ಶ್ರೀಮಂತರಿಗೆ ಕಷ್ಟಗಳ ಅರಿವಿರುವುದಿಲ್ಲ...ರೆಹಮಾನ್ ಹೇಳಿಕೆಗೆ ತಸ್ಲಿಮಾ ನಸ್ರೀನ್ ತಿರುಗೇಟು! Taslima Nasreen

ಲೇಖಕಿ ತಸ್ಲೀಮಾ ನಸ್ರೀನ್ ತಮ್ಮ ಎಕ್ಸ್​ ಪೋಸ್ಟ್​ನಲ್ಲಿ ಎ ಆರ್ ರೆಹಮಾನ್ ಅವರಂತಹ ಜಾಗತಿಕ ಮಟ್ಟದ ಸಾಧಕರು ತಮ್ಮ ವೃತ್ತಿಜೀವನದ ಹಿನ್ನಡೆಗೆ ಧರ್ಮ ಅಥವಾ ಕೋಮುವಾದದ ಬಣ್ಣ ಹಚ್ಚುತ್ತಿರುವುದು ಆಶ್ಚರ್ಯಕರವಾಗಿದೆ.

ಎ.ಆರ್. ರೆಹಮಾನ್ ಒಬ್ಬ ಮುಸ್ಲಿಂ ಸಮುದಾಯಕ್ಕೆ ಸೇರಿದವರು. ನಾನು ಕೇಳಿರುವಂತೆ ಅವರ ಸಂಭಾವನೆ ಇತರ ಎಲ್ಲಾ ಕಲಾವಿದರಿಗಿಂತ ಹೆಚ್ಚು. ಅವರು ಬಹುಶಃ ಅತ್ಯಂತ ಶ್ರೀಮಂತ ಸಂಗೀತಗಾರ. ಆದರೆ ಇವರು ಮುಸ್ಲಿಂ ಎಂಬ ಕಾರಣಕ್ಕೆ ಕೆಲಸವನ್ನು ನೀಡುತ್ತಿಲ್ಲ ಎಂದು ಆರೋಪ ಮಾಡುತ್ತಿದ್ದಾರೆ ಎಂದಿದ್ದಾರೆ.

ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಮೀರ್ ಖಾನ್, ಜಾವೇದ್ ಅಖ್ತರ್, ಶಬಾನಾ ಅಜ್ಮಿ - ಇವರೆಲ್ಲರೂ ಬಾಲಿವುಡ್​ನ ಸೂಪರ್‌ಸ್ಟಾರ್‌ಗಳು ಎಲ್ಲಿಯೂ ಕಷ್ಟಗಳನ್ನು ಎದುರಿಸುವುದಿಲ್ಲ.

ಅವರು ಯಾವುದೇ ಧರ್ಮಕ್ಕೆ ಸೇರಿದವರಾಗಿರಲಿ, ಯಾವುದೇ ಜಾತಿಗೆ ಸೇರಿದವರಾಗಿರಲಿ ಅಥವಾ ಯಾವುದೇ ಸಮುದಾಯಕ್ಕೆ ಸೇರಿದವರಾಗಿರಲಿ... ಎ.ಆರ್. ರೆಹಮಾನ್ ಅವರನ್ನು ಸಮಾನವಾಗಿ ಪೂಜಿಸುತ್ತಾರೆ. ಇತಹ ಜಾಗತಿಕ ಸಾದಕರಿಗೆ ಯಾರೋ ಕರುಣೆ ತೋರಿಸುವುದು ಸಮಂಜಸವಲ್ಲ ಎಂದು ಹೇಳಿದ್ದಾರೆ.

"ಭಾರತ ನನ್ನ ಸ್ಫೂರ್ತಿ, ನನ್ನ ಗುರು ಮತ್ತು ನನ್ನ ಮನೆ. ನಾನು ಎಂದಿಗೂ ಯಾರ ಮನಸ್ಸಿಗೂ ನೋವುಂಟು ಮಾಡಲು ಬಯಸುವುದಿಲ್ಲ. ನನ್ನ ಪ್ರಾಮಾಣಿಕತೆಯನ್ನು ಜನರು ಅನುಭವಿಸುತ್ತಾರೆ ಎಂದು ಹೇಳಿದ್ದಾರೆ (ಏಜೆನ್ಸೀಸ್​).