ತ್ರಿಪುರಾದಲ್ಲಿ ಬಿಜೆಪಿಗೆ ಭಾರೀ ಜಯ; 100% ವಶವಾದ ಅಗರ್ತಲ ನಗರಪಾಲಿಕೆ

ಅಗರ್ತಲ: ತ್ರಿಪುರಾದ ರಾಜಧಾನಿ ಅಗರ್ತಲ ನಗರಪಾಲಿಕೆ ಜತೆ ರಾಜ್ಯದ ಇತರ 13 ನಗರಪಾಲಿಕೆಗಳು ಮತ್ತು ನಗರ ಪಂಚಾಯತ್​ಗಳಿಗೆ ನಡೆದ ಚುನಾವಣೆಯಲ್ಲಿ ಭಾರತೀಯ ಜನತಾ ಪಕ್ಷ(ಬಿಜೆಪಿ) ಭಾರೀ ವಿಜಯ ಸಾಧಿಸಿದೆ. ಕೇವಲ ಒಂದು ಸೀಟನ್ನು ಮಾತ್ರ ಗೆದ್ದಿರುವ ತೃಣಮೂಲ ಕಾಂಗ್ರೆಸ್​​ಗೆ ಭಾರೀ ನಿರಾಸೆ ಉಂಟಾಗಿದೆ.

ಇಂದು ರಾಜ್ಯದ 8 ಜಿಲ್ಲೆಗಳ 13 ಕೇಂದ್ರಗಳಲ್ಲಿ ಮತ ಎಣಿಕೆ ನಡೆದಿದ್ದು, ಚುನಾವಣೆ ನಡೆದ 222 ಸೀಟುಗಳಲ್ಲಿ 217 ಸೀಟುಗಳು ಬಿಜೆಪಿ ಪಾಲಾದವು. ಸಿಪಿಐ(ಎಂ) 3 ಸೀಟು ಗೆದ್ದರೆ, ಎಐಟಿಸಿ 1 ಸೀಟು ಗೆದ್ದಿತು. ತಿಪ್ರ ಮೋಥಾ ಮತ್ತೊಂದು ಸೀಟು ಗೆದ್ದಿತು. ಇದರೊಂದಿಗೆ ಇನ್ನೂ 112 ಸೀಟುಗಳಲ್ಲಿ ಬಿಜೆಪಿ ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾದರು.

ಇದನ್ನೂ ಓದಿ: 9 ವರ್ಷಗಳ ನಂತರ ಜಾತಿ ನೆನಪಾಯ್ತಾ? ಎರಡನೇ ಮದ್ವೇಗೆ ಸಜ್ಜಾದವನ ವಿರುದ್ಧ ಪತ್ನಿ ದೂರ

ಹೀಗೆ ರಾಜ್ಯದ ಒಟ್ಟು 329 ಸೀಟುಗಳು ಬಿಜೆಪಿ ತೆಕ್ಕೆಗೆ ಬಿದ್ದರೆ, ಅಗರ್ತಲಾ ನಗರಪಾಲಿಕೆಯ 51 ವಾರ್ಡ್​ಗಳಲ್ಲಿ 51 ವಾರ್ಡ್​ಗಳೂ ಬಿಜೆಪಿಗೆ ದಕ್ಕಿದ್ದು ವಿಶೇಷವಾಗಿದೆ. ತ್ರಿಪುರಾ ಸ್ಟೇಟ್​ ರೈಫಲ್ಸ್​ ಮತ್ತು ಸೆಂಟ್ರಲ್​ ಪೊಲೀಸ್ ಪಡೆಯನ್ನು ಈ ಸಮಯದಲ್ಲಿ ಹೆಚ್ಚಿನ ಭದ್ರತೆಗಾಗಿ ನಿಯೋಜಿಸಲಾಗಿತ್ತು. (ಏಜೆನ್ಸೀಸ್​)

https://www.vijayavani.net/capturing-history-countdown-begins-for-83-movies-trailer/

https://www.vijayavani.net/man-climbs-up-the-roof-to-avoid-vaccination/