ಹೊಳೆಯುವ ಚರ್ಮಕ್ಕೆ ಎಣ್ಣೆಯೇ ಬೇಕಿಲ್ಲ! ಇಲ್ಲಿದೆ ಜಿಡ್ಡು ರಹಿತ ಕಾಂತಿಯ ಗುಟ್ಟು.. Glowing skin

ಸೆಲೆಬ್ರಿಟಿಗಳ ಸುಂದವಾದ ಚರ್ಮ ಮತ್ತು ಅವರ ದೇಹವನ್ನು ಅನೇಕರು ಬಯಸುವುದನ್ನು ನಾವು ನೋಡಿದ್ದೇವೆ. ಜೊತೆಗೆ ಅವರಂತೆಯೇ ಆಗಬೇಕೆಂದು ಬಯಸುತ್ತಾರೆ. ಆದರೆ, ಹೊಳೆಯುವ ಚರ್ಮವೆಂದರೆ ಏನೆಂದು ಇನ್ಫ್ಲುಯೆನ್ಸ್ ಕ್ಲಿನಿಕ್‌ನ ಸಂಸ್ಥಾಪಕಿ ಡಾ. ಗೀತಿಕಾ ಶ್ರೀವಾಸ್ತವ ತಿಳಿಸಿದ್ದಾರೆ.

ವೈದ್ಯರು ಹೇಳುವಂತೆ ಹೊಳಪು ಎಂಬುದು ಕೇವಲ ಪದವಲ್ಲ. ಬದಲಾಗಿ, ಅದು ಒಂದು ವೈದ್ಯಕೀಯ ಅವಲೋಕನವಾಗಿದೆ. ಚರ್ಮವು ನಯವಾದ ಮತ್ತು ಸಮವಾಗಿ ಪ್ರತಿಫಲಿಸುತ್ತದೆ. ಇದು ಚರ್ಮದಿಂದ ಬೆಳಕು ಏಕರೂಪವಾಗಿ ಪ್ರತಿಫಲಿಸಿದಾಗ ಕಾಂತಿಯುತವಾಗಿ ಭಾಸವಾಗುತ್ತದೆ.

ಚರ್ಮವು ಈ ಮೂರು ಗುಣಗಳಿಂದ ತನ್ನ ತ್ವಚೆಯನ್ನು ಪಡೆದುಕೊಳ್ಳುತ್ತದೆ. ಅದರಲ್ಲಿ ನಯವಾದ ವಿನ್ಯಾಸ, ಸಮ ಚರ್ಮದ ಬಣ್ಣ ಮತ್ತು ಸಮತೋಲಿತ ಬೆಳಕಿನ ಪ್ರತಿಫಲನ ಆಗಿದೆ. ಚರ್ಮವು ಚೆನ್ನಾಗಿ ಹೈಡ್ರೀಕರಿಸಲ್ಪಟ್ಟಾಗ ಉರಿಯೂತವನ್ನು ನಿಯಂತ್ರಿಸಿ ಹೊಳಪನ್ನು ನೀಡಲು ಸಹಾಯ ಮಾಡುತ್ತದೆ ಎಂದು ತಿಳಿಸಿದ್ದಾರೆ. ಆದಾಗ್ಯೂ, ನೀವೇನಾದರೂ, ಹೊಳೆಯುವ ಚರ್ಮವನ್ನು ಹೊಂದಲು ಬಯಸುತ್ತಿದ್ದರೆ ಈ ರೀತಿಯ ಬದಲಾವಣೆಗಳು ಮುಖ್ಯವಾಗಿರುತ್ತದೆ.

ಚರ್ಮದ ನೈಸರ್ಗಿಕ ಹೊಳಪು ಕಡಿಮೆಯಾಗಲು ಉರಿಯೂತ ಕೂಡಾ ಒಂದಾಗಿದೆ. ಇದು ಕಳಪೆ ಆಹಾರ ಮತ್ತು ಜೀವನಶೈಲಿಯಿಂದ ಉಂಟಾಗುವ ಊತವಾಗಿದೆ. ಆದಾಗ್ಯೂ, ಸಕ್ಕರೆ, ಡೈರಿ ಉತ್ಪನ್ನಗಳು ಮತ್ತು ಗ್ಲುಟನ್ ಹೊಂದಿರುವ ಆಹಾರಗಳನ್ನು ಅತಿಯಾಗಿ ಸೇವಿಸಿದಾಗ ಅದು ಚರ್ಮದ ಮೇಲೆ ಕಪ್ಪು ಕಲೆಗಳು ಮತ್ತು ವಯಸ್ಸಾದ ಚಿಹ್ನೆಗಳಿಗೆ ಕಾರಣವಾಗುತ್ತದೆ. ಆದರಿಂದ ಪ್ರತಿನಿತ್ಯ ನೀವು ಸಕ್ಕರೆ ಪದಾರ್ಥಗಳ ಸೇವನೆ ಹೆಚ್ಚಿಸುತ್ತಿದ್ದರೆ, ಅದನ್ನು ಕಡಿಮೆ ಮಾಡಿ. ಅದರ ಬದಲಿಗೆ ಬಾದಾಮಿ ಹಾಲು ಅಥವಾ ಓಟ್ ಹಾಲು ಬಳಸಿರಿ. ಇದು ಚರ್ಮದ ತ್ವಚೆಯನ್ನು ಸರಿ ಪಡಿಸಲು ಸಹಾಯ ಮಾಡುತ್ತದೆ.

ಕುಡಿಯುವ ನೀರು ದೇಹಕ್ಕೆ ಅಗತ್ಯವಾಗಿದ್ದರೂ, ಕೆಲವು ರೀತಿಯ ಪಾನೀಯಗಳು ಹೆಚ್ಚು ಪ್ರಯೋಜನಕಾರಿ ಎಂದು ನಂಬಲಾಗಿದೆ. ಪ್ರತಿನಿತ್ಯ ಮೆಂತ್ಯೆ ನೀರನ್ನು ಕುಡಿಯುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ. ಹಾಗೆಯೇ ನೀವೇನಾದರೂ ಚರ್ಮದ ಹೊಳಪನ್ನು ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೆ, ಕೇಸರಿ ನೀರನ್ನು ಕುಡಿಯುವ ಅಭ್ಯಾಸವನ್ನು ಮಾಡಿಕೊಳ್ಳಿ.

ಮೆಂತ್ಯ ನೀರನ್ನು ಕುಡಿಯುವುದರಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಮತ್ತು ಊತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಚರ್ಮದ ಕಾಂತಿಯನ್ನು ಹೆಚ್ಚಿಸಲು ಕೇಸರಿ ನೀರನ್ನು ಸಾಂಪ್ರದಾಯಿಕವಾಗಿ ಬಳಸಲಾಗುತ್ತದೆ. ಇಲಾಂಜಿರ್ ಕುಡಿಯುವುದರಿಂದ ಎಲೆಕ್ಟ್ರೋಲೈಟ್ ಸಮತೋಲನವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಒಳಗಿನ ರಕ್ಷಣೆಗಿಂತಲೂ ಬಾಹ್ಯ ಮಾಯಿಶ್ಚರೈಸಿಂಗ್​ ಕೂಡಾ ಬಹಳ ಮುಖ್ಯವಾಗಿದೆ. ಅದಕ್ಕಾಗಿ ಸೆರಾಮೈಡ್‌ಗಳು, ಪೆಪ್ಟೈಡ್‌ಗಳು ಮತ್ತು ಹೈಲುರಾನಿಕ್ ಆಮ್ಲವನ್ನು ಹೊಂದಿರುವ ಮಾಯಿಶ್ಚರೈಸರ್‌ಗಳನ್ನು ಬಳಸುವುದರಿಂದ ಚರ್ಮವು ಹೆಚ್ಚು ದಟ್ಟವಾಗಿ ಉಳಿಯಲು ಸಹಾಯ ಮಾಡುತ್ತದೆ.

ವಾರಕ್ಕೊಮ್ಮೆ ಉತ್ತಮ ಫೇಸ್ ಮಾಸ್ಕ್ ಬಳಸುವುದು ಕೂಡಾ ನಿಮ್ಮ ಚರ್ಮಕ್ಕೆ ಒಳ್ಳೆಯದಾಗಿದ್ದು, ಇದು ನಿಮ್ಮ ಚರ್ಮದ ಮೃದುತ್ವವನ್ನು ಹೆಚ್ಚಿಸಲು ಫೇಸ್​ ಮಾಸ್ಕ್​ಗಳು ಮತ್ತು ಅಕ್ಕಿ ಹಿಟ್ಟಿನ ಪುಡಿಯನ್ನು ಬಳಸುವುದು ಪ್ರಯೋಜನವಾಗಿದೆ (ಏಜೆನ್ಸೀಸ್​).