ಯುಐ ಚಿತ್ರತಂಡದಿಂದ ಬಂತು ಬಿಗ್​ ಅಪ್​ಡೇಟ್​: ಆ. 16ಕ್ಕೆ ಮಹತ್ವದ ಘೋಷಣೆ, ಏನಿರಬಹುದು ಊಹಿಸಿ?

ಬೆಂಗಳೂರು: ರಿಯಲ್​ ಸ್ಟಾರ್​ ಉಪೇಂದ್ರ ನಟಿಸಿ, ನಿರ್ದೇಶನ ಮಾಡಿರುವ ಯುಐ ಸಿನಿಮಾದ ಮುಂದಿನ ಅಪ್​ಡೇಟ್​ ಯಾವಾಗ ಬರುತ್ತದೆ ಎಂದು ಕಾದು ಕುಳಿತಿದ್ದ ಅಭಿಮಾನಿಳಿಗೆ ಕೊನೆಗೂ ಚಿತ್ರತಂಡ ಗುಡ್​ ನ್ಯೂಸ್​ ನೀಡಿದೆ. ಇದೇ 16ನೇ ತಾರೀಖಿನಂದು ದೊಡ್ಡ ಘೋಷಣೆ ಮಾಡುವುದಾಗಿ ಚಿತ್ರತಂಡ ಹೊಸ ಅಪ್​ಡೇಟ್​ ಮೂಲಕ ತಿಳಿಸಿದೆ.

ಯುಐ ಸಿನಿಮಾದಿಂದ ಕೊನೆಯದಾಗಿ ಟ್ರೋಲ್​ ಸಾಂಗ್​ ಬಿಡುಗಡೆಯಾಗಿತ್ತು. ಐದು ತಿಂಗಳ ಹಿಂದೆ ಈ ಸಾಂಗ್​ ಬಿಡುಗಡೆಯಾಗಿ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸಂಚಲನ ಸೃಷ್ಟಿಸಿತ್ತು. ಅಲ್ಲದೆ, ಚಿತ್ರದ ಮೇಲಿನ ನಿರೀಕ್ಷೆಯನ್ನು ಸಹ ದುಪ್ಪಟ್ಟು ಮಾಡಿತ್ತು. ಇದಾದ ಬಳಿಕ ಚಿತ್ರತಂಡದಿಂದ ಯಾವುದೇ ಅಪ್​ಡೇಟ್​ ಬಂದಿರಲಿಲ್ಲ. ಯಾವಾಗ ಹೊಸ ಅಪ್​ಡೇಟ್​ ಬರುತ್ತದೆ ಎಂದು ಅಭಿಮಾನಿಗಳು ಕಾದು ಕುಳಿತಿದ್ದರು ಮತ್ತು ಚಿತ್ರತಂಡವನ್ನು ಕೇಳುತ್ತಿದ್ದರು. ಇದೀಗ ಕೊನೆಗೂ ಹೊಸ ಅಪ್​ಡೇಟ್​ ಅನ್ನು ಯುಐ ಸಿನಿಮಾ ತಂಡ ಘೋಷಣೆ ಮಾಡಿದೆ.

ಇದೀಗ ವಿಡಿಯೋವೊಂದರ ಮೂಲಕ ಇದೇ 16ನೇ ತಾರೀಖಿನಂದು ಬಿಗ್​ ಅನೌನ್ಸ್​ಮೆಂಟ್ ಮಾಡುವುದಾಗಿ ಚಿತ್ರತಂಡ ಹೇಳಿದೆ. ಇದರ ಬೆನ್ನಲ್ಲೇ ಅಭಿಮಾನಿಗಳ ಕುತೂಹಲ ಹೆಚ್ಚಾಗಿದ್ದು, ಚಿತ್ರದ ಬಿಡುಗಡೆ ದಿನಾಂಕ ಘೋಷಣೆಯಾಗಬಹುದು ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಆದರೆ, ಆ ಬಿಗ್​ ಅಪ್​ಡೇಟ್​ ಏನು ಎಂಬುದನ್ನು ತಿಳಿಯಲು ಆಗಸ್ಟ್​ 16ರವರೆಗೆ ಕಾಯಲೇಬೇಕಿದೆ.

ಅಂದಹಾಗೆ ಯುಐ ಚಿತ್ರದಲ್ಲಿ ಉಪೇಂದ್ರಗೆ ರೀಷ್ಮಾ ನಾಣಯ್ಯ ನಾಯಕಿಯಾಗಿದ್ದಾರೆ. ಲಹರಿ ಫಿಲಂಸ್‌ನ ಮನೋಹರನ್ ಮತ್ತು ವೀನಸ್ ಎಂಟರ್‌ಟೇನರ್ಸ್‌ನ ಕೆ.ಪಿ. ಶ್ರೀಕಾಂತ್ ಜಂಟಿಯಾಗಿ ಈ ಮೆಗಾ ಬಜೆಟ್ ಸಿನಿಮಾ ನಿರ್ಮಿಸಿದ್ದಾರೆ.