ಜೇಸಿ ಎಂಬ ಮಹಿಳೆಯ ಹತ್ಯೆಗೆ ಆರೋಪಿಗಳಾದ ಗಿರೀಶ್ ಬಾಬು ಮತ್ತು ಖದೀಜಾ ದೊಡ್ಡ ಸಂಚನ್ನೇ ರೂಪಿಸಿದ್ದರು. ಹತ್ಯೆಗೆ ಎರಡು ತಿಂಗಳ ಮೊದಲೇ ಇಬ್ಬರೂ ಒಟ್ಟಿಗೆ ಕುಳಿತು, ಹೇಗೆ ಸಾಯಿಸಬೇಕು, ಯಾವ ರೀತಿ ನಾವು ಪೊಲೀಸರ ಕಣ್ಣಿನಿಂದ ತಪ್ಪಿಸಿಕೊಳ್ಳಬೇಕು. ಕೊಲೆ ನಡೆದ ಸ್ಥಳದಲ್ಲಿ ಯಾವುದೇ ಸುಳಿವು ಖಾಕಿ ಪಡೆಗೆ ಸಿಗದಂತೆ ಹೇಗೆ ಎಚ್ಚರವಹಿಸಬೇಕು ಎಂದೆಲ್ಲಾ ಭಾರೀ ತಲೆಕೆಡಿಸಿಕೊಂಡು, ಮಹಿಳೆಯನ್ನು ಹತ್ಯೆಗೈಯಲು ತಾವಿಬ್ಬರೇ ಟ್ರಯಲ್ ಮಾಡಿ ನೋಡಿದ್ದಾರೆ. ಆದರೆ, ಆರೋಪಿಗಳ ಮಾಸ್ಟರ್ ಪ್ಲ್ಯಾನ್ ಅನ್ನು ಭೇದಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದು, ಮಹಿಳೆಯ ಬರ್ಬರ ಕೊಲೆಗೆ ಕಾರಣರಾದ ಇಬ್ಬರನ್ನು ಕಂಬಿ ಹಿಂದೆ ಕೂರಿಸುವಲ್ಲಿ ಮೇಲುಗೈ ಸಾಧಿಸಿದ್ದಾರೆ.
