ಬಾಲಿವುಡ್ ನಟ ಆಮೀರ್ ಖಾನ್​ಗೆ ಕರೊನಾ ಸೋಂಕು

ಮುಂಬೈ : ಬಾಲಿವುಡ್ ಸ್ಟಾರ್ ಆಮೀರ್ ಖಾನ್​ಗೆ ಕರೊನಾ ಪಾಸಿಟೀವ್ ಬಂದಿದ್ದು, ಅವರು ತಮ್ಮ ಮನೆಯಲ್ಲೇ ಸೆಲ್ಫ್​ ಕ್ವಾರಂಟೈನ್ ಮಾಡಿಕೊಂಡಿದ್ದಾರೆ. ಐವತ್ತಾರು ವರ್ಷದ ಹಿರಿಯ ನಟ ಖಾನ್ ಎಲ್ಲಾ ಪ್ರೊಟೊಕಾಲ್​ಗಳನ್ನೂ ಪಾಲಿಸುತ್ತಿದ್ದು, ಆರಾಮವಾಗಿದ್ದಾರೆ ಎಂದು ಅವರ ಮಾಧ್ಯಮ ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಖಾನ್​ಗೆ ಕರೊನಾ ಪರೀಕ್ಷೆಯಲ್ಲಿ ಸೋಂಕು ದೃಢಪಟ್ಟಿದ್ದು, ಕಳೆದ ಕೆಲವು ದಿನಗಳಲ್ಲಿ ಅವರೊಂದಿಗೆ ಸಂಪರ್ಕಕ್ಕೆ ಬಂದ ಜನರು ಮುನ್ನೆಚ್ಚರಿಕೆಯಾಗಿ ಪರೀಕ್ಷೆ ಮಾಡಿಸಿಕೊಳ್ಳಬೇಕಾಗಿ ಹೇಳಿದ್ದಾರೆ. ಹೆಚ್ಚಾಗಿ ಹೊರಗೆ ಕಾಣಿಸಿಕೊಳ್ಳದ ಆಮೀರ್ ಖಾನ್, ಈ ತಿಂಗಳ ಮೊದಲಲ್ಲಿ, ಮುಂಬೈನಲ್ಲಿ ಕೊಯಿ ಜಾನೆ ನಾ ಚಿತ್ರದ ಹಾಡಿನ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದರು. ಮತ್ತೆ ತಮ್ಮ ಮಗ ಜುನೈದ್ ಮತ್ತು ಮಗಳು ಇರಾ ಖಾನ್​ರೊಂದಿಗೆ ಬಾಂದ್ರಾದ ಕೆಫೆಯೊಂದರಲ್ಲಿ ಕಾಣಿಸಿಕೊಂಡಿದ್ದರು.

ಇದನ್ನೂ ಓದಿ: ಯಾರೀ ಮತ್ಸ್ಯಕನ್ಯೆ ? ಮತ್ತೊಮ್ಮೆ ನೋಡಿ…

ತಮ್ಮ ಜಗತ್ತಿನಲ್ಲೇ ಬದುಕುವ ರೂಢಿ ಇರುವ ಆಮೀರ್ ಖಾನ್, ಇತ್ತೀಚೆಗಷ್ಟೇ ತಮ್ಮ ಟ್ವಿಟರ್ ಮತ್ತು ಇನ್ಸ್​ಟಾಗ್ರಾಂ ವೈಯಕ್ತಿಕ ಖಾತೆಗಳನ್ನು ಡೆಲಿಟ್ ಮಾಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚಾಗಿ ಆ್ಯಕ್ಟೀವ್ ಆಗಿರದ ಕಾರಣ ಈ ನಿರ್ಧಾರ ತೆಗೆದುಕೊಂಡಿರುವುದಾಗಿ ಮಾರ್ಚ್ 14 ರಂದು ತಮ್ಮ ಹುಟ್ಟಿದಹಬ್ಬದ ಸಂದರ್ಭದಲ್ಲಿ ತಮ್ಮ ಅಭಿಮಾನಿಗಳಿಗೆ ಖಾನ್ ತಿಳಿಸಿದ್ದರು. (ಏಜೆನ್ಸೀಸ್)

https://www.vijayavani.net/watch-modi-saying-bangala-chaai-bjp-sarkar/

https://www.vijayavani.net/teacher-marries-13-year-old-tuition-student-to-get-rid-of-jathaka-dosha/

https://www.vijayavani.net/video-watch-vicky-kaushals-new-skill/