ಬೆಂಗಳೂರು ಕಾಲ್ತುಳಿತ ಪ್ರಕರಣ: ಅಪಾಯದ ಮುನ್ನೆಚ್ಚರಿಕೆ ನೀಡಿದ್ದ ಪೊಲೀಸ್​​ ಇಲಾಖೆ! | Stampede Case

Stampede Case: ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದ ಹೊರಗೆ ಜೂ.4ರಂದು ಸಂಭವಿಸಿದ ಕಾಲ್ತುಳಿತದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇದೀಗ ಸ್ಫೋಟಕ ಮಾಹಿತಿ ಬಹಿರಂಗಗೊಂಡಿದೆ.

ಇದನ್ನೂ ಓದಿ:ಚಿನ್ನ ಕೊಳ್ಳುವವರಿಗೆ ಗುಡ್​ನ್ಯೂಸ್​..! ಕೊಂಚ ಇಳಿಕೆ ಕಂಡ ಚಿನ್ನದ ಬೆಲೆ: ಇಂದಿನ ದರ ಎಷ್ಟಿದೆ ಗೊತ್ತಾ! | Today Gold Rate

ಹೌದು, ಕಾಲ್ತುಳಿತ ಸಂಭವಿಸಿ 11 ಜನರು ಸಾವನ್ನಪ್ಪುವ ಕೆಲವೇ ಗಂಟೆಗಳ ಮೊದಲು, ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ರಾಜ್ಯ ಸರ್ಕಾರಕ್ಕೆ ಸಂಭವನೀಯ ವಿಪತ್ತಿನ ಬಗ್ಗೆ ಎಚ್ಚರಿಕೆ ನೀಡಿದ್ದರು ಎಂಬ ಮಾಹಿತಿ ಹೊರ ಬಿದ್ದಿದೆ. ಶಾಸಕಾಂಗದ ಭದ್ರತಾ ಉಸ್ತುವಾರಿ ವಹಿಸಿರುವ ಡಿಸಿಪಿ ಎಂ.ಎನ್.ಕರಿಬಸವನ ಗೌಡ ಅವರು ವಿಧಾನಸೌಧ ಕಾರ್ಯಕ್ರಮದ ಬೆಳಿಗ್ಗೆ ಭದ್ರತಾ ಸಿಬ್ಬಂದಿ ಕೊರತೆ ಮತ್ತು ಜನಸಂದಣಿ ನಿಯಂತ್ರಣ ಸಮಸ್ಯೆಗಳ ಅಪಾಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು. ಈ ಕುರಿತು ಡಿಸಿಪಿ ಸರ್ಕಾರಕ್ಕೆ ಬರೆದಿರುವ ಪತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ:Rohit Sharma ಅಭಿಮಾನಿಯ ಟ್ಯಾಟೂಗೆ ರೋಹಿತ್ ಮಗಳ ಮುದ್ದಾದ ಪ್ರತಿಕ್ರಿಯೆ! ವಿಡಿಯೋ ವೈರಲ್

ಪತ್ರದಲ್ಲೇನಿದೆ..?

ಶಾಸಕಾಂಗದ ಭದ್ರತೆಯ ಉಸ್ತುವಾರಿ ವಹಿಸಿದ್ದ ಕರಿಬಸವನಗೌಡ, ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆಯ (ಡಿಪಿಎಆರ್) ಕಾರ್ಯದರ್ಶಿ ಜಿ. ಸತ್ಯವತಿ ಅವರಿಗೆ ಪತ್ರ ಬರೆದು, "ಲಕ್ಷಾಂತರ ಕ್ರಿಕೆಟ್ ಅಭಿಮಾನಿಗಳು ವಿಧಾನಸೌಧಕ್ಕೆ ಬರುವ ಸಾಧ್ಯತೆಯಿದೆ" ಎಂದು ಎಚ್ಚರಿಸಿದರು ಮತ್ತು ಭದ್ರತಾ ಸಿಬ್ಬಂದಿ ಕೊರತೆಯು ಜನಸಂದಣಿಯನ್ನು ನಿಯಂತ್ರಿಸುವುದು ಕಷ್ಟಕರವಾಗುತ್ತದೆ ಎಂದು ಗಮನಸೆಳೆದಿದ್ದರು ಎಂದು ಗೌಡ ಅವರ ಪತ್ರವನ್ನು ವರದಿ ಉಲ್ಲೇಖಿಸಿದೆ.

ಇನ್ನು ರಾಜ್ಯ ಸರ್ಕಾರ ಈ ಎಚ್ಚರಿಕೆಯನ್ನು ನಿರ್ಲಕ್ಷಿಸಲಾಯಿತು, ಮತ್ತು ಕೆಲವೇ ಗಂಟೆಗಳ ನಂತರ, ನಗರವು 11 ಜನರು ಸಾವನ್ನಪ್ಪಿದ ಮತ್ತು ಕನಿಷ್ಠ 75 ಜನರು ಗಾಯಗೊಂಡ ದುರಂತಕ್ಕೆ ಸಾಕ್ಷಿಯಾಗಿದೆ.(ಏಜೆನ್ಸೀಸ್​​)

https://www.vijayavani.net/chinnaswamy-stadium-stampede-ksca-secretary-treasurer-resign-taking-moral-responsibility

https://www.vijayavani.net/cm-orders-compensation-announced-for-families-of-those-killed-in-the-stampede