ಬೆಂಗಳೂರು: ಆರಂಭದಿಂದಲೂ ಕುತೂಹಲ ಕೆರಳಿಸಿಕೊಂಡು ಬಂದಿರುವ ಬಿಗ್ಬಾಸ್ ಒಟಿಟಿ ಇಂದು ರಾತ್ರಿ ಕಳೆಗಟ್ಟುವ ಲಕ್ಷಣಗಳು ಕಾಣಿಸುತ್ತಿವೆ. ಅದಕ್ಕೆ ಪ್ರಮುಖ ಕಾರಣವಾಗಿರುವುದು ಬೆಡ್ರೂಮ್ ವಿಷಯ. ಇಂಥದ್ದೊಂದು ವಿಚಾರವನ್ನು ಬಿಗ್ಬಾಸ್ ಆಯೋಜಕರೇ ಮುನ್ನೆಲೆಗೆ ಬಿಟ್ಟುಬಿಟ್ಟಿದ್ದಾರೆ.
ಬಿಗ್ಬಾಸ್ನಲ್ಲಿ ಪುರುಷ-ಮಹಿಳೆಯ ಜೋಡಿಯ ಅತಿರೇಕ ಎನಿಸುವಂಥ ವರ್ತನೆಗಳು ಇರುವುದು, ಅದೇ ಬಹಳಷ್ಟು ಚರ್ಚೆಗೆ ಒಳಗಾಗುವುದು ಮುಂತಾದವೆಲ್ಲ ಹೊಸದೇನಲ್ಲ. ಈ ಹಿಂದಿನ ಎಪಿಸೋಡ್ಗಳಲ್ಲಿ ಇವೆಲ್ಲ ಕಂಡುಬಂದಿರುವಂಥದ್ದೇ ಆಗಿವೆ. ಅದನ್ನೆಲ್ಲ ನೆನಪಿಸುವ ರೀತಿಯಲ್ಲಿ ಮತ್ತಷ್ಟು ಸೀನ್ಗಳು ಕ್ರಿಯೇಟ್ ಆಗಲಿವೆಯಾ ಎಂಬುದು ಇದೀಗ ಬಿಗ್ಬಾಸ್ ಪ್ರಿಯರ ಕುತೂಹಲ ಕೆರಳಿಸಿದೆ.
ಏಕೆಂದರೆ, ಬಿಗ್ಬಾಸ್ಗೆ ಸಂಬಂಧಿಸಿದಂತೆ ಅಧಿಕೃತ ಪೋಸ್ಟರ್ವೊಂದು ಹರಿದಾಡುತ್ತಿದ್ದು, ಅದರಲ್ಲಿ ‘ಇಂದು ರಾತ್ರಿ ಬೆಡ್ರೂಮ್ನಲ್ಲಿ ಮಲಗಲು ಯಾರಿಗೆ ಅವಕಾಶ ಸಿಗಬೇಕು?’ ಎಂಬ ಸಾಲೊಂದು ಉಲ್ಲೇಖವಾಗಿದೆ. ಮಾತ್ರವಲ್ಲ, ಬಿಗ್ಬಾಸ್ನ 8 ಸ್ಪರ್ಧಿಗಳ ಚಿತ್ರಗಳನ್ನೂ ಅದರಲ್ಲಿ ಮುದ್ರಿಸಲಾಗಿದೆ. ಆದರೆ ಬಿಗ್ಬಾಸ್ ಬೆಡ್ರೂಮ್ನಲ್ಲಿ ಯಾರ್ಯಾರು ಅಥವಾ ಎಷ್ಟು ಮಂದಿ ಮಲಗಲಿದ್ದಾರೆ ಎಂಬುದು ಇನ್ನೂ ಗುಟ್ಟಾಗಿ ಉಳಿದಿದ್ದು, ಈ ರಾತ್ರಿಯ ಎಪಿಸೋಡ್ ಕುರಿತ ಕುತೂಹಲವನ್ನು ಹೆಚ್ಚಿಸಿದೆ ಎನ್ನಲಾಗುತ್ತಿದೆ.
ಫ್ಲೈಓವರ್ನಿಂದ ಹಳ್ಳಕ್ಕೆ ಬಿದ್ದ ಕಾರು; ಮೂವರ ಸ್ಥಿತಿ ಚಿಂತಾಜನಕ, ನಾಲ್ವರಿಗೆ ಗಂಭೀರ ಗಾಯ..