ಭಜನಾ ದಿಂಡಿ ಮೆರವಣಿಗೆ ಸಂಪನ್ನ...

Published on:

02 Jun 2025, 2:19 pm

ಲಕ್ಷ್ಮೀ ವೆಂಕಟೇಶ ಸನ್ನಿಧಿಗೆ ಹೂ-ಹಣ್ಣುಗಳ ಅಲಂಕಾರ

ವಿಜಯವಾಣಿ ಸುದ್ದಿಜಾಲ ಉಡುಪಿ

ತೆಂಕಪೇಟೆಯಲ್ಲಿರುವ ಲಕ್ಷ್ಮೀ ವೆಂಕಟೇಶ ದೇವಸ್ಥಾನದ ಶತಮಾನೋತ್ತರ ರಜತ ಮಹೋತ್ಸವದ ನಿಮಿತ್ತ 125 ದಿನಗಳ ಅಹೋರಾತ್ರಿ ನಿರಂತರ ಭಜನೋತ್ಸವ ನಡೆದಿದೆ. ತನ್ನಿಮಿತ್ತ ಶ್ರೀದೇವರ ಸನ್ನಿಧಿಯನ್ನು ಜೂ.1ರಂದು ವಿವಿಧ ಬಗೆಯ ಹೂ-ಹಣ್ಣುಗಳಿಂದ ವಿಶೇಷ ಅಲಂಕಾರ ಮಾಡಲಾಗಿತ್ತು. ಸಂಜೆ 5 ಗಂಟೆಗೆ ಭಜನಾ ದಿಂಡಿ ಮೆರವಣಿಗೆ ಅತ್ಯಂತ ಸಂಭ್ರಮದಿಂದ ಸಂಪನ್ನಗೊಂಡಿತು.

ಸ್ವರ್ಣ ಪಾದುಕೆಯ ಮೆರವಣಿಗೆ

ಶ್ರೀ ಕಾಶಿ ಮಠ ಸಂಸ್ಥಾನದ ಸಂಯಮೀಂದ್ರ ತೀರ್ಥ ಶ್ರೀಪಾದರು ಭಜನಾ ದಿಂಡಿ ಉತ್ಸವ ಮೆರವಣಿಗೆಗೆ ಚಾಲನೆ ನೀಡಿದರು. ಶ್ರೀಮದ್ ಸುಧೀಂದ್ರ ತೀರ್ಥ ಶ್ರೀಪಾದರ ಜನ್ಮ ಶತಮಾನೋತ್ಸವ ಹಾಗೂ ಶ್ರೀ ಗುರುಗಳ ಆರಾಧನೆ ನಿಮಿತ್ತ ಸ್ವರ್ಣ ಪಾದುಕೆಯನ್ನು ಮೆರವಣಿಗೆಯಲ್ಲಿ ಕೊಂಡೊಯ್ಯಲಾಯಿತು.

ಶ್ರೀ ವಿಠೋಬಾ ರುಕುಮಾಯಿ ಸನ್ನಿಧಿಯಲ್ಲಿ ಸಮೂಹಿಕ ಪ್ರಾರ್ಥನೆಯೊಂದಿಗೆ ತೆರಳಿದ ಮೆರವಣಿಗೆಯು ಉಡುಪಿ ದೇವಳದಿಂದ ಹೊರಟು ಐಡಿಯಲ್ ಸರ್ಕಲ್, ಹಳೇ ಡಯಾನಾ ಸರ್ಕಲ್, ತ್ರಿವೇಣಿ ಸರ್ಕಲ್, ಚಿತ್ತರಂಜನ ಸರ್ಕಲ್, ಕೊಳದಪೇಟೆಯಾಗಿ ದೇವಳಕ್ಕೆ ಆಗಮಿಸಿತು. ಶ್ರೀಗಳೊಂದಿಗೆ ಸಾವಿರಾರು ಭಕ್ತರು ಪಾಲ್ಗೊಂಡಿದ್ದರು.

ಮಟ್ಟಾರು ಸತೀಶ ಕಿಣಿ, ಆಡಳಿತ ಮೊಕ್ತೇಸರ ಪಿ.ವಿ. ಶೆಣೈ, ನರಹರಿ ಪೈ, ವಿಶಾಲ ಶೆಣೈ, ಉಮೇಶ ಪೈ, ಭಾಸ್ಕರ ಶೆಣೈ, ದೀಪಕ ಭಟ್, ದಯಾಘನ್ ಭಟ್, ವಿಶ್ವನಾಥ ಭಟ್, ವಸಂತ ಕಿಣೆ, ಗಣೇಶ ಕಿಣಿ, ಆಡಳಿತ ಮಂಡಳಿಯ ಸದಸ್ಯರು, ಜಿಎಸ್ಬಿ ಸಮಾಜದ ಯುವಕ ಮಂಡಳಿ, ಭಗಿನಿ ವೃಂದ, ಮಹಿಳಾ ಮಂಡಳಿ, ಶತಮಾನೋತ್ತರ ರಜತ ಭಜನಾ ಮಹೋತ್ಸವ ಸಮಿತಿ ಸದಸ್ಯರು ಸಹಕರಿಸಿದರು.

Temple