ಪ್ರತಿ ವಿಧಾನಸಭಾ ಕ್ಷೇತ್ರದ ತಲಾ 70 ಅಂಗವಿಕಲರಿಗೆ ಕೃತಕ ಸಾಧನಗಳ ವಿತರಣೆ, ನಗರ-ಪಟ್ಟಣಗಳ ಸಾರ್ವಜನಿಕ ಸ್ಥಳಗಳಲ್ಲಿ ಸ್ವಚ್ಚತಾ ಕಾರ್ಯಕ್ರಮ ಆಯೋಜಿಸಲಾಗುತ್ತಿದೆ. ಪ್ರತಿ ಜಿಲ್ಲೆಯ ತಲಾ 70 ಬಡ ಪುರುಷ ಮತ್ತು ಮಹಿಳೆಯರಿಗೆ ಕನ್ನಡಕ ವಿತರಿಸಲಾಗುತ್ತದೆ. ವೃಕ್ಷಾಪರೋಹಣ ನಿಮಿತ್ತ ಸಸಿ ನೆಡುವ ಕಾರ್ಯಕ್ರಮಗಳು ನಡೆಯಲಿವೆ. 70 ಆಸ್ಪತ್ರೆಗಳಲ್ಲಿ ರೋಗಿಗಳಿಗೆ ಹಣ್ಣು-ಬ್ರೆಡ್ ಹಂಚಿಕೆ, 70 ಜನರಿಂದ ಪ್ಲಾಸ್ಮಾ ದಾನ, ಯುವ ಮೋರ್ಚಾದಿಂದ ಪ್ರತಿ ಜಿಲ್ಲೆಗೆ 2ರಂತೆ 70 ಸ್ಥಳಗಳಲ್ಲಿ ರಕ್ತದಾನ ಉಚಿತ ಶಿಬಿರ. ಅಲ್ಲದೆ, ಪ್ರತಿ ಜಿಲ್ಲೆಯ 70 ಹಳ್ಳಿಗಳನ್ನು ಪ್ಲಾಸ್ಟಿಕ್ ಮುಕ್ತವನ್ನಾಗಿ ಮಾಡಲು ಜನ ಜಾಗೃತಿ ಅಭಿಯಾನ ಏರ್ಪಡಿಸಲಾಗಿದೆ. ದೇಶದ 70 ಸ್ಥಳಗಳಲ್ಲಿ ನಡೆಯಲಿರುವ ವರ್ಚುವಲ್ ರ್ಯಾಲಿಗಳ ಪೈಕಿ ರಾಜ್ಯದ ಪಾಲಿಗೆ 2 ಲಭಿಸಿದೆ.
