ಅಶಕ್ತರು, ದೀನರು ಹಾಗೂ ಮಹಿಳೆಯರ ಏಳಿಗೆಯ ಪರವಾಗಿ ನಮ್ಮ ಪಕ್ಷ ನಿರಂತರ ಶ್ರಮಿಸುತ್ತಿದೆ. ಅದುವೇ ಕಾಂಗ್ರೆಸ್ ನಡೆದು ಬಂದ ದಾರಿಯಾಗಿದೆ. ಜನಪರ ಯೋಜನೆಗಳನ್ನು ರೂಪಿಸಿದೆ. ಮಹಿಳೆಯರಿಗೆ ರಾಜಕೀಯ ಕ್ಷೇತ್ರದಲ್ಲಿ ಮೇಲ್ಮನೆಗೆ ಶೇ.33 ಮೀಸಲಾತಿಗೆ ಸದನದಲ್ಲಿ ಒಪ್ಪಿಗೆ ಸಿಕ್ಕಿದೆ. ಅದನ್ನು ಜಾರಿಗೊಳಿಸಲು ನಾವು ಹೋರಾಡಬೇಕು. ಶೈಕ್ಷಣಿಕ, ಸಾಮಾಜಿಕ, ಆರ್ಥಿಕ, ರಾಜಕೀಯ ಕ್ಷೇತ್ರದಲ್ಲಿ ಮಹಿಳೆಯರ ಹಕ್ಕುಗಳ ಜಾಗೃತಿ ಮೂಡಿಸಲು ಸಮಾಜದ ಎಲ್ಲ ವರ್ಗಗಳ ಮಹಿಳೆಯರ ಪರವಾಗಿ ಧ್ವನಿ ಎತ್ತಬೇಕು. ನಮ್ಮ ಧ್ವನಿಯನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಎಲ್ಲ ಮಹಿಳೆಯರನ್ನು ತಲುಪಬೇಕು. ಚುಪ್ ನಹೀ ರೆಹನಾ ಆವಾಜ್ ಉಠಾನಾ ಎಂದು ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆಯರಿಗೆ ಅಲ್ಕಾ ಲಂಬಾ ಸೂಚನೆ ನೀಡಿದರು.
