ನಾಯಕತ್ವ ಎಂದ್ರೆ ಅಬ್ಬರ, ಹೊಡೆದಾಟವಲ್ಲ... 'ಧುರಂಧರ್' ಚಿತ್ರಕ್ಕೆ ಟಾಂಗ್​ ಕೊಟ್ರಾ ನಟ ಕಾರ್ತಿಕ್ ಆರ್ಯನ್​..!

ಆದರೆ, ಬಾಲಿವುಡ್​ ಚಿತ್ರರಂಗದಲ್ಲಿ ಸದ್ಯ ತೀವ್ರ ಚರ್ಚೆಗೆ ಗ್ರಾಸವಾಗಿರುವ ವಿಷಯವೆಂದರೆ ನಟ ಕಾರ್ತಿಕ್ ಆರ್ಯನ್​ ಅವರು ಹಂಚಿಕೊಂಡಿರುವ ಒಂದು ಪೋಸ್ಟ್. ಇತ್ತೀಚೆಗೆ ಬಿಡುಗಡೆಯಾಗಿ ಸದ್ದು ಮಾಡುತ್ತಿರುವ 'ಧುರಂಧರ' (Durandhar) ಚಿತ್ರದ ಟ್ರೈಲರ್ ಮತ್ತು ಅದರಲ್ಲಿನ 'ಹೈಪರ್ ಮ್ಯಾಸ್ಕುಲಿನಿಟಿ' (Hypermasculinity) ಅಂಶಗಳ ಬಗ್ಗೆ ಕಾರ್ತಿಕ್ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಸಿನಿಮಾ ಜಗತ್ತಿನಲ್ಲಿ ನಾಯಕತ್ವದ ಪರಿಕಲ್ಪನೆ ಬದಲಾಗುತ್ತಿದೆ. ಆದರೆ ಕೆಲವು ಚಿತ್ರಗಳು ಇಂದಿಗೂ ಅತಿಯಾದ ಪುರುಷತ್ವವನ್ನು (Toxic Masculinity) ವೈಭವೀಕರಿಸುತ್ತಿವೆ ಎಂಬ ಟೀಕೆಗಳು ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬರುತ್ತಿವೆ. ಇದೇ ಹೊತ್ತಿನಲ್ಲಿ ಕಾರ್ತಿಕ್ ಅವರು, ನಿಜವಾದ ನಾಯಕತ್ವ ಎಂದರೆ ಕೇವಲ ಅಬ್ಬರ ಅಥವಾ ಹೊಡೆದಾಟವಲ್ಲ, ಅದರಲ್ಲಿ ಸಂವೇದನೆ ಇರಬೇಕು ಎಂಬ ಆಶಯದ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದಾರೆ. ಇದು ನೇರವಾಗಿ 'ಧುರಂಧರ' ಚಿತ್ರತಂಡಕ್ಕೆ ನೀಡಿದ ಟಾಂಗ್ ಎಂದು ನೆಟ್ಟಿಗರು ವಿಶ್ಲೇಷಿಸುತ್ತಿದ್ದಾರೆ.

'ಧುರಂಧರ' ಚಿತ್ರದ ಟ್ರೈಲರ್ ಆಕ್ಷನ್ ಪ್ರಿಯರಿಗೆ ಇಷ್ಟವಾಗಿದ್ದರೂ, ಒಂದು ವರ್ಗದ ಪ್ರೇಕ್ಷಕರು ಅದರಲ್ಲಿನ ಕೆಲವು ಸಂಭಾಷಣೆಗಳು ಮತ್ತು ಪ್ರವೃತ್ತಿ ಅತಿಯಾಯಿತು ಎಂದು ಅಭಿಪ್ರಾಯಪಟ್ಟಿದ್ದರು. ಕಾರ್ತಿಕ್ ಅವರ ಈ ಪೋಸ್ಟ್ ಬೆಂಕಿಗೆ ತುಪ್ಪ ಸುರಿದಂತಾಗಿದ್ದು, ಫ್ಯಾನ್ ವಾರ್‌ಗೆ ಕಾರಣವಾಗಿದೆ.

ಕಾರ್ತಿಕ್ ಬೆಂಬಲಿಗರು "ಇಂದಿನ ಕಾಲಕ್ಕೆ ಬೇಕಾಗಿರುವುದು ಮರ್ಯಾದಸ್ಥ ನಾಯಕತ್ವ" ಎನ್ನುತ್ತಿದ್ದರೆ, ಸಿನಿಮಾ ತಂಡದ ಅಭಿಮಾನಿಗಳು "ಇದು ಕೇವಲ ಸಿನಿಮಾ ಅಷ್ಟೇ, ಅದನ್ನು ಮನರಂಜನೆಯಾಗಿ ನೋಡಬೇಕು" ಎಂದು ವಾದಿಸುತ್ತಿದ್ದಾರೆ ಎಂದು ಪರ-ವಿರೋಧ ಚರ್ಚೆ ನಡೆಯುತ್ತಿದೆ.

ಕಾರ್ತಿಕ್ ಅವರು ಯಾವುದೇ ಚಿತ್ರದ ಹೆಸರನ್ನು ನೇರವಾಗಿ ಉಲ್ಲೇಖಿಸಿಲ್ಲವಾದರೂ, ಸಮಯ ಸಂದರ್ಭಗಳನ್ನು ಗಮನಿಸಿದರೆ ಇದು 'ಧುರಂಧರ' ಚಿತ್ರದ ಮೇಲಿನ ವ್ಯಂಗ್ಯ ಎಂದೇ ಬಿಂಬಿತವಾಗುತ್ತಿದೆ,(ಏಜೆನ್ಸೀಸ್​).