ಬೆಂಗಳೂರು: ಟೀಮ್ ಇಂಡಿಯಾ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಅತ್ಯುತ್ತಮ ಫಿಟ್ನೆಸ್ನಿಂದ ಈಗಾಗಲೆ ಗಮನ ಸೆಳೆದಿದ್ದಾರೆ. ಭಾನುವಾರ ಅವರು ಇನ್ಸ್ಟಾಗ್ರಾಂನಲ್ಲಿ ಪ್ರಕಟಿಸಿರುವ ಪುಶ್ಅಪ್ಗಳ ವರ್ಕೌಟ್ ವಿಡಿಯೋಗೆ ಬಾಲಿವುಡ್ ನಟಿಯರು ಕೂಡ ಬೌಲ್ಡ್ ಆಗಿದ್ದಾರೆ.
ಇದನ್ನೂ ಓದಿ: PHOTOS | ಅಪ್ಪನಿಗೆ ಥ್ಯಾಂಕ್ಸ್ ಹೇಳಿದ ಕ್ರೀಡಾತಾರೆಯರು
‘ಸ್ಟಾಂಗರ್, ಫಿಟ್ಟರ್. ಸ್ಟಿಲ್ ಅಂಡರ್ ಕನ್ಸ್ಟ್ರಕ್ಶನ್ ಕೃನಾಲ್ ಪಾಂಡ್ಯ ಭಾಯಿ ನಾನು ನಿನಗೆ ಸವಾಲೆಸೆಯುತ್ತಿದ್ದೇನೆ. ನೀನೆಷ್ಟು ಪುಶ್ಅಪ್ಗಳನ್ನು ಮಾಡುವೆ ನೋಡೋಣ’ ಎಂದು ಹಾರ್ದಿಕ್ ವಕೌಟ್ ವಿಡಿಯೋದ ಮೂಲಕ ಅಣ್ಣ ಕೃನಾಲ್ ಪಾಂಡ್ಯಗೆ ಸವಾಲೆಸೆದಿದ್ದಾರೆ. ಈ ಪೋಸ್ಟ್ಗೆ ಅವರ ಪತ್ನಿ ನತಾಶಾ ಸ್ಟಾಂಕೋವಿಕ್, ಬೈಸೆಪ್ಸ್ ಇಮೋಜಿ ಹಾಕಿದ್ದರೆ, ಬಾಲಿವುಡ್ ನಟಿಯರಾದ ಸೈಯಾಮಿ ಖೇರ್ ಮತ್ತು ಕರಿಷ್ಮಾ ಟನ್ನಾ ಕೂಡ ಕಮೆಂಟ್ಗಳನ್ನು ಹಾಕಿದ್ದಾರೆ.
ಇದನ್ನೂ ಓದಿ: PHOTOS | ಕ್ರೀಡಾತಾರೆಯರಿಂದ ಯೋಗ ದಿನಾಚರಣೆ
‘ಇದು ನಿಜಕ್ಕೂ ತಲೆಕೆಡಿಸುತ್ತಿದೆ’ ಎಂದು ಸೈಯಾಮಿ ಖೇರ್ ಕಮೆಂಟ್ ಹಾಕಿದ್ದರೆ, ‘ನೀವು ಹೇಗೆ ಇದನ್ನು ಮಾಡುತ್ತೀರಿ?’ ಎಂದು ಕರಿಷ್ಮಾ ಟನ್ನಾ ಪ್ರತಿಕ್ರಿಯಿಸಿದ್ದಾರೆ. 26 ವರ್ಷದ ಹಾರ್ದಿಕ್ ಅಪ್ಪನಾಗುತ್ತಿರುವ ಸುದ್ದಿಯನ್ನು ಕಳೆದ ತಿಂಗಳಷ್ಟೇ ಬಹಿರಂಗಪಡಿಸಿದ್ದರು.