20 ಕೆಜಿ ತೂಕ ಇಳಿಸಿದ ಮುಂಬೈ ಸುಂದರಿ: ಜುಂಬಾ ಮತ್ತು ಉಪವಾಸದ ಈ ಕಾಂಬಿನೇಷನ್ ವರ್ಕ್ ಆಗಿದ್ದು ಹೇಗೆ? Weight loss

Weight loss: ದೇಹದಲ್ಲಿನ ಹೆಚ್ಚುವರಿ ತೂಕ ಇಳಿಸಿಕೊಳ್ಳಲು ಅನೇಕರು ಬಯಸುತ್ತಾರೆ. ಅದಕ್ಕಾಗಿ ಹಲವಾರು ರೀತಿಯ ಕ್ರಮಗಳನ್ನು ಕೈಗೊಳ್ಳುವುದನ್ನು ಕೂಡಾ ನಾವು ಗಮನಿಸಿರುತ್ತೇವೆ. ಇತ್ತೀಚೆಗೆ ತೂಕ ಇಳಿಸುವ ಬಗ್ಗೆ ಮಾತನಾಡುವಾಗ ವಿಪರೀತ ಆಹಾರ ಕ್ರಮಗಳು ಮತ್ತು ಫಿಟ್‌ನೆಸ್ ಸಲಹೆಗಳು ವೈರಲ್​ ಆಗುವುದು ಸಹಜ. ಒಂದು ದಿನ ತೂಕ ಇಳಿಸಲು ಕಾರ್ಬೊಹೈಡ್ರೇಟ್​ಗಳನ್ನು ತ್ಯಜಿಸುವುದರ ಬಗ್ಗೆ ಕೇಳಿದರೆ, ಇನ್ನೊಂದು ದಿನ ಆರೋಗ್ಯಕರ ಪಾನೀಯಗಳ ಸೇವನೆಯಿಂದ ಹೇಗೆ ತೂಕ ಇಳಿಸಿಕೊಳ್ಳಬಹುದು ಎಂಬುದರ ಬಗ್ಗೆ ತಿಳಿದಿದ್ದೇವೆ.

ಆದರೆ ನಿಜವಾದ ರೂಪಾಂತರವು ಸಾಮಾನ್ಯವಾಗಿ ಹೆಚ್ಚು ಸರಳವಾಗಿ ಕಾಣುತ್ತದೆ. ಇದು ಪ್ರತಿನಿತ್ಯ ನಾವು ತೆಗೆದುಕೊಳ್ಳುವ ನಿರ್ಧಾರಗಳಿಂದ ಅಂದರೆ, ಸರಿಯಾಗಿ ಆಹಾರ ಸೇವಿಸುವುದು, ಹೆಚ್ಚು ಚಲಿಸುವುದು. ಆದಾಗ್ಯೂ, ಈ ಎಲ್ಲಾ ರೀತಿಯಿಂದ ಫಲಿತಾಂಶಗಳು ನಿಧಾನವಾಗಿದ್ದರೂ, ಉತ್ತಮ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ. ಹಾಗೆಯೇ ಯಾರಾದರೂ ಆ ಪ್ರಯಾಣವನ್ನು ಪ್ರಾಮಾಣಿಕವಾಗಿ ದಾಖಲಿಸಿದಾಗ, ಅದು ಇನ್ನಷ್ಟು ಸ್ಪೂರ್ತಿದಾಯಕವಾಗುತ್ತದೆ.

ಮುಂಬೈ ಮೂಲದ ನೇಹಾ ರಾಥೋಡ್ ಎಂಬ ಯುವತಿಯೊಬ್ಬರು ಈ ಎಲ್ಲಾ ಅಭ್ಯಾಸಗಳನ್ನು ಗಮನದಲ್ಲಿಟ್ಟುಕೊಂಡು ಸುಮಾರು 20 ಕೆಜಿ ತೂಕ ಇಳಿಸಿಕೊಂಡಿರುವುದಾಗಿ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಹಾಗಿದ್ದರೆ, ಅವರು ತೂಕ ಇಳಿಸಿಕೊಳ್ಳುವ ಪ್ರಕ್ರಿಯೆಯಲ್ಲಿ ತೆಗೆದುಕೊಂಡ ತೀರ್ಮಾನಗಳೇನು ಎಂಬುದನ್ನು ತಿಳಿಯೋಣ ಬನ್ನಿ...

ನೇಹಾ ತಮ್ಮ ದೇಹದ ಹೆಚ್ಚುವರಿ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಪ್ರತಿನಿತ್ಯ ಯೋಗ ಮಾಡುವುದಾಗಿ ತಿಳಿಸಿದ್ದಾರೆ. ಒಂದು ನಿರ್ದಿಷ್ಟ ವಿಡಿಯೋದಲ್ಲಿ ಅವರು ಮಲಾಸನ, ಉಸ್ತ್ರಾಸನ, ಚಕ್ಕಿ ಚಲನಾಸನ, ಬದ್ಧ ಕೋನಾಸನ ಮತ್ತು ಪಾದ ಪ್ರಸಾರ ಪಶ್ಚಿಮೋತ್ತಾಸನ ಮುಂತಾದ ಭಂಗಿಗಳನ್ನು ಪ್ರದರ್ಶಿಸುತ್ತಿರುವುದನ್ನು ಕಾಣಬಹುದಾಗಿದೆ.

ತೂಕ ಇಳಿಸಿಕೊಳ್ಳಲು ಮಧ್ಯಂತರ ಉಪವಾಸವನ್ನು ಸಹ ಅವರು ಅನುಸರಿದ್ದಾರೆ. 30 ದಿನಗಳ ಸವಾಲನ್ನು ತೆಗೆದುಕೊಂಡರು. ಅವರ ಊಟದಲ್ಲಿ ಪ್ರೋಟೀನ್-ಭರಿತ ಆಹಾರ ಸೇವನೆಯನ್ನು ಕೇಂದ್ರೀಕರಿಸಿದರು. ಜೊತೆಗೆ ರೋಲ್ಡ್ ಓಟ್ಸ್, ಪನೀರ್ ಭರ್ಜಿ, ಆವಕಾಡೊ ಟೋಸ್ಟ್ ಮತ್ತು ಇನ್ನೂ ಹೆಚ್ಚಿನ ಆರೋಗ್ಯಕರ ಆಯ್ಕೆಗಳನ್ನು ಆರಿಸಿಕೊಂಡಿರುವುದಾಗಿ ತಿಳಿದುಬಂದಿದೆ.

ಫಿಟ್ ಆಗಿರಲು ಮತ್ತು ನಿಮ್ಮ ಮನಸ್ಥಿತಿಯನ್ನು ಹೆಚ್ಚಿಸಲು ಜುಂಬಾಕ್ಕಿಂತ ಉತ್ತಮವಾದ ಮಾರ್ಗ ಇನ್ನೊಂದಿಲ್ಲ ಎಂಬುದಕ್ಕೆ ಇವರೇ ಉದಾಹರಣೆ. ನೇಹಾ ತನ್ನ ಜುಂಬಾ ಸೆಷನ್​ ಅನ್ನು ಆನಂದಿಸುತ್ತಿರುವುದನ್ನು ಕಾಣಬಹುದು. ಇದು ದೇಹದಲ್ಲಿನ ಹೆಚ್ಚುವರಿ ಕ್ಯಾಲೋರಿಗಳನ್ನು ಸುಡಲು ಸಹಾಯ ಮಾಡುತ್ತದೆ ಜೊತೆಗೆ ವಾತಾವರಣವನ್ನು ಹಗುರವಾಗಿ ಮತ್ತು ಸಂತೋಷವಾಗಿಡುತ್ತದೆ.

ಯೋಗ ಮತ್ತು ಜುಂಬಾ ಜೊತೆಗೆ, ನೇಹಾ ಜಿಮ್​ಗೆ ಕೂಡಾ ಹೋಗಿದ್ದಾರೆ. ಈ ವೇಳೆ ಅವರು ಕಾರ್ಡಿಯೋ ಮತ್ತು ತೂಕ ಎತ್ತುವಿಕೆಯ ಅಭ್ಯಾಸವನ್ನು ಮಾಡಿದ್ದಾರೆ. ಈ ತರಬೇತಿಯು ಸ್ನಾಯುಗಳನ್ನು ನಿರ್ಮಿಸಲು ಸಹಾಯ ಮಾಡುವುದರ ಜೊತೆಗೆ ಚಯಾಪಚಯ ಕ್ರಿಯೆಯನ್ನು ಹೆಚ್ಚಿಸುತ್ತದೆ. ಕಾರ್ಡಿಯೋ ಕೊಬ್ಬು ನಷ್ಟವನ್ನು ಬೆಂಬಲಿಸುತ್ತದೆ. ಒಟ್ಟಾಗಿ, ಅವು ಬಲವಾದ ಫಲಿತಾಂಶಗಳನ್ನು ಸೃಷ್ಟಿಸುತ್ತವೆ ಎಂದು ತಿಳಿಸಿದ್ದಾರೆ.