ಭಾರತ ವಿರುದ್ಧ ಟಿ20 ಸರಣಿಗೆ ಜಿಂಬಾಬ್ವೆ ತಂಡದಲ್ಲಿ ಬೆಲ್ಜಿಯಂ ಕ್ರಿಕೆಟಿಗ!

ಹರಾರೆ: ಪ್ರವಾಸಿ ಭಾರತ ವಿರುದ್ಧ ಜುಲೈ 6ರಿಂದ ನಡೆಯಲಿರುವ 5 ಪಂದ್ಯಗಳ ಟಿ20 ಸರಣಿಗೆ ಆತಿಥೇಯ ಜಿಂಬಾಬ್ವೆ ತಂಡ ಪ್ರಕಟಗೊಂಡಿದ್ದು, ಬೆಲ್ಜಿಯಂ ಮೂಲದ ಕ್ರಿಕೆಟಿಗ ಅಂತುಮ್​ ನಖ್ವಿ ತಂಡದಲ್ಲಿ ಸ್ಥಾನ ಸಂಪಾದಿಸಿದ್ದಾರೆ. 25 ವರ್ಷದ ಅಂತುಮ್​ ವರ್ಷಾರಂಭದಲ್ಲಿ ದೇಶೀಯ ಕ್ರಿಕೆಟ್​ನಲ್ಲಿ ತ್ರಿಶತಕ ಸಿಡಿಸಿದ್ದರು. ಈ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಈ ಸಾಧನೆ ಮಾಡಿದ ಮೊದಲ ಜಿಂಬಾಬ್ವೆ ಬ್ಯಾಟರ್​ ಎನಿಸಿದ್ದರು.

ಪಾಕಿಸ್ತಾನ ಮೂಲದ ದಂಪತಿಗೆ ಬೆಲ್ಜಿಯಂನ ಬ್ರಸೆಲ್ಸ್​ನಲ್ಲಿ ಜನಿಸಿರುವ ಅಂತುಮ್​, 4ನೇ ವಯಸ್ಸಿನಲ್ಲಿ ಆಸ್ಟ್ರೆಲಿಯಾಕ್ಕೆ ವಲಸೆ ಹೋಗಿದ್ದರು. ವೃತ್ತಿಯಲ್ಲಿ ಪೈಲಟ್​ ಆಗಿದ್ದ ಅಂತುಮ್​, ಕ್ರಿಕೆಟ್​ಗಾಗಿ ಅದಕ್ಕೆ ಅಲ್ಪವಿರಾಮ ನೀಡಿದ್ದಾರೆ. ಪೌರತ್ವ ಗೊಂದಲದಿಂದಾಗಿ ಜಿಂಬಾಬ್ವೆ ಪರ ಆಡುವುದಕ್ಕೆ ಅವರಿಗೆ ಇನ್ನೂ ಅಂತಿಮ ಅನುಮತಿ ಲಭಿಸಿಲ್ಲ ಎನ್ನಲಾಗಿದೆ.

ಜಿಂಬಾಬ್ವೆ ತಂಡ: ಸಿಕಂದರ್​ ರಾಜಾ (ನಾಯಕ), ರಾಜ್​ ಅಕ್ರಮ್​, ಬ್ರಿಯಾನ್​ ಬೆನೆಟ್​, ಜೊನಾಥನ್​ ಕ್ಯಾಂಪ್​ಬೆಲ್​, ಟೆಂಡೈ ಚಟಾರಾ, ಲ್ಯೂಕ್​ ಜೊಂಗ್ವೆ, ಇನ್ನೋಸೆಂಟ್​ ಕೈಯಾ, ಕ್ಲೆವ್​ ಮದಂಡೆ, ವೆಸ್ಲಿ ಮಾಧೆವೆರೆ, ತಡಿವಾನಾಶೆ ಮರುಮಣಿ, ವೆಲ್ಲಿಂಗ್​ಟನ್​ ಮಸಕಜ, ಬ್ರೆಂಡನ್​ ಮಾವುಟಾ, ಬ್ಲೆಸ್ಸಿಂಗ್​ ಮುಜರಬಾನಿ, ಡಿಯೋನ್​ ಮೈಯರ್ಸ್​, ಅಂತುಮ್​ ನಖ್ವಿ, ರಿಚರ್ಡ್​ ನಾಗರವ, ಮಿಲ್ಟನ್​ ಶುಂಬಾ.

https://www.vijayavani.net/karnataka-wrote-history-in-south-india-wrestling-championship