ಸಾಕ್ಸ್ ಎಷ್ಟೇ ತೊಳೆದರೂ ಹೊಲಸೆನ್ನಿಸುತ್ತಿದೆಯೇ? ಮುತ್ತಿನಂತೆ ಹೊಳೆಯಲು ಈ ಟ್ರಿಕ್ ಬಳಸಿ! Socks washing

ಅತ್ಯಂತ ಕೊಳಕಾದ ಸಾಕ್ಸ್‌ಗಳನ್ನು ತೊಳೆಯುವ ಮೊದಲು ಅವುಗಳನ್ನು ತಿರುಗಿಸುವುದು ಬಹಳ ಮುಖ್ಯವಾಗಿರುತ್ತದೆ. ಆದಾಗ್ಯೂ, ಸಾಕ್ಸ್‌ಗಳ ಒಳಗೆ ಬೆವರು ಮತ್ತು ಕೊಳಕು ಸಂಗ್ರಹವಾಗುತ್ತದೆ. ಹಾಗಾಗಿ ಈ ರೀತಿಯಾಗಿ ಸ್ವಚ್ಛಗೊಳಿಸುವುದರಿಂದ ಇದು ನಿಮ್ಮ ಸಾಕ್ಸ್​ನ್ನು ಸ್ವಚ್ಛಗೊಳಿಸುತ್ತದೆ.

ಕೊಳಕು ಸಾಕ್ಸ್‌ಗಳನ್ನು ವಿನೆಗರ್ ಮತ್ತು ಅಡಿಗೆ ಸೋಡಾದ ಪೇಸ್ಟ್‌ನಲ್ಲಿ ನೆನೆಸಿ ಸುಲಭವಾಗಿ ಸ್ವಚ್ಛಗೊಳಿಸಬಹುದು. ಮೊದಲು ಒಂದು ಟಬ್​ಗೆ ಬೆಚ್ಚಗಿನ ನೀರನ್ನು ಹಾಕಿ ಅದಕ್ಕೆ ಸ್ವಲ್ಪ ಬಿಳಿ ವಿನೆಗರ್ ಮತ್ತು ಅಡಿಗೆ ಸೋಡಾ ಸೇರಿಸಿ. ಅದರಲ್ಲಿ ಕೊಳಕು ಸಾಕ್ಸ್‌ಗಳನ್ನು 30 ರಿಂದ 60 ನಿಮಿಷಗಳ ಕಾಲ ನೆನೆಸಿಟ್ಟು ನಂತರ ತೊಳೆಯಿರಿ. ಇದು ಸಾಕ್ಸ್​ನಿಂದ ದುರ್ವಾಸನೆ ತೆಗೆಯುವುದರ ಜೊತೆಗೆ ಕಠಿಣ ಕಲೆಗಳನ್ನು ಹಗುರಗೊಳಿಸುತ್ತದೆ.

ನಿಮ್ಮ ಸಾಕ್ಸ್‌ಗಳನ್ನು ಉಜ್ಜುವುದರಿಂದ ಸಾಕ್ಸ್​ ಹಾಳಾಗುತ್ತದೆ ಎಂದು ನೀವೇನಾದರೂ ಅಂದುಕೊಂಡಿದ್ದರೆ ಚಿಂತಿಸಬೇಡಿ. ಬದಲಾಗಿ ನೀರು ಮತ್ತು ಡಿಟರ್ಜೆಂಟ್ ತುಂಬಿದ ಟಬ್‌ನಲ್ಲಿ ಇರಿಸಿ ಮತ್ತು ಅವುಗಳನ್ನು ಅಲ್ಲಾಡಿಸಿ. ನಂತರ ತೊಳೆಯಿರಿ ಇದು ಕೊಳೆಯನ್ನು ತೆಗೆದುಹಾಕುತ್ತದೆ ಮತ್ತು ಬಟ್ಟೆಗೆ ಹಾನಿಯಾಗದಂತೆ ತಡೆಯುತ್ತದೆ.

ಸಾಕ್ಸ್‌ಗಳನ್ನು ಒಳಗೆ ತಿರುಗಿಸಿ ವಾಷಿಂಗ್ ಮೆಷಿನ್‌ನಲ್ಲಿ ಇಡಿ. ನಂತರ ಡಿಟರ್ಜೆಂಟ್​ ಸೇರಿಸಿ, ಕೋಲ್ಡ್ ವಾಶ್ ಬಳಸಿರಿ. ಇದು ಕಠಿಣ ಕೊಳೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ನಂತರ ಅವುಗಳನ್ನು ಚೆನ್ನಾಗಿ ಒಣಗಿಸಿ. ಸಾಕ್ಸ್‌ಗಳನ್ನು ಸಂಪೂರ್ಣವಾಗಿ ಒಣಗಿಸದಿದ್ದರೆ, ಅವು ಹಾಗೆಯೇ ಉಳಿಯುತ್ತವೆ

ಸಾಕ್ಸ್ ಒಣಗಿಸುವಾಗ, ಅವುಗಳನ್ನು ಒಂದರ ಮೇಲೊಂದು ಜೋಡಿಸದಂತೆ ಎಚ್ಚರವಹಿಸಿಕೊಳ್ಳಿ. ಅವುಗಳನ್ನು ಹರಡಿ ಮತ್ತು ಬಿಸಿಲು ಬೀಳುವ ಅಥವಾ ಚೆನ್ನಾಗಿ ಗಾಳಿ ಬರುವ ಪ್ರದೇಶದಲ್ಲಿ ನೇತುಹಾಕಿ. ಹೀಗೆ ಮಾಡುವುದರಿಂದ ಸಾಕ್ಸ್​ನಲ್ಲಿರುವ ಬ್ಯಾಕ್ಟೀರಿಯಾಗಳು ಸಾಯುತ್ತವೆ ಮತ್ತು ವಾಸನೆ ಬರದಂತೆ ತಡೆಯುತ್ತದೆ (ಏಜೆನ್ಸೀಸ್​).