ರೇಷ್ಮೆಯಂತಹ ಮೃದು ತ್ವಚೆಗಾಗಿ: ಮುಖದ ಕೂದಲು ನಿವಾರಣೆಗೆ ಸರಳ ಸೂತ್ರಗಳು... Facial hair remove

ಯಾವ ವಿಧಾನದಲ್ಲಿ ಮುಖದ ಕೂದಲನ್ನು ತೆಗೆಯುವುದು ಉತ್ತಮ ಎಂದು ಕೆಲವೊಂದಿಷ್ಟು ಮಹಿಳೆಯರು ಗೊಂದಲಕ್ಕೊಳಗಾಗುತ್ತಾರೆ. ಚರ್ಮರೋಗ ತಜ್ಞೆ ಡಾ. ಶಿಫಾ ಯಾದವ್  ಅವರ ಪ್ರಕಾರ, ಮುಖದ ಕೂದಲನ್ನು ತೆಗೆದುಹಾಕಲು ಹಲವಾರು ವಿಧಾನಗಳಿವೆ. ಆದರೆ, ಪ್ರತಿಯೊಂದು ತನ್ನದೇ ಆದ ಅನುಕೂಲಗಳು ಮತ್ತು ಅನಾನುಕೂಲವನ್ನು ನೀಡುತ್ತದೆ ಎಂದು ಹೇಳಿದ್ದಾರೆ.

ಮುಖದ ಮೇಲಿನ ಕೂದಲನ್ನು ತೆಗೆದುಹಾಕಲು ಶೇವಿಂಗ್ ಅತ್ಯಂತ ಸುಲಭ ಮತ್ತು ಸಾಮಾನ್ಯ ವಿಧಾನವಾಗಿದೆ. ಈ ವಿಧಾನವು ತ್ವರಿತ, ನೋವುರಹಿತ ಮತ್ತು ಮನೆಯಲ್ಲಿ ಸುಲಭವಾಗಿ ಮಾಡಬಹುದಾಗಿದ್ದರೂ, ಈ ಪ್ರಕ್ರಿಯೆಯಿಂದ ಬಹಳ ಬೇಗನೆ ಕೂದಲು ಮತ್ತೆ ಬೆಳೆಯಬಹುದು. ಕೆಲವೊಮ್ಮೆ ದಪ್ಪ ಹಾಗೂ ಒರಟಾಗಿ ಬೆಳೆಯುವುದರಿಂದ ಪುನಃ ಶೇವಿಂಗ್​ ಮಾಡಿಕೊಳ್ಳಬೇಕಾಗುತ್ತದೆ.

ವ್ಯಾಕ್ಸಿಂಗ್  ಮಾಡುವುದರಿಂದ ಕೂದಲು ಬೇರಿನಿಂದ ತೆಗೆಯುತ್ತದೆ. ಇದು ಚರ್ಮವನ್ನು ಸುಮಾರು ಮೂರರಿಂದ ನಾಲ್ಕು ವಾರಗಳವರೆಗೆ ಮೃದುವಾಗಿರಿಸುತ್ತದೆ. ಆದರೆ, ಈ ವಿಧಾನವು ನೋವಿನಿಂದ ಕೂಡಿರುವುದರಿಂದ ಚರ್ಮವು ಕಿರಿಕಿರಿ ಅಥವಾ ದದ್ದುಗಳು ಕಾಣಿಸಿಕೊಳ್ಳುತ್ತದೆ. ಹಾಗಾಗಿ ಯಾವ ಮಹಿಳೆಯರು ಸೂಕ್ಷ್ಮ ಚರ್ಮವನ್ನು ಹೊಂದಿರುತ್ತಾರೋ ಅವರು ಈ ವಿಧಾನವನ್ನು ತಪ್ಪಿಸಬೇಕು ಎಂದು ಡಾ. ಯಾದವ್ ತಿಳಿಸಿದ್ದಾರೆ.

ಹುಬ್ಬುಗಳು ಮತ್ತು ಮೇಲಿನ ತುಟಿಗೆ ಥ್ರೆಡ್ಡಿಂಗ್ ಮಾಡಿಸಿಕೊಳ್ಳುವುದು ಒಂದು ಜನಪ್ರಿಯ ವಿಧಾನವಾಗಿದೆ. ಡಾ. ಯಾದವ್ ಪ್ರಕಾರ, ಇದು ಹೆಚ್ಚು ನಿಖರವಾದ ಫಲಿತಾಂಶಗಳನ್ನು ನೀಡುತ್ತದೆ. ಇದರಿಂದ ತುಂಬಾ ದಿನಗಳವರೆಗೆ ಕೂದಲುಗಳು ಬರುವುದಿಲ್ಲ. ಆದರೆ, ನೋವಿನಿಂದ ಕೂಡಿರುವುದರಿಂದ ಬಹಳಷ್ಟು ಜಾಗರೂಕತೆಯಿಂದ ಇರಬೇಕು ಎಂದು ಹೇಳಿದ್ದಾರೆ.

ಲೇಸರ್ ಕೂದಲು ತೆಗೆಯುವುದು ಆಧುನಿಕ ಮತ್ತು ದೀರ್ಘಕಾಲೀನ ವಿಧಾನವಾಗಿದೆ. ಇದನ್ನು ಲೇಸರ್ ಕಿರಣಗಳನ್ನು ಬಳಸಿಕೊಂಡು ಕೂದಲಿನ ಕಿರುಚೀಲಗಳನ್ನು ತೆಗೆಯಲಾಗುತ್ತದೆ. ಈ ಪ್ರಕ್ರಿಯೆಯು ಕ್ರಮೇಣ ಕೂದಲಿನ ಬೆಳವಣಿಗೆಯನ್ನು ಕಡಿಮೆ ಮಾಡುತ್ತದೆ. ಎಂದು ಡಾ. ಶಿಫಾ ಯಾದವ್ ವಿವರಿಸಿದ್ದಾರೆ.

ಕೂದಲು ತೆಗೆಯುವ ಕ್ರೀಮ್‌ಗಳು ಅಗ್ಗವಾಗಿದ್ದು ಇವು ನೋವು ರಹಿತವಾಗಿದೆ. ಆದರೆ. ಇದರ ಬಳಕೆಯು ಚರ್ಮಕ್ಕೆ ಹಾನಿಗೊಳಸಬಹುದು. ಹಾಗೆಯೇ ಕೆಲವು ದಿನಗಳವರೆಗೆ ಮಾತ್ರ ಇರುತ್ತದೆ.

ಚರ್ಮರೋಗ ತಜ್ಞೆ ಡಾ. ದೀಪಾಲಿ ಜಯಭಾಯ್ ಅವರ ಪ್ರಕಾರ, ಲೇಸರ್ ಕೂದಲು ತೆಗೆಯುವಿಕೆಯನ್ನು ಅತ್ಯಂತ ಪರಿಣಾಮಕಾರಿ ವಿಧಾನವೆಂದು ಪರಿಗಣಿಸಲಾಗಿದೆ ಏಕೆಂದರೆ ಇದು ಕೂದಲಿನ ಬೇರಿನ ಮೇಲೆ ನೇರವಾಗಿ ಪರಿಣಾಮ ಬೀರುವುದರಿಂದ ಕೂದಲಿನ ಬೆಳವಣಿಗೆಯನ್ನು ತಡೆಯುತ್ತದೆ (ಏಜೆನ್ಸೀಸ್).