ಹೊಳೆಯುವ ಚರ್ಮಕ್ಕೆ ದುಬಾರಿ ಕ್ರೀಮ್‌ ಬೇಕಿಲ್ಲ: ಈ 6 ರಾತ್ರಿಯ ಅಭ್ಯಾಸಗಳೇ ಅಸಲಿ 'ಬ್ಯೂಟಿ ಸೀಕ್ರೆಟ್'! | Glowing Skin

ನಮ್ಮ ಚರ್ಮವು ರಾತ್ರಿಯಲ್ಲಿ ತನ್ನನ್ನು ತಾನು ಪುನಶ್ಚೇತನಗೊಳಿಸಿಕೊಳ್ಳುತ್ತದೆ (Self-Repair). ನೀವು ತಡರಾತ್ರಿಯವರೆಗೆ ಎಚ್ಚರವಾಗಿದ್ದರೆ ಚರ್ಮವು ದಣಿದಂತೆ ಮತ್ತು ಕಳೆಗುಂದಿದಂತೆ ಕಾಣುತ್ತದೆ. ಆದ್ದರಿಂದ ಪ್ರತಿದಿನ ರಾತ್ರಿ 10 ರಿಂದ 11 ಗಂಟೆಯೊಳಗೆ ಮಲಗುವ ಅಭ್ಯಾಸ ಮಾಡಿಕೊಳ್ಳಿ.

ಚರ್ಮದ ಶುಷ್ಕತೆಯನ್ನು ಹೋಗಲಾಡಿಸಲು ನೀರು ರಾಮಬಾಣ. ಮಲಗುವ ಒಂದು ಗಂಟೆ ಮೊದಲು ಒಂದು ಲೋಟ ನೀರು ಕುಡಿಯಿರಿ. ಇದು ಚರ್ಮವನ್ನು ಒಳಗಿನಿಂದ ತೇವಾಂಶದಿಂದ ಕೂಡಿರುವಂತೆ (Hydrated) ಮಾಡುತ್ತದೆ, ಇದರಿಂದ ಬೆಳಗ್ಗೆ ಏಳುವಾಗ ಮುಖ ಉಲ್ಲಾಸದಿಂದ ಇರುತ್ತದೆ.

ದಿನವಿಡೀ ಚರ್ಮದ ಮೇಲೆ ಕುಳಿತ ಧೂಳು, ಬೆವರು ಮತ್ತು ಮೇಕಪ್ ರಂಧ್ರಗಳನ್ನು ಮುಚ್ಚಿ ಹಾಕುತ್ತವೆ. ಇದರಿಂದ ಚರ್ಮಕ್ಕೆ ಉಸಿರಾಡಲು ಕಷ್ಟವಾಗುತ್ತದೆ. ಹಾಗಾಗಿ, ಮಲಗುವ ಮುನ್ನ ಸೌಮ್ಯವಾದ ಫೇಸ್ ವಾಶ್ ಅಥವಾ ಕ್ಲೆನ್ಸರ್ ಬಳಸಿ ಮುಖ ತೊಳೆಯುವುದು ಕಡ್ಡಾಯ.

ರಾತ್ರಿಯ ಸಮಯದಲ್ಲಿ ಚರ್ಮವು ತೇವಾಂಶವನ್ನು ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ. ಮುಖ ತೊಳೆದ ನಂತರ ಹಗುರವಾದ ನೈಟ್ ಕ್ರೀಮ್ ಅಥವಾ ಮಾಯಿಶ್ಚರೈಸರ್ ಹಚ್ಚುವುದರಿಂದ ಚರ್ಮದ ಮೃದುತ್ವವನ್ನು ಕಾಪಾಡಿಕೊಳ್ಳಬಹುದು.

ಮಲಗುವ ಮುನ್ನ ಫೋನ್ ಅಥವಾ ಲ್ಯಾಪ್‌ಟಾಪ್ ಬಳಸುವುದರಿಂದ ಅದರಿಂದ ಹೊರಬರುವ 'ಬ್ಲೂ ಲೈಟ್' ನಿದ್ರೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಇದು ಕಣ್ಣಿನ ಸುತ್ತ ಕಪ್ಪು ವರ್ತುಲ ಮತ್ತು ಚರ್ಮದ ಮೇಲೆ ಸುಕ್ಕುಗಳನ್ನು ಉಂಟುಮಾಡಬಹುದು. ಮಲಗುವ ಒಂದು ಗಂಟೆ ಮೊದಲು ಸ್ಕ್ರೀನ್ ನೋಡುವುದನ್ನು ನಿಲ್ಲಿಸಿ.

ರಾತ್ರಿಯ ಹೊತ್ತು ಎಣ್ಣೆಯುಕ್ತ ಅಥವಾ ಭಾರೀ ಆಹಾರ ಸೇವನೆಯು ಚರ್ಮದ ಕಾಂತಿಯನ್ನು ಕುಂದಿಸುತ್ತದೆ. ಬದಲಿಗೆ ಸಲಾಡ್, ಸೂಪ್ ಅಥವಾ ಹಣ್ಣುಗಳಂತಹ ಲಘು ಆಹಾರ ಸೇವಿಸಿದರೆ ಜೀರ್ಣಕ್ರಿಯೆ ಸುಲಭವಾಗಿ, ಚರ್ಮವು ತಾಜಾತನದಿಂದ ಕೂಡಿರುತ್ತದೆ,(ಏಜೆನ್ಸೀಸ್).