14 ದೇಶಗಳಿಗೆ ಟ್ರಂಪ್​ ಸುಂಕ! ಭಾರತದೊಂದಿಗೆ 'ಬಿಗ್ ಡೀಲ್' ಒಪ್ಪಂದ ಸನ್ನಿಹಿತ: ಅಮೆರಿಕ ಅಧ್ಯಕ್ಷ | Trump

Trump Tariffs: ಇರಾನ್ ಮತ್ತು ಇಸ್ರೇಲ್ ನಡುವಿನ ಕದನ ವಿರಾಮ ಬೆನ್ನಲ್ಲೇ ಭಾರತದೊಂದಿಗೆ ದೊಡ್ಡ ವ್ಯಾಪಾರ ಒಪ್ಪಂದ ಮಾಡಿಕೊಳ್ಳುವುದಾಗಿ ಹೇಳಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, 14 ದೇಶಗಳಿಗೆ ಸುಂಕ ವಿಧಿಸಿದ ಬಳಿಕ ಈ ವಿಷಯವನ್ನು ಮತ್ತೊಮ್ಮೆ ಮುನ್ನೆಲೆಗೆ ತಂದಿದ್ದಾರೆ.

ಇದನ್ನೂ ಓದಿ: ಜಿಲ್ಲಾ ಗ್ಯಾರಂಟಿ ಅನುಷ್ಟಾನ ಪ್ರಾಧಿಕಾರದ ಸಮಿತಿಯ ಸದಸ್ಯರಿಂದ ಮುಂಡರಗಿ ಬಸ್ ನಿಲ್ದಾಣ ಪರಿಶೀಲನೆ

ಭಾರತ ಮತ್ತು ಅಮೆರಿಕ ದೇಶಗಳ ವ್ಯಾಪಾರ ಒಪ್ಪಂದವು ಮತ್ತಷ್ಟು ಸನ್ನಿಹಿತ ಎಂದು ಟ್ರಂಪ್​ ಹೇಳಿದ್ದು, 14 ದೇಶಗಳಿಗೆ ಸುಂಕ ಪತ್ರಗಳನ್ನು ಕಳುಹಿಸಿದ ಬೆನ್ನಲ್ಲೇ ಈ ಕುತೂಹಲಕಾರಿ ಹೇಳಿಕೆಗಳು ಹೊರಬಿದ್ದಿವೆ. ಟ್ರಂಪ್ ಇತ್ತೀಚೆಗೆ ಇಸ್ರೇಲ್ ಅಧ್ಯಕ್ಷ ಬೆಂಜಮಿನ್ ನೆತನ್ಯಾಹು ಅವರೊಂದಿಗಿನ ಖಾಸಗಿ ಭೋಜನಕೂಟದ ಸಂದರ್ಭದಲ್ಲಿ ಭಾರತದ ವ್ಯಾಪಾರ ಒಪ್ಪಂದದ ಕುರಿತು ಪ್ರತಿಕ್ರಿಯಿಸಿದ್ದಾರೆ.

"ನಾವು ಭಾರತದೊಂದಿಗೆ ಉತ್ತಮ ಒಪ್ಪಂದ ಮಾಡಿಕೊಳ್ಳಲಿದ್ದೇವೆ. ಇದು ಬಹಳ ವಿಶೇಷವಾದ ಒಪ್ಪಂದವಾಗಲಿದೆ. ಯುಕೆ ಮತ್ತು ಚೀನಾದೊಂದಿಗೆ ಈಗಾಗಲೇ ಒಪ್ಪಂದಗಳನ್ನು ಮಾಡಿಕೊಳ್ಳಲಾಗಿದೆ. ಇತರ ದೇಶಗಳು ಅಮೆರಿಕದ ನಿಯಮಗಳಿಗೆ ಒಪ್ಪದಿದ್ದರೆ, ಅವರು ಸುಂಕಗಳನ್ನು ಪಾವತಿಸಬೇಕಾಗುತ್ತದೆ. ಒಪ್ಪಂದಕ್ಕೆ ಸಹಿ ಹಾಕದವರು ಎಷ್ಟು ಸುಂಕವನ್ನು ಪಾವತಿಸಬೇಕಾಗುತ್ತದೆ ಎಂಬುದನ್ನು ಪತ್ರದ ಮೂಲಕ ತಿಳಿಸಲಾಗುವುದು ಎಂದು ಟ್ರಂಪ್ ಹೇಳಿದ್ದಾರೆ.

ಒಪ್ಪಂದದಿಂದ ಭಾರತಕ್ಕೇನು ಪ್ರಯೋಜನ?

• ಮಾರುಕಟ್ಟೆ ಪ್ರವೇಶ: ಭಾರತೀಯ ಉತ್ಪನ್ನಗಳಿಗೆ ಯುಎಸ್ ಮಾರುಕಟ್ಟೆಗೆ ರಫ್ತು ಅವಕಾಶಗಳು ಹೆಚ್ಚಳ.
• ಕಡಿಮೆ ಆಮದು ಸುಂಕ: ಭಾರತಕ್ಕೆ ಸರಕುಗಳನ್ನು ಆಮದು ಮಾಡಿಕೊಳ್ಳುವ ವೆಚ್ಚ ಕುಸಿತ.
• ತಂತ್ರಜ್ಞಾನ ವರ್ಗಾವಣೆ: ಮೂಲಸೌಕರ್ಯ ಮತ್ತು ಹೈಟೆಕ್ ವಲಯಗಳಲ್ಲಿ ಪಾಲುದಾರಿಕೆಗಳ ಸುಧಾರಣೆ.
• ಭದ್ರತಾ ಸಹಕಾರ: ಕಾರ್ಯತಂತ್ರದ ಮೈತ್ರಿ ಬಲಗೊಳ್ಳುವ ಸಾಧ್ಯತೆ.

ಮತ್ತೊಂದೆಡೆ, ಭಾರತೀಯ ವ್ಯಾಪಾರ ಪ್ರತಿನಿಧಿ ರಾಜೇಶ್ ಅಗರ್ವಾಲ್ ನೇತೃತ್ವದ ತಂಡವು ವಾಷಿಂಗ್ಟನ್‌ನಲ್ಲಿ ಮಾತುಕತೆ ನಡೆಸುತ್ತಿದೆ. ಕೃಷಿ ಉತ್ಪನ್ನಗಳ ಮೇಲಿನ ಸುಂಕಗಳು, ಡಿಜಿಟಲ್ ಗೌಪ್ಯತೆ ಮತ್ತು ನಾಗರಿಕ ಹಕ್ಕುಗಳಂತಹ ವಿಷಯಗಳ ಕುರಿತು ಎರಡೂ ದೇಶಗಳ ನಡುವೆ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ಉದ್ಭವಿಸಿವೆ ಎಂದು ತೋರುತ್ತದೆ. ಒಪ್ಪಂದಕ್ಕೆ ಬರದಿದ್ದರೆ, ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾದ ಶೇ.26ರಷ್ಟು ಆಮದು ಸುಂಕಗಳನ್ನು ಮತ್ತೆ ಹೇರುವ ಸಾಧ್ಯತೆಯಿದೆ. ಆದಾಗ್ಯೂ, ಈ ಒಪ್ಪಂದಕ್ಕೆ ಬಂದರೆ, ಎರಡೂ ದೇಶಗಳ ನಡುವಿನ ಆರ್ಥಿಕ ಸಂಬಂಧಗಳನ್ನು ಮತ್ತಷ್ಟು ಬಲಪಡಿಸುವ ಸಾಧ್ಯತೆಯಿದೆ,(ಏಜೆನ್ಸೀಸ್).

https://www.vijayavani.net/air-india-crash-preliminary-report-submitted-to-centre