ಇಂಜೆಕ್ಷನ್ ತೆಗೆದುಕೊಂಡಿದ್ದೀರಾ? ಎಂದು ಜನರ ಪ್ರಶ್ನೆ..ತೂಕ ಇಳಿಕೆಯ ಹಿಂದಿನ ನೋವಿನ ಕಥೆ ಬಹಿರಂಗಪಡಿಸಿದ ಭೂಮಿ ಪಡ್ನೇಕರ್! Bhumi Pednekar

ಇತ್ತೀಚಿನ ಸಂಭಾಷಣೆವೊಂದರಲ್ಲಿ ಮಾತನಾಡಿದ ಅವರು, ತೂಕ ಇಳಿಸುವ ಬಗ್ಗೆ ಜನರಲ್ಲಿರುವ ತಪ್ಪು ಕಲ್ಪನೆಗಳು ಮತ್ತು ಶಾರ್ಟ್‌ಕಟ್ ವಿಧಾನಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.

ನನ್ನ ಅತಿಯಾದ ತೂಕ ಇಳಿಕೆಯನ್ನು ಜನರು ನಿರ್ಣಯಿಸುತ್ತಿದ್ದಾರೆ: ಭೂಮಿ ಪೆಡ್ನೇಕರ್

ಇತ್ತೀಚೆಗೆ ಭೂಮಿ ಪೆಡ್ನೇಕರ್ ಸೋಹಾ ಅಲಿ ಖಾನ್ ಅವರ ಪಾಡ್‌ಕ್ಯಾಸ್ಟ್ ಆಲ್ ಅಬೌಟ್ ಹರ್‌ನಲ್ಲಿ ಕಾಣಿಸಿಕೊಂಡಿದ್ದು, ಅದರಲ್ಲಿ ಜನರು ನನ್ನ ತೂಕ ಇಳಿಸುವ ಪ್ರಯಾಣದ ಬಗ್ಗೆ ಊಹೆಗಳನ್ನು ಮಾಡುವಾಗ ಅದು ನಿಜವಾಗಿಯೂ ನಮಗೆ ಎಷ್ಟು ತೊಂದರೆಯಾಗುತ್ತದೆ ಎಂಬುದನ್ನು ತಿಳಿಸಿದ್ದಾರೆ.

ನಟಿ ಚಿತ್ರೀಕರಣದ ಸಮಯದಲ್ಲಿ ಒಂದು ಪಾತ್ರಕ್ಕಾಗಿ ನಾನು ಬಹಳಷ್ಟು ತೂಕವನ್ನು ಇಳಿಸಿಕೊಂಡೆ. ಆ ಸಮಯದಲ್ಲಿ ಡೆಂಗ್ಯೂನಿಂದ ಚೇತರಿಸಿಕೊಳ್ಳುತ್ತಾ ಆಸ್ಪತ್ರೆಯಲ್ಲಿದ್ದೆ ಆಗ 12 ಕೆಜಿ ಮತ್ತು ನನ್ನ ಅರ್ಧದಷ್ಟು ಕೂದಲನ್ನು ಕಳೆದುಕೊಂಡೆ. ನಾನು ಅನುಭವಿಸಿದ ನೋವಿಗೆ ಮತ್ತೊಂದು ನೋವು ಸರಿಸಾಟಿಯಿಲ್ಲ. ಆ ದಿನ ದೀಪಾವಳಿಯಾಗಿತ್ತು, ಎಲ್ಲರೂ ಹಬ್ಬದ ಸಂಭ್ರಮದಲ್ಲಿ ಪಟಾಕಿ ಸಿಡಿಸುತ್ತಿದ್ದರೆ, ನನಗೆ ಆ ಶಬ್ಧ ತಲೆನೋವನ್ನು ತರಿಸುತ್ತಿತ್ತು ಎಂದರು.

ದೆಹಲಿಯಲ್ಲಿ ಕೆಲವೊಂದು ಮಹಿಳೆಯರು ನನ್ನನ್ನು ನೋಡಿ ನೀವು ಓಜೆಂಪಿಕ್ ಅಥವಾ ಮೌಂಜಾರೊ ಇಂಜೆಕ್ಷನ್ ತೆಗೆದುಕೊಂಡಿದ್ದೀರಾ? ಎಂದು ಪ್ರಶ್ನಿಸುತ್ತಾರೆ. ಇಂದಿನ ದಿನಗಳಲ್ಲಿ ಜನರು ಇಂಜೆಕ್ಷನ್ ಇಲ್ಲದೆ ತೂಕ ಇಳಿಸಲು ಸಾಧ್ಯವೇ ಇಲ್ಲ ಎಂದು ನಂಬುತ್ತಿದ್ದಾರೆ ಎಂದು ಹೇಳಿದ್ದಾರೆ. ವಾಸ್ತವೆಂದರೆ, ನಾನು ಇಂಜೆಕ್ಷನ್​ ಇಲ್ಲದೆಯೇ ಬರೋಬ್ಬರಿ 40 ಕೆಜಿ ತೂಕ ಇಳಿಸಿಕೊಂಡಿದ್ದೇನೆ ಎಂದರು. ಆದರೆ, ನಾನು ಕಳೆದ 10 ವರ್ಷಗಳಿಂದ ಮಾಡುತ್ತಿರುವ ಕಠಿಣ ವ್ಯಾಯಾಮ ಮತ್ತು ಶಿಸ್ತಿನ ಆಹಾರ ಕ್ರಮದ ಬಗ್ಗೆ ಯಾರಿಗೂ ಅರಿವಿಲ್ಲ ಎಂದು ಭೂಮಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಈ ಹಿಂದೆ ಭೂಮಿ ನವೆಂಬರ್ 2023 ರಲ್ಲಿ ಡೆಂಗ್ಯೂ ಜ್ವರದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಈ ವಿಚಾರವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಂಚಿಕೊಳ್ಳುವ ಮೂಲಕ ತಮ್ಮ ಅಭಿಮಾನಿಗಳಿಗೆ ಅದರ ಬಗ್ಗೆ ತಿಳಿಸಿದ್ದರು.

ಈ ವೇಳೆ ತಾನು ಹೇಗೆ ಸಸ್ಯಹಾರಿಯಾದೆ ಎಂಬುದರ ಬಗ್ಗೆ ಮಾತನಾಡುತ್ತಾ, ಆಕೆ ಒಂದು ನಾಯಿ ಮರಿಯನ್ನು ದತ್ತು ಪಡೆದ ನಂತರ, ನೈತಿಕ ಸಮಸ್ಯೆಗಳಿಂದ ಮಾಂಸ ಮುಕ್ತ ಜೀವನದತ್ತ ತಮ್ಮ ಪ್ರಯಾಣ ಪ್ರಾರಂಭವಾಯಿತು ಎಂದು ಬಹಿರಂಗಪಡಿಸಿದರು.

ನಾನು ಸಸ್ಯಾಹಾರಿಯಾಗಿ ಪರಿವರ್ತನೆಗೊಂಡಾಗ, ಆಹಾರ ಪದ್ಧತಿಯಲ್ಲಿ ಪ್ರೊಟೀನ್​ಯುಕ್ತ ಆಹಾರವನ್ನು ಸೇವಿಸುತ್ತಾ ಸದೃಢವಾಗಿ ತೂಕವನ್ನು ಕಾಯ್ದುಕೊಂಡಿದ್ದೇನೆ. ಪ್ರತಿದಿನ ನಾನು ಪ್ರೋಟೀನ್ ಶೇಕ್ ತೆಗೆದುಕೊಳ್ಳುತ್ತೇನೆ. ವಿಶೇಷವಾಗಿ ನಾನು ವ್ಯಾಯಾಮ ಮಾಡುವಾಗ ಅಥವಾ ತಿನ್ನುವಾಗ ಆಹಾರಗಳ ಬಗ್ಗೆ ತುಂಬಾ ಗಮನಹರಿಸುತ್ತೇನೆ ಎಂದರು (ಏಜೆನ್ಸೀಸ್​).