Bigg Boss ಮನೆಯಲ್ಲಿರುವಾಗಲೇ ಸ್ಫರ್ಧಿಗೆ ಹೃದಯಾಘಾತ

ಹೈದರಾಬಾದ್​: ತೆಲುಗು ಕಿರುತೆರೆಯ ಪ್ರಖ್ಯಾತ ರಿಯಾಲಿಟಿ ಶೋ ಬಿಗ್​ಬಾಸ್​ (Bigg Boss) ಆರಂಭವಾಗಿ ವಾರಗಳೇ ಕಳೆದಿದ್ದು, ದಿನ ಕಳೆದಂತೆ ಕಾರ್ಯಕ್ರಮದ ಕುರಿತಾಗಿ ರೋಷಕತೆ ಹೆಚ್ಚಾಗುತ್ತಿದೆ. ಖ್ಯಾತ ನಟ ಅಕ್ಕಿನೇನಿ ನಾಗಾರ್ಜುನ (Akkineni Nagarjuna) ಈ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದು, ತೆಲುಗು ಪ್ರೇಕ್ಷಕರಿಗೆ ಮನರಂಜನೆ (Entertainment) ನೀಡುವಲ್ಲಿ ಮಾತ್ರ ವಿಫಲವಾಗಿಲ್ಲ.

ಕಾರ್ಯಕ್ರಮ ಶುರುವಾಗಿ ವಾರಗಳು ಕಳೆದಿದ್ದು, ಇದೀಗ ಮನೆಗೆ ವೈಲ್ಡ್​ಕಾರ್ಡ್​ ಮೂಲಕ ಹೊಸ ಸ್ಫರ್ಧಿಗಳು ಎಂಟ್ರಿ ಕೊಡುತ್ತಿದ್ದಾರೆ. ಈ ಪೈಕಿ ಖ್ಯಾತ ಯೂಟ್ಯೂಬರ್​ ಗಂಗವ್ವ (Gangavva) ಕೂಡ ಮನೆಗೆ ಎಂಟ್ರಿ ನೀಡಿದ್ದು, ಜನರಿಗೆ ಮನರಂಜನೆ ನೀಡುವ ಮೂಲಕ ತಮ್ಮ ಖ್ಯಾತಿಯನ್ನು ಹೆಚ್ಚಿಸಿಕೊಂಡಿದ್ದಾರೆ.

ಬಯಸ್ಸು 60 ದಾಟಿದರೂ ಮನೆಯಲ್ಲಿರುವ ಸ್ಫರ್ಧಿಗಳಿಗೆ ಟಫ್​ ಫೈಟ್​ ಕೊಡುವ ಮೂಲಕ ತಾವು ಯಾರಿಗೂ ಕಮ್ಮಿ ಇಲ್ಲ ಎಂದು ನಿರೂಪಿಸಿರುವ ಗಂಗವ್ವ ಅವರಿಗೆ ಹೃದಯಘಾತವಾಗಿದೆ (Heart Attack)  ಎಂಬ ಸುದ್ದಿ ಹೊರಬಿದ್ದಿದೆ. ಬಿಗ್​ಬಾಸ್​ (Bigg Boss) ಮನೆಯಲ್ಲಿರುವಾಗಲೇ ಈ ಘಟನೆ ನಡೆದಿದ್ದು, ತಕ್ಷಣವೇ ಅವರಿಗೆ ವೈದ್ಯಕೀಯ ನೆರವನ್ನು ಒದಗಿಸಲಾಗಿದೆ. ಸದ್ಯ ಅವರು ಪ್ರಾಣಪಾಯದಿಂದ ಪಾರಾಗಿದ್ದು, ವೈದ್ಯರ ನಿಗಾದಲ್ಲಿದ್ದಾರೆ ಎಂದು ವರದಿಯಾಗಿದೆ.

https://www.vijayavani.net/pm-narendra-modi-holds-talks-with-russian-president-vladimir-putin-in-kazan-on-margins-of-brics-summit

https://www.vijayavani.net/lawrence-bishnoi-to-contest-maharashtra-elections-2024-gangster-gets-request-from-this-political-party