ನಟಿ ವಿಚ್ಛೇದನದ ವದಂತಿ: ನಮ್ಮ ಖಾಸಗಿತನಕ್ಕೆ ಗೌರವ ಕೊಡಿ; ಮೌನ ಮುರಿದ ಮೌನಿ ರಾಯ್​! Mouni Roy on Divorce

ಮುಂಬೈ: ಹಿಂದಿ ಕಿರುತೆರೆ ನಾಯಕಿ ಹಾಗೂ ಬಾಲಿವುಡ್​ ನಟಿ ಮೌನಿ ರಾಯ್​ ಅವರು ತಮ್ಮ ಪತಿ ಸೂರಜ್​ ನಂಬಿಯಾರ್​ ಜೊತೆ ವಿಚ್ಛೇದನ (Mouni Roy on Divorce) ಪಡೆಯಲಿದ್ದಾರೆ ಎಂಬ ವದಂತಿ ಸೋಷಿಯಲ್​ ಮೀಡಿಯಾನಲ್ಲಿ ಹಡಿದಾಡುತ್ತಿದೆ.

ಇನ್​ಸ್ಟಾಗ್ರಾಮ್​ನಲ್ಲಿ ಮೌನಿ ಹಾಗೂ ಸೂರಜ್​ ಅನ್​ಫಾಲೋ ಮಾಡಿಕೊಂಡ ಬೆನ್ನಲ್ಲೆ ಈ ವದಂತಿ ಹಬ್ಬಿದ್ದು, ಈಗ ಈ ಕುರಿತು ಮೌನಿ ಮೌನ ಮುರಿದ್ದಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ತನ್ನ ವೈಯಕ್ತಿಕ ಜೀವನದ ಕುರಿತು ಚರ್ಚೆ ನಡೆಯುತ್ತಿದೆ ಎಂದು ತಿಳಿದ ನಟಿ, ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ, ದಯವಿಟ್ಟು ನನ್ನ ಖಾಸಗಿ ಜೀವನದ ಕುರಿತು ತಪ್ಪಾದ ನೀತಿ-ನಿರೂಪಣೆ ನೀಡಬೇಡಿ, ನನ್ನ ಖಾಸಗಿ ಜೀವನವನ್ನ ಗೌರವಿಸಿ, ನಮ್ಮ ಖಾಸಗಿತನಕ್ಕೆ ಸ್ವಲ್ಪ ಜಾಗಕೊಡಿ ಎಂದು ಬರೆದುಕೊಂಡಿದ್ದಾರೆ.

ಬಾಲಿವುಡ್​ ನಟಿ, ಕಿರುತೆರೆ ಕ್ವಿನ್​ ಮೌನ್​ ರಾಯ್​ 2022 ರಲ್ಲಿ ಉದ್ಯಮಿ ಸೂರಜ್​ ನಂಬಿಯಾರ್​ ಜೊತೆ ಗೋವಾದಲ್ಲಿ ಅದ್ದೂರಿಯಾಗಿ ಮದುವೆಯಾಗಿದ್ದರು. ಮೌನಿ ರಾಯ್​ ಬಂಗಾಳದವರಾಗಿದ್ದು, ಸೂರಜ್​ ಕೇರಳದವರಾಗಿದ್ದರಿಂದ ಇವರ ಮದುವೆ ಎರಡು ಸಂಪ್ರದಾಯಗಳ ಮಿಶ್ರಣದಲ್ಲಿ ಜರುಗಿತ್ತು.

ಮೌನಿ ರಾಯ್​ ಹಾಗೂ ಸೂರಜ್​ ನಂಬಿಯಾರ್​ ಒಬ್ಬರನೊಬ್ಬರು ಪ್ರೀತಿಸಿ ಮದುವೆಯಾಗಿದ್ದರು. ಆದರೆ ಕೆಲ ದಿನಗಳ ಹಿಂದೆ ಇವರು ಒಬ್ಬರನ್ನೊಬ್ಬರು ಇನ್​ಸ್ಟಾಗ್ರಾಮ್​ನಲ್ಲಿ ಅನ್​ಫಾಲೋ ಮಾಡಿಕೊಂಡಿದ್ದಾರೆ.