ಈ ವಿಶೇಷ ಕಾಫಿ ಫೇಸ್ ಪ್ಯಾಕ್‌ಗಳು ಕಣ್ಣಿನ ಸುತ್ತಲಿನ ಕಪ್ಪು ಕಲೆ ಕಡಿಮೆ ಮಾಡಿ, ತ್ವಚೆ ಹೊಳೆಯುವಂತೆ ಮಾಡುತ್ತೆ..!

ಬೆಂಗಳೂರು: ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಅಂದರೆ ಕಪ್ಪು ವೃತ್ತ, ಕಪ್ಪು ಕಲೆ ಇಂದು ಸಾಮಾನ್ಯ ಸಮಸ್ಯೆಯಾಗಿದೆ. ಒತ್ತಡದ ಜೀವನ ಮತ್ತು ವಿಶ್ರಾಂತಿಯ ಕೊರತೆಯಿಂದಾಗಿ, ಕಣ್ಣುಗಳ ಕೆಳಗೆ ಕಪ್ಪು ವೃತ್ತಗಳು ಹೆಚ್ಚಿನ ಜನರನ್ನು ಕಾಡುತ್ತವೆ. ಕಪ್ಪು ವರ್ತುಲಗಳಿಂದಾಗಿ ನಮ್ಮ ಮುಖ ಯಾವಾಗಲೂ ದಣಿದಂತೆ ಮತ್ತು ಮಂದವಾಗಿ ಕಾಣುತ್ತದೆ. ಆದರೂ ಈ ಸಮಸ್ಯೆಯು ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಸಾಮಾನ್ಯವಾಗಿದೆ. ಆದರೆ ಪ್ರತಿಯೊಬ್ಬರೂ ತಮ್ಮ ಚರ್ಮವು ಹೊಳೆಯುತ್ತಿರಬೇಕೆಂದು ಬಯಸುತ್ತಾರೆ. ನಿದ್ರೆಯ ಕೊರತೆ ಮತ್ತು ಒತ್ತಡದ ಹೊರತಾಗಿ, ಧೂಮಪಾನ, ಕಳಪೆ ಆಹಾರ ಇತ್ಯಾದಿಗಳು ಇದಕ್ಕೆ ಸಾಮಾನ್ಯ ಕಾರಣಗಳಾಗಿವೆ.

ಇಂದಿನ ಕಾಲದಲ್ಲಿ ಅನೇಕ ಸೌಂದರ್ಯವರ್ಧಕ ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ಲಭ್ಯವಿವೆ. ಇವು ಡಾರ್ಕ್ ಸರ್ಕಲ್ ಅನ್ನು ಮೂಲದಿಂದ ನಿವಾರಿಸುತ್ತವೆ ಎಂದು ಹೇಳಲಾಗುತ್ತದೆ. ಈ ದುಬಾರಿ ಉತ್ಪನ್ನಗಳಿಗೆ ಹಣ ಖರ್ಚು ಮಾಡಿದರೂ ಪ್ರಯೋಜನವಾಗಿಲ್ಲ ಅಂತದಾರೆ ನಿಮ್ಮ ಅಡುಗೆಮನೆಯಲ್ಲೇ ಕೆಲವು ವಿಶೇಷ ಪರಿಹಾರಗಳಿವೆ. ಇದು ನಿಮ್ಮ ಕಪ್ಪು ವೃತ್ತಕ್ಕೆ ಚಿಕಿತ್ಸೆ ನೀಡಬಲ್ಲದು. ಹೌದು, ನೀವು ಕೆಲವು ಕಾಫಿ ಫೇಸ್ ಪ್ಯಾಕ್‌ಗಳ ಮೂಲಕ ಕಪ್ಪು ವರ್ತುಲಗಳನ್ನು ಕಡಿಮೆ ಮಾಡಬಹುದು.

ಕಾಫಿ, ಜೇನುತುಪ್ಪ ಮತ್ತು ವಿಟಮಿನ್-ಇ ಕ್ಯಾಪ್ಸುಲ್
ಈ ಫೇಸ್ ಪ್ಯಾಕ್ ಮಾಡಲು, ನಿಮಗೆ ಒಂದು ಚಮಚ ಕಾಫಿ, ಒಂದು ಚಮಚ ಜೇನುತುಪ್ಪ ಮತ್ತು ಒಂದು ವಿಟಮಿನ್-ಇ ಕ್ಯಾಪ್ಸುಲ್ ಅಗತ್ಯವಿದೆ. ಒಂದು ಬಟ್ಟಲಿನಲ್ಲಿ ಕಾಫಿ ಮತ್ತು ಜೇನುತುಪ್ಪವನ್ನು ಸೇರಿಸಿ, ಪೇಸ್ಟ್ ಮಾಡಲು ಮಿಶ್ರಣ ಮಾಡಿ. ವಿಟಮಿನ್-ಇ ಕ್ಯಾಪ್ಸುಲ್ ಅನ್ನು ಕತ್ತರಿಸಿ ಅದರ ಜೆಲ್ ಅನ್ನು ಈ ಮಿಶ್ರಣದಲ್ಲಿ ಸೇರಿಸಿ. ಈ ಮಾಸ್ಕ್ ಅನ್ನು ನಿಮ್ಮ ಕಣ್ಣುಗಳ ಕೆಳಗೆ ಚೆನ್ನಾಗಿ ಹಚ್ಚಿಕೊಳ್ಳಿ. ಮಾಸ್ಕ್ ಸುಮಾರು 10 ನಿಮಿಷಗಳ ಕಾಲ ಒಣಗಲು ಬಿಡಿ. ಒಣಗಿದ ನಂತರ, ತಣ್ಣೀರಿನಿಂದ ನಿಮ್ಮ ಮುಖವನ್ನು ತೊಳೆಯಿರಿ. ಈ ಪ್ಯಾಕ್ ಅನ್ನು ವಾರಕ್ಕೆ ಕನಿಷ್ಠ ಮೂರು ಬಾರಿ ಹಚ್ಚಿ.

ಕಾಫಿ, ಬಾದಾಮಿ ಮತ್ತು ಆವಕಾಡೊ ಎಣ್ಣೆ
ಮೊದಲನೆಯದಾಗಿ, ಒಂದು ಜಾರ್​​​ನಲ್ಲಿ ½ ಕಪ್ ಕಾಫಿ ಹಾಕಿ. ಈಗ ಅದಕ್ಕೆ ಬಾದಾಮಿ ಎಣ್ಣೆಯನ್ನು ಸೇರಿಸಿ 4 ರಿಂದ 5 ದಿನಗಳವರೆಗೆ ಬಿಡಿ. ಐದು ದಿನಗಳ ನಂತರ ಎಣ್ಣೆಯನ್ನು ಫಿಲ್ಟರ್ ಮಾಡಿ. ಮತ್ತೆ ಅದಕ್ಕೆ ಒಂದು ಚಮಚ ಆವಕಾಡೊ ಎಣ್ಣೆಯನ್ನು ಸೇರಿಸಿ. ಈ ಎಣ್ಣೆಯನ್ನು ಫಿಲ್ಟರ್ ಮಾಡಿ, ಸಣ್ಣ ಗಾಜಿನ ಪಾತ್ರೆಯಲ್ಲಿ ಇರಿಸಿ. ಒಂದು ತಿಂಗಳ ಕಾಲ ಮಲಗುವ ಮೊದಲು ಈ ಮಿಶ್ರಣವನ್ನು ಪ್ರತಿದಿನ ಹಚ್ಚಿ.

ಕಾಫಿ ಮತ್ತು ಹಾಲಿನ ಮಾಸ್ಕ್
ಒಂದು ಬಟ್ಟಲಿನಲ್ಲಿ ಕಾಫಿ ಪುಡಿ ಮತ್ತು ಹಸಿ ಹಾಲನ್ನು ಮಿಶ್ರಣ ಮಾಡಿ. ಚೆನ್ನಾಗಿ ಪೇಸ್ಟ್ ಮಾಡಿ. ಈ ಪ್ಯಾಕ್ ಅನ್ನು ನಿಮ್ಮ ಕಣ್ಣುಗಳು, ಕುತ್ತಿಗೆ ಮತ್ತು ಮುಖದ ಮೇಲೆ ಹಚ್ಚಬಹುದು. ಪ್ಯಾಕ್ ಅನ್ನು ಹಚ್ಚಿದ ನಂತರ ನಿಮ್ಮ ಮುಖವನ್ನು ನಿಧಾನವಾಗಿ ಮಸಾಜ್ ಮಾಡಿ, 20 ನಿಮಿಷಗಳ ಕಾಲ ಒಣಗಲು ಬಿಡಿ. ಪ್ಯಾಕ್ ಒಣಗಿದ ನಂತರ, ತಣ್ಣೀರಿನಿಂದ ತೊಳೆಯಿರಿ.