ಈ ಕುರಿತು ‘ವಿಜಯವಾಣಿ’ಯೊಂದಿಗೆ ಮಾತನಾಡಿದ ಸತೀಶ್, ‘ಪ್ರತಿಯೊಬ್ಬರಿಗೂ ಚಿತ್ರಮಂದಿರಗಳ ಜತೆಗೆ ಭಾವನಾತ್ಮಕ ಸಂಬಂಧ ಇದೆ. ಅದು ಬರೀ ಬಿಜಿನೆಸ್ ಅಲ್ಲ. ಇವತ್ತು ಚಿತ್ರಮಂದಿರಗಳು ಸಂಕಷ್ಟದಲ್ಲಿವೆ. ಆದರೆ, ಚಿತ್ರಮಂದಿರಗಳಿಗೆ ಯಾವತ್ತೂ ಸಾವಿಲ್ಲ. ಅವು ಖಂಡಿತಾ ಹೊಸ ಬದುಕು ಕಂಡುಕೊಳ್ಳುತ್ತವೆ. ಈ ನಿಟ್ಟಿನಲ್ಲಿ ಒಂದು ಕಿರುಚಿತ್ರ ಮಾಡಿದ್ದೇವೆ. ಚಿತ್ರಮಂದಿರಗಳು ಯಾಕೆ ಮುಖ್ಯ, ಅದರ ಜತೆಗಿನ ನಮ್ಮ ಭಾವನಾತ್ಮಕ ಸಂಬಂಧ, ಜನರ ಬದುಕನ್ನು ರೂಪಿಸುವಲ್ಲಿ ಅದರ ಪಾತ್ರ ... ಹೀಗೆ ಹಲವು ವಿಷಯಗಳ ಬಗ್ಗೆ ಈ ಕಿರುಚಿತ್ರ ಬೆಳಕು ಚೆಲ್ಲಲಿದೆ. ನಾನು ಮತ್ತು ವಿಜಯಪ್ರಸಾದ್ ಸೇರಿ ಈ ಕಾನ್ಸೆಪ್ಟ್ ಮಾಡಿದ್ದೇವೆ. ನಿರೂಪಣೆ ಸಾಹಿತ್ಯವನ್ನು ಅವರು ಬರೆದಿದ್ದಾರೆ. ನಾನು, ಧನಂಜಯ್ ಮುಂತಾದವರು ಅನಿಸಿಕೆಗಳನ್ನು ಹಂಚಿಕೊಂಡಿದ್ದೇವೆ. ನಮ್ಮ ಆಫೀಸ್, ಧನಂಜಯ್ ಮನೆ, ಹಲವು ಚಿತ್ರಮಂದಿರಗಳಲ್ಲಿ ಚಿತ್ರೀಕರಣ ಮಾಡಿದ್ದೇವೆ. ಪ್ರೇಕ್ಷಕರನ್ನು ಮಾತಾಡಿಸಿದ್ದೇವೆ. ಇವೆಲ್ಲವನ್ನೂ ಇಟ್ಟುಕೊಂಡು ಈ ಕಿರುಚಿತ್ರವನ್ನು ರೂಪಿಸಲಾಗಿದೆ’ ಎಂದು ವಿವರ ಕೊಡುತ್ತಾರೆ ಸತೀಶ್ ನೀನಾಸಂ.
