Shilpa Shetty ಮಾಲೀಕತ್ವದ ರೆಸ್ಟೋರೆಂಟ್​ನ ಪಾರ್ಕಿಂಗ್​​ನಿಂದ 80 ಲಕ್ಷ ರೂ. ಮೌಲ್ಯದ BMW Z4 ಕಳವು

ಮುಂಬೈ: ಬಾಲಿವುಡ್​ ನಟಿ ಶಿಲ್ಪಾ ಶೆಟ್ಟಿ ( Shilpa Shetty ) ಅವರ  ಮಾಲೀಕತ್ವದ ಬಾಸ್ಟಿಯನ್ ರೆಸ್ಟೋರೆಂಟ್​​​ನ ಪಾರ್ಕಿಂಗ್ ಸ್ಥಳದಲ್ಲಿ 80 ಲಕ್ಷ ರೂ. ಮೌಲ್ಯದ BMW Z4 ಕಾರು ಕಳವಾಗಿದೆ.  ದಾದರ್‌ನಲ್ಲಿರುವ ರೆಸ್ಟೋರೆಂಟ್‌ನಲ್ಲಿ ಈ ಘಟನೆ ನಡೆದಿದೆ.

ಶಿಲ್ಪಾ ಶೆಟ್ಟಿ ಅವರ ರೆಸ್ಟೋರೆಂಟ್ ಬಾಸ್ಟಿಯನ್‌ನ ಪಾರ್ಕಿಂಗ್​ನಿಂದ ಕಾರು ಕಳ್ಳತನವಾಗಿದೆ. ಈ ಬಿಎಂಡಬ್ಲ್ಯು ಕಾರು ತನ್ನ ಸ್ನೇಹಿತರೊಂದಿಗೆ ರೆಸ್ಟೋರೆಂಟ್‌ಗೆ ಬಂದಿದ್ದ ವ್ಯಕ್ತಿಗೆ ಸೇರಿದ್ದಾಗಿದೆ. 80 ಲಕ್ಷ ರೂ. ಮೌಲ್ಯದ ಐಷಾರಾಮಿ ಎರಡು ಆಸನಗಳ ಕನ್ವರ್ಟಿಬಲ್ BMW Z4 ಅನ್ನು ಕಾರ್ ಕಟ್ಟಡದ ಪಾರ್ಕಿಂಗ್ ಸ್ಥಳದಿಂದ ಕಳವು ಮಾಡಲಾಗಿದೆ. ಕಳ್ಳತನವಾಗಿರುವ ಬಗ್ಗೆ ಕಾರಿನ ಮಾಲೀಕನಿಗೆ ತಿಳಿದ ತಕ್ಷಣ ಅವರು ಶಿವಾಜಿ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ.

ಕಾರಿನ ಮಾಲೀಕ ಬಾಂದ್ರಾ ಮೂಲದ ಉದ್ಯಮಿ ರುಹಾನ್ ಫಿರೋಜ್ ಖಾನ್ (34) ತನ್ನ ಇಬ್ಬರು ಸ್ನೇಹಿತರೊಂದಿಗೆ ಬೆಳಗಿನ ಜಾವ 1 ಗಂಟೆ ಸುಮಾರಿಗೆ ಬಾಸ್ಟಿಯನ್ ತಲುಪಿ ತನ್ನ ಕಾರಿನ ಕೀಗಳನ್ನು ರೆಸ್ಟೋರೆಂಟ್‌ನಲ್ಲಿ ಕೆಲಸ ಮಾಡುವ ವ್ಯಾಲೆಟ್‌ಗೆ ಹಸ್ತಾಂತರಿಸಿದರು. ರೆಸ್ಟೋರೆಂಟ್ ಮುಚ್ಚಿದ ನಂತರ, ರುಹಾನ್ ತನ್ನ ಕಾರನ್ನು ಪಾರ್ಕಿಂಗ್ ಸಿಬ್ಬಂದಿಯಿಂದ ಹಿಂತಿರುಗಿಸಲು ಕೇಳಿದನು, ಆದರೆ ಕಾರು ಕಾಣೆಯಾಗಿರುವುದನ್ನು ಕಂಡು ಆಘಾತಕ್ಕೊಳಗಾದನು. ಸಿಸಿಟಿವಿ ದೃಶ್ಯಾವಳಿಗಳು ಪರಿಶೀಲಿಸಿದ ನಂತರ  ಅಪರಿಚಿತ ವ್ಯಕ್ತಿ BMW ಅನ್ನು ಕದ್ದಿದ್ದಾರೆ ಎಂದು ದೃಢಪಟ್ಟಿದೆ.

ರುಹಾನ್ ಅವರ ದೂರಿನ ನಂತರ, ಶಿವಾಜಿ ಪಾರ್ಕ್ ಪೊಲೀಸರು ಶಂಕಿತರ ವಿರುದ್ಧ   2023 ರ ಸೆಕ್ಷನ್ 303 (2) (ಕಳ್ಳತನಕ್ಕೆ ಶಿಕ್ಷೆ) ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಅಪರಾಧಿಗಳನ್ನು ಗುರುತಿಸಲು ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದಾರೆ. 

https://www.vijayavani.net/vastu-shastra-would-you-hang-this-on-your-door