ಆ ಒಂದು ಕಾರಣಕ್ಕೆ ನನ್ನ ಲವರ್​ ಜತೆ ಬ್ರೇಕಪ್​ ಮಾಡಿಕೊಂಡೆ ಅಂದ್ರು ಮೃನಾಲ್​ ಠಾಕೂರ್! ಯಾರು ಆತ?​ Mrunal Thakur

Mrunal Thakur : ನಟಿ ಮೃನಾಲ್​ ಠಾಕೂರ್​ ಬಗ್ಗೆ ವಿಶೇಷವಾಗಿ ಏನು ಹೇಳಬೇಕಿಲ್ಲ. ಸೀತಾ ರಾಮಂ ಸಿನಿಮಾ ಮೂಲಕ ಸೀತಾ ಮಹಾಲಕ್ಷ್ಮೀಯಾಗಿ ಸಾಂಪ್ರದಾಯಿಕ ಪಾತ್ರದಲ್ಲಿ ಎಲ್ಲರ ಮನಸ್ಸು ಗೆದ್ದಿರುವ ನಟಿ ಮೃನಾಲ್​ ಠಾಕೂರ್, ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಸೀತಾ ರಾಮಂ ಸಿನಿಮಾ ಯಶಸ್ಸಿನ ಬಳಿಕ ಮೃನಾಲ್​ ಅವರ ಅದೃಷ್ಟವೇ ಬದಲಾಗಿದೆ. ನಾನಿ, ವಿಜಯ್​ ದೇವರಕೊಂಡ ಸೇರಿದಂತೆ ಅನೇಕ ಸ್ಟಾರ್​ ನಟರ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸದ್ಯ ಸ್ಟಾರ್​ ನಟಿಯರ ಸಾಲಿಗೆ ಮೃನಾಲ್​ ಸೇರಿಕೊಂಡಿದ್ದಾರೆ.

ತಾಜಾ ಸಂಗತಿ ಏನೆಂದರೆ, ಕಳೆದ ಕೆಲ ದಿನಗಳಿಂದ ಮೃನಾಲ್​ ಠಾಕೂರ್​ ಅವರ ಹೆಸರು ಹೆಚ್ಚಾಗಿ ಕೇಳಿಬರುತ್ತಿದೆ. ಕಾಲಿವುಡ್​ ನಟ ಧನುಷ್​ ಜತೆ ಮೃನಾಲ್​ ಡೇಟಿಂಗ್​ ಮಾಡುತ್ತಿದ್ದಾರೆ ಮತ್ತು ಶೀಘ್ರದಲ್ಲೇ ಅವರಿಬ್ಬರ ಮದುವೆ ಆಗಲಿದೆ ಎಂಬ ವದಂತಿ ಈ ಹಿಂದೆ ಹರಿದಾಡಿತ್ತು. ಆ ವದಂತಿಗೆ ಸ್ಪಷ್ಟನೆ ನೀಡಿರುವ ಮೃನಾಲ್​, ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ. ಇದೀಗ ತಮ್ಮ ಮಾಜಿ ಪ್ರಿಯಕರ ಬಗ್ಗೆ ಮೃನಾಲ್​ ಮಾತನಾಡಿದ್ದಾರೆ. ತಾನು ಬ್ರೇಕಪ್​ ಮಾಡಿಕೊಳ್ಳಲು ಕಾರಣ ಏನು ಅನ್ನೋದನ್ನು ವಿವರಿಸಿದ್ದಾರೆ.

ಅಂದಹಾಗೆ, ಮೃನಾಲ್ ಠಾಕೂರ್ ನಟನೆಯ 'ದೋ ದಿವಾನೇ ಶಹರ್ ಮೇ' ಸಿನಿಮಾ, ಫೆಬ್ರವರಿ 20 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದ ಪ್ರಚಾರದ ಭಾಗವಾಗಿ, ಮೃನಾಲ್​ ಅವರು ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದರು. ಈ ವೇಳೆ ತಮ್ಮ ಬ್ರೇಕಪ್ ಕತೆಯನ್ನು​ ಬಹಿರಂಗಪಡಿಸಿದ್ದಾರೆ.

ನನ್ನ ಮಾಜಿ ಪ್ರಿಯಕರನ ಜತೆ ಲವ್​​ ಬ್ರೇಕಪ್​ ಆಗಿದ್ದಕ್ಕೆ ನನಗೆ ಬೇಸರವಿಲ್ಲ. ಆತ ನನ್ನ ಬಗ್ಗೆ ತಪ್ಪು ತಿಳಿದುಕೊಂಡಿದ್ದ. ನನ್ನ ವ್ಯಕ್ತಿತ್ವ ತುಂಬಾ ಆಕ್ರಮಣಕಾರಿ ಎಂದು ಆತ ಭಾವಿಸಿದ್ದ. ನನ್ನೊಂದಿಗೆ ಜೀವನ ನಡೆಸಲು ಸಾಧ್ಯವಿಲ್ಲ ಎಂದು ಸ್ವತಃ ಆತನೇ ನನಗೆ ಹೇಳಿದ. ನಿಜ ಹೇಳಬೇಕೆಂದರೆ, ಆತನಿಗೆ ನನ್ನ ನಟನೆ ಇಷ್ಟವಾಗಲಿಲ್ಲ. ನಮ್ಮ ಬ್ರೇಕಪ್​ಗೆ ಅದು ಕೂಡ ಒಂದು ಕಾರಣವಾಗಿತ್ತು. ಆತ ನನ್ನ ಜೀವನವನ್ನು ತೊರೆದಿದ್ದಕ್ಕೆ ನನಗೆ ದುಃಖವಾಗಲಿಲ್ಲ. ವಾಸ್ತವವಾಗಿ, ಆತನ ಮನಸ್ಥಿತಿಯ ಬಗ್ಗೆ ನನಗೆ ವಿಷಾದವಾಯಿತು. ಏಕೆಂದರೆ, ನನ್ನ ಜೀವನದುದ್ದಕ್ಕೂ ಅಂತಹ ಜನರೊಂದಿಗೆ ಮುಂದುವರಿಯುವುದು ತುಂಬಾ ಕಷ್ಟ. ಅದಕ್ಕಾಗಿಯೇ ನಾವು ಬ್ರೇಕಪ್​ ಮಾಡಿಕೊಂಡೆವು ಎಂದು ಮೃನಾಲ್​ ಹೇಳಿದ್ದಾರೆ.

ನಿಜ ಸಂಗತಿ ಏನೆಂದರೆ, ನಾನು ಅಂತಹ ವ್ಯಕ್ತಿಯೊಂದಿಗೆ ಜೀವನ ನಡೆಸಿದರೆ, ಭವಿಷ್ಯದಲ್ಲಿ ನನ್ನ ಮಕ್ಕಳು ಸಹ ಅದೇ ರೀತಿಯ ಚಿಂತನೆಯನ್ನು ಬೆಳೆಸಿಕೊಳ್ಳುತ್ತಾರೆ. ಹೇಳಬೇಕೆಂದರೆ, ಅದು ನನಗೆ ಅದು ಇಷ್ಟವಿಲ್ಲ ಎಂದು ಮೃನಾಲ್ ಬಹಿರಂಗಪಡಿಸಿದರು. ಈ ಮೂಲಕ ತಮ್ಮ ಬ್ರೇಕಪ್​ ಹಿಂದಿನ ಕಾರಣವನ್ನು ತಿಳಿಸಿದರು.

ಧನುಷ್​ ವದಂತಿಯ ಬಗ್ಗೆ ತಮ್ಮ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ಮಾಡಿರುವ ಮೃನಾಲ್​, ನನ್ನನ್ನು ನನ್ನ ಕೆಲಸ ಪರಿಚಯಿಸಬೇಕೇ ಹೊರತು ಗಾಸಿಪ್ ಅಲ್ಲ. ಇದನ್ನು ನಾನು ಯಾವಾಗಲು ನಂಬಿದ್ದೇನೆ. ಆದರೆ, ಇಂದು ನನ್ನ ಬಗ್ಗೆ ಇಲ್ಲಸಲ್ಲದ ವದಂತಿಗಳು ಹರಡುತ್ತಿರುವುದನ್ನು ನಾನು ಗಮನಿಸಿದ್ದೇನೆ. ಇತ್ತೀಚಿನ ದಿನಗಳಲ್ಲಿ ನನ್ನ ಮದುವೆ ಕುರಿತಾದ ಅನೇಕ ವದಂತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಧನುಷ್​ ಯಾವಾಗಲು ನನಗೆ ಸಹೋದರನಿದ್ದಂತೆ. ನಾವಿಬ್ಬರೂ ಪರಸ್ಪರ ಹಂಚಿಕೊಳ್ಳುವುದು ಗೌರವ ಮತ್ತು ವೃತ್ತಿಪರತೆ ಮಾತ್ರ. ಇದನ್ನು ಹೊರತುಪಡಿಸಿ, ಬೇರೇನೂ ಇಲ್ಲ. ಆದರೆ, ಕೆಲವು ಜನರು ನನ್ನ ವೃತ್ತಿ ಜೀವನದ ಬಗ್ಗೆ ಮಾತನಾಡುವ ಬದಲು, ಕೇವಲ ನನ್ನ ವೈಯಕ್ತಿಕ ಜೀವನದ ಬಗ್ಗೆ ಮಾತ್ರ ಮಾತನಾಡಲು ಉತ್ಸಾಹ ತೋರುತ್ತಿದ್ದಾರೆ. ಇದನ್ನು ನೋಡಿದಾಗ ನನಗೆ ತುಂಬಾ ಆಶ್ಚರ್ಯವಾಗುತ್ತದೆ ಎಂದು ಮೃನಾಲ್​ ಹೇಳಿದರು.

ವದಂತಿಗಳು ಹರಿದಾಡುತ್ತಿದ್ದರು ಅದನ್ನು ಕೇಳಿಕೊಂಡು ನಾನು ಮೌನವಾಗಿರುವುದು ಎಲ್ಲವನ್ನು ಮರೆಮಾಡುವುದಕ್ಕಲ್ಲ. ಬದಲಾಗಿ, ನನ್ನ ವೈಯಕ್ತಿಕ ಜೀವನದಲ್ಲಿ ಬೇರೆಯವರು ಮೂಗು ತೂರಿಸುವುದು ಇಷ್ಟವಿಲ್ಲ ಎಂದು ಹೇಳಲು. ನಾನು ಅದನ್ನು ನಂಬಿದ್ದೀನಿ ಕೂಡ. ಸಾಕಷ್ಟು ಆಡಿಷನ್‌ಗಳು, ಕೆಲವರಿಂದ ತಿರಸ್ಕಾರಗಳು, ನಿದ್ರೆ ಇಲ್ಲದ ಅನೇಕ ರಾತ್ರಿಗಳು ಮತ್ತು ನಿರಂತರ ಆತ್ಮವಿಶ್ವಾಸದ ಮೂಲಕ ನಾನು ಇಂದು ಈ ಹಂತವನ್ನು ತಲುಪಿದ್ದೇನೆ. ಆದರೆ, ನನ್ನ ಈ ಸಿನಿ ಪ್ರಯಾಣವನ್ನು ಕೇವಲ ಒಂದು ವದಂತಿಯಲ್ಲಿ ಅಣಕಿಸುವುದು ತುಂಬಾ ಅನ್ಯಾಯ. ಸಾಮಾಜಿಕ ಜಾಲತಾಣ ಎಲ್ಲರಿಗೂ ಒಂದು ಧ್ವನಿ ನೀಡುತ್ತದೆ ನಿಜ. ಆದರೆ, ಅದು ಜವಾಬ್ದಾರಿಯನ್ನು ಸಹ ಬಯಸುತ್ತದೆ. ಕೆಲವು ವೀವ್ಸ್​, ಲೈಕ್ಸ್​ ಮತ್ತು ಶೇರ್​ಗಳಿಗಾಗಿ ನೀವು ಹರಡುವ ವಂದತಿ ಮನಸ್ಸಿಗೆ ತುಂಬಾ ಘಾಸಿ ಉಂಟುಮಾಡುತ್ತಿವೆ. ಆದರೆ, ಆ ವದಂತಿಗಳು ಕೆಲವೊಂದು ಜನರ ಮೇಲೆ ಪರಿಣಾಮ ಬೀರುತ್ತವೆ ಎಂಬುದನ್ನು ಮರೆಯಬೇಡಿ. ನಾನಿಲ್ಲಿ ನಿಮಗೆ ಸ್ಪಷ್ಟವಾಗಿ ತಿಳಿಸುವುದೇನೆಂದರೆ, ಈ ವದಂತಿಗಳಲ್ಲಿ ಯಾವುದೇ ಸತ್ಯವಿಲ್ಲ ಎನ್ನುವ ಮೂಲಕ ಎಲ್ಲ ವದಂತಿಗಳಿಗೆ ಮೃನಾಲ್​ ತೆರೆ ಎಳೆದಿದ್ದಾರೆ.

ಇನ್ನು ಸಿನಿಮಾ ವಿಚಾರಕ್ಕೆ ಬರುವುದಾದರೆ, ನಾಯಕಿಯಾಗಿ ನಟಿಸಿರುವ ಹಿಂದಿ ಚಿತ್ರ 'ದೋ ದಿವಾನೆ ಶೆಹರ್ ಮೇ' ಫೆಬ್ರವರಿ 20 ರಂದು ಬಿಡುಗಡೆಯಾಗಲಿದೆ. ಹೀಗಾಗಿ, ಸದ್ಯ ಪ್ರಚಾರದಲ್ಲಿ ಬಿಜಿಯಾಗಿದ್ದಾರೆ. ಇದನ್ನು ಬಿಟ್ಟರೆ, ಟಾಲಿವುಡ್‌ನಲ್ಲಿ ಆದಿವಿ ಶೇಷ್ ಅವರೊಂದಿಗೆ ಡಕಾಯಿತ್​ ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಚಿತ್ರ ಇದೇ ವರ್ಷ ಬಿಡುಗಡೆಯಾಗಲಿದೆ, (ಏಜೆನ್ಸೀಸ್​).