆಲ್ಲ ಚಿತ್ರಗಳು ಅಂತಹ ಕಮಾಲ್​ ಮಾಡಲಿಲ್ಲ. ಭಾರೀ ಬಜೆಟ್ ಮತ್ತು ಸಾಕಷ್ಟು ಹೈಪ್​ ಸೃಷ್ಡಿಸಿದ 'ವಾರ್ 2' ಕೂಡ ಬಾಕ್ಸ್ಆಫೀಸ್​ನಲ್ಲಿ ಹಾಗೂ ಸಿನಿಪ್ರಿಯರ ನಿರೀಕ್ಷೆಗಳನ್ನು ಪೂರೈಸುವಲ್ಲಿ ಮುಗ್ಗರಿಸಿತು. ಇದು ನಿರ್ಮಾಪಕರಿಗೂ ದೊಡ್ಡ ಹೊಡೆತ ನೀಡಿತು.

ಇನ್ನು ಬಾಲಿವುಡ್​ನ ಸ್ಟಾರ್ ಹೀರೋ ಅಕ್ಷಯ್ ಕುಮಾರ್ ಅಭಿನಯದ ಕಾಮಿಡಿ, ಡ್ರಾಮಾ ಜಾನರ್​ನ 'ಹೌಸ್‌ಫುಲ್ 5' ಚಿತ್ರವು, ದೊಡ್ಡ ತಾರಾಬಳಗವನ್ನು ಹೊಂದಿದ್ದರೂ, ಪ್ರೇಕ್ಷಕರ ನಿರೀಕ್ಷೆ ತಲುಪುವಲ್ಲಿ ಎಡವಿತು. 180 ಕೋಟಿ ರೂ.ಗಿಂತ ಹೆಚ್ಚು ಬಜೆಟ್‌ನಲ್ಲಿ ನಿರ್ಮಿಸಲಾದ ಈ ಸಿನಿಮಾ 'ಹೌಸ್‌ಫುಲ್ 4' ಕಲೆಕ್ಷನ್‌ ಮೀರಿಸಲು ಸೋತಿತು. ಇದೇ ರೀತಿ 'ಕೇಸರಿ 2' ಮತ್ತು 'ಜಾಲಿ LLB 3' ಕೂಡ ಫ್ಲಾಪ್​ ಸಾಲಿಗೆ ಸೇರಿತು.     

'ಧಡಕ್ 2' ಪಾಸಿಟಿವ್​ ಪ್ರತಿಕ್ರಿಯೆ ಪಡೆದುಕೊಂಡರೆ, 'ಸೈಯಾರ' ಬಾಕ್ಸ್ ಆಫೀಸ್​ನಲ್ಲಿ ಮುಗ್ಗರಿಸಿತು. ಇದಾದ ಬಳಿಕ, ಸೆ.5ರಂದು ಬಿಡುಗಡೆಯಾದ ಟೈಗರ್ ಶ್ರಾಫ್ ನಟನೆಯ 'ಬಾಘಿ 4' ಕನಿಷ್ಠ ಕಲೆಕ್ಷನ್‌ ಮೂಲಕ ಬಾಕ್ಸ್​ ಆಫೀಸ್​ನಲ್ಲಿ ವಿಫಲವಾಯಿತು. ಇದೇ ಇದರ ಹಿಂದಿನ ಬಾಘಿ ಸರಣಿಯ ಸಿನಿಮಾಗಳು ಆ್ಯಕ್ಷನ್ ಕಮ್ ಲವ್ ಸ್ಟೋರಿಯಿಂದ ಭರ್ಜರಿ ಯಶಸ್ಸನ್ನು ಕಂಡಿತು. ಆದರೆ, ಬಾಘಿ 4 ಕೇವಲ ಆ್ಯಕ್ಷನ್‌ಗೆ ಮಾತ್ರ ಸೀಮಿತವಾಗಿತ್ತು. ಪ್ರಾಯಶಃ ಪ್ರೇಕ್ಷಕರಿಗೆ ಇದು ಹಿಡಿಸಲಿಲ್ಲ,(ಏಜೆನ್ಸೀಸ್).