3 ನಿಮಿಷದಲ್ಲಿ ಮೂರೂವರೆ ಕೆಜಿ ಮೊಸರು ತಿಂದು ದಾಖಲೆ!

ಪಟನಾ: ಬಿಹಾರ ರಾಜಧಾನಿ ಪಟನಾದಲ್ಲಿ ನಿನ್ನೆ (ಜ.20) ಮೊಸರು ತಿನ್ನುವ ವಿಶೇಷ ಸ್ಪರ್ಧೆ ಆಯೋಜಿಸಲಾಗಿತ್ತು. ಈ ವೇಳೆ ವ್ಯಕ್ತಿಯೊಬ್ಬ ಕೇವಲ 3 ನಿಮಿಷಗಳಲ್ಲಿ 3.5 ಕೆಜಿ ಮೊಸರು ತಿನ್ನುವ ಮೂಲಕ ದಾಖಲೆ ಬರೆದಿದ್ದಾನೆ.

ಕಳೆದ 10 ವರ್ಷದಿಂದ ಈ ಸ್ಪರ್ಧೆಯನ್ನು ಆಯೋಜನೆ ಮಾಡಿಕೊಂಡ ಬರಲಾಗಿದೆ. ಮಹಿಳೆಯರು, ಪುರುಷರು ಹಾಗೂ ಹಿರಿಯ ನಾಗರಿಕರು ಎಂದು ಮೂರು ವಿಭಾಗಗಳಲ್ಲಿ ಸ್ಪರ್ಧೆ ಆಯೋಜಿಸಲಾಗುತ್ತದೆ. ಮೊಸರಿನಲ್ಲಿರುವ ಆರೋಗ್ಯದ ಲಾಭವನ್ನು ಪ್ರಚಾರ ಮಾಡುವ ಉದ್ದೇಶದಿಂದ ಬಿಹಾರದ ಸುಧಾ ಡೈರಿ ಈ ಸ್ಪರ್ಧೆಯನ್ನು ನಡೆಸುತ್ತಾ ಬಂದಿದೆ.

ಬಿಹಾರದ ಬಾರ್ಹ್​ ಮೂಲದ ನಿವಾಸಿ ಅಜಯ್​ ಕುಮಾರ್​ ಎಂಬುವರು 3 ನಿಮಿಷಗಳಲ್ಲಿ 3 ಕೆಜಿ 420 ಗ್ರಾಂ ಮೊಸರು ತಿನ್ನುವ ಮೂಲಕ ಮೊದಲ ಸ್ಥಾನವನ್ನು ಗಳಿಸಿದರು. ಮಹಿಳೆಯರ ವಿಭಾಗದಲ್ಲಿ ಪಟನಾ ಮೂಲದ ಪ್ರೇಮಾ ತಿವಾರಿ ಎಂಬುವರು ಅದೇ ಸಮಯದಲ್ಲಿ 2 ಕೆಜಿ 718 ಗ್ರಾಂ ಮೊಸರು ತಿನ್ನುವ ಮೂಲಕ ಮೊದಲ ಸ್ಥಾನ ಪಡೆದರು.

ಹಿರಿಯ ನಾಗರಿಕರ ವಿಭಾಗದಲ್ಲಿ ಹಾಲಿ ಚಾಂಪಿಯನ್​ ಆಗಿರುವ ಶಂಕರ್​ ಕಾಂತ್​ ಎಂಬುವರು 3 ನಿಮಿಷದಲ್ಲಿ 3 ಕೆಜಿ 647 ಗ್ರಾಂ ಮೊಸರು ತಿನ್ನುವ ಮೂಲಕ ದಾಖಲೆ ಬರೆದರು. ಮೂವರು ವಿಜೇತರಿಗೆ ಬಹುಮಾನವನ್ನು ವಿತರಿಸಲಾಯಿತು. ‘

ಕಳೆದ ವರ್ಷ ಶಂಕರ್​ ಕಾಂತ್​ ಅವರು 4 ಕೆಜಿ ಮೊಸರು ತಿಂದಿದ್ದರು. ಈ ಬಾರಿ 500 ಮಂದಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. (ಏಜೆನ್ಸೀಸ್​)

https://www.vijayavani.net/dirty-lies-delhi-women-panels-head-slams-bjps-fake-sting-charge/

https://www.vijayavani.net/siddhaganga-math-dr-shivakumar-swamijis/

https://www.vijayavani.net/give-me-the-ticket-of-pathaan-movie-otherwise-i-will-ends-my-life-shah-rukh-fan-appeal/