ಬಿಸಿಸಿಐ ನೂತನ ಅಧ್ಯಕ್ಷ ಮಿಥುನ್ ಮನ್ಹಾಸ್​ಗೆ ಸಿಗುವ ಸಂಬಳವೆಷ್ಟು? ಏನೆಲ್ಲ ಭತ್ಯೆ? ಇಲ್ಲಿದೆ ವಿವರ | BCCI President

BCCI President: ಐಪಿಎಲ್​ನ ಡೆಲ್ಲಿ ಡೇರ್​ ಡೆವಿಲ್ಸ್​ ಮತ್ತು ಚೆನ್ನೈ ಸೂಪರ್​​ ಕಿಂಗ್ಸ್​ ತಂಡದ ಮಾಜಿ ಆಟಗಾರ ಮಿಥುನ್ ಮನ್ಹಾಸ್ ಅವರು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (ಬಿಸಿಸಿಐ) ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಇದನ್ನೂ ಓದಿ: ಒಂದು ವಾರಕ್ಕಿಂತ ಹಳೆಯದಾದ ಬಾಟಲ್ ನೀರನ್ನು ಕುಡಿದರೆ ಏನಾಗುತ್ತೆ? ಇಲ್ಲಿದೆ ನೋಡಿ ಸತ್ಯ ಸಂಗತಿ… Bottled Water

ಭಾನುವಾರ (ಸೆ.28) ಮುಂಬೈನಲ್ಲಿ ನಡೆದ ವಾರ್ಷಿಕ ಸಾಮಾನ್ಯ ಸಭೆ (ಎಜಿಎಂ) ಮುಕ್ತಾಯದ ನಂತರ, ಮಿಥುನ್ ಅಧ್ಯಕ್ಷ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆಯಾದರು. ಸೌರವ್ ಗಂಗೂಲಿ ಮತ್ತು ರೋಜರ್ ಬಿನ್ನಿ ಬಳಿಕ ಈ ಹುದ್ದೆಯನ್ನು ಅಲಂಕರಿಸಿದ ಮೂರನೇ ಕ್ರಿಕೆಟಿಗನೆಂಬ ಹೆಗ್ಗಳಿಕೆಗೆ ಮಿಥುನ್​ ಪಾತ್ರರಾಗಿದ್ದಾರೆ. ರೋಜರ್ ಬಿನ್ನಿ ಅವರಿಂದ ತೆರವಾದ ಸ್ಥಾನವನ್ನು ಮಿಥುನ್​ ಮನ್ಹಾಸ್ ವಹಿಸಿಕೊಂಡಿದ್ದಾರೆ. ಇದೇ ಸಂದರ್ಭದಲ್ಲಿ ರಾಜೀವ್ ಶುಕ್ಲಾ ಅವರನ್ನು ಉಪಾಧ್ಯಕ್ಷರನ್ನಾಗಿ ಘೋಷಿಸಲಾಯಿತು. ದೇವಜಿತ್ ಸೈಕಿಯಾ ಅವರನ್ನು ಗೌರವಾನ್ವಿತ ಕಾರ್ಯದರ್ಶಿಯಾಗಿ, ಪ್ರಭತೇಜ್ ಸಿಂಗ್ ಭಾಟಿಯಾ ಜಂಟಿ ಕಾರ್ಯದರ್ಶಿಯಾಗಿ ಹಾಗೂ ಎ. ರಘುರಾಮ್ ಭಟ್ ಅವರು ಖಜಾಂಚಿಯಾಗಿ ಹಣಕಾಸು ಉಸ್ತುವಾರಿ ವಹಿಸಲಿದ್ದಾರೆ.

ಎಷ್ಟು ಸಂಭಾವನೆ?

ಬಿಸಿಸಿಐ ಅಧ್ಯಕ್ಷ ಸ್ಥಾನವು ಗೌರವಾನ್ವಿತ ಆಗಿರುವುದರಿಂದ, ಮನ್ಹಾಸ್ ಅವರಿಗೆ ಮಂಡಳಿಯಿಂದ ಇಷ್ಟೇ ಸಂಬಳ ಫಿಕ್ಸ್ ಅಂತೇನಿಲ್ಲ. ವಾರ್ಷಿಕ ಅಥವಾ ಮಾಸಿಕ ವೇತನವನ್ನೂ ಪಡೆಯುವುದಿಲ್ಲ. ಸಂಬಳದ ಬದಲಿಗೆ ಅಧ್ಯಕ್ಷರಿಗೆ ಎಲ್ಲಾ ಅಧಿಕೃತ ವೆಚ್ಚಗಳನ್ನು ಭರಿಸಲು ಗಣನೀಯ ದೈನಂದಿನ ಭತ್ಯೆ ಮತ್ತು ಸಮಗ್ರ ಸವಲತ್ತುಗಳ ಮೂಲಕ ಹಣವನ್ನು ನೀಡಲಾಗುತ್ತದೆ.

ದಿನಭತ್ಯೆ (ಮೀಟಿಂಗ್​)

ಮನ್ಹಾಸ್ ಬಿಸಿಸಿಐ ಅಥವಾ ಇನ್ನೊಂದು ಸಭೆಯ ಅಧ್ಯಕ್ಷತೆ ವಹಿಸಬೇಕಾದಾಗಲೆಲ್ಲಾ, ದೇಶೀಯ ಸಭೆಗಳಿಗೆ ದಿನಕ್ಕೆ 40,000 ರೂ. ಮತ್ತು ಅಂತರರಾಷ್ಟ್ರೀಯ ಸಭೆಗಳಿಗೆ 1 ಸಾವಿರ ಯುಎಸ್ ಡಾಲರ್ (ಅಂದರೆ ದಿನಕ್ಕೆ 89,000 ರೂ.) ಭತ್ಯೆಯನ್ನು ಪಡೆಯಲಿದ್ದಾರೆ.

ದಿನಭತ್ಯೆ (ಕೆಲಸದ ನಿಮಿತ್ತ ಪ್ರಯಾಣ)

ದೇಶದ ಇತರ ನಗರಗಳಿಗೆ ಕೆಲಸದ ನಿಮಿತ್ತ ಪ್ರಯಾಣಿಸಬೇಕಾದಾಗಲೆಲ್ಲಾ ಮನ್ಹಾಸ್ ಅವರಿಗೆ ದಿನಕ್ಕೆ 30,000 ರೂ. ಭತ್ಯೆಯನ್ನು ನೀಡಲಾಗುತ್ತದೆ.

ಪ್ರಯಾಣ ಮತ್ತು ವಸತಿ

ಈ ಭತ್ಯೆಗಳ ಜತೆಗೆ, ಬಿಸಿಸಿಐ ಅಧ್ಯಕ್ಷರು ದೇಶೀಯ ಪ್ರಯಾಣಕ್ಕಾಗಿ ಬ್ಯುಸಿನೆಸ್​ ಕ್ಲಾಸ್​ ಪ್ರಯಾಣವನ್ನು ಮತ್ತು ಅಂತಾರಾಷ್ಟ್ರೀಯ ಪ್ರಯಾಣಕ್ಕಾಗಿ ಫಸ್ಟ್​ ಕ್ಲಾಸ್​/ಬ್ಯುಸಿನೆಸ್​ ಕ್ಲಾಸ್​ ಪ್ರಯಾಣವನ್ನು ಸಹ ಪಡೆಯುತ್ತಾರೆ. ಉನ್ನತ ಮುಖ್ಯಸ್ಥರ ವಸತಿ ವ್ಯವಸ್ಥೆಗಳು ಸಾಮಾನ್ಯವಾಗಿ ಉನ್ನತ ದರ್ಜೆಯ ಹೋಟೆಲ್ ಸೂಟ್‌ಗಳಲ್ಲಿಯೇ ಇರುತ್ತವೆ.

ಯಾರು ಈ ಮಿಥುನ್ ಮನ್ಹಾಸ್?

1979, ಅಕ್ಟೋಬರ್ 12ರಂದು ಜಮ್ಮು ಮತ್ತು ಕಾಶ್ಮೀರದಲ್ಲಿ ಜನಿಸಿದ ಮಿಥುನ್ ಮನ್ಹಾಸ್, ಭಾರತೀಯ ದೇಶೀಯ ಕ್ರಿಕೆಟ್‌ನಲ್ಲಿ ಪ್ರಸಿದ್ಧ ವ್ಯಕ್ತಿ. ದೆಹಲಿಯಲ್ಲಿ ಪ್ರಾರಂಭವಾಗಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಕೊನೆಗೊಂಡ 18 ವರ್ಷಗಳ ಪ್ರಥಮ ದರ್ಜೆ ವೃತ್ತಿಜೀವನದಲ್ಲಿ, ಅವರು 157 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 46 ಕ್ಕಿಂತ ಕಡಿಮೆ ಸರಾಸರಿಯಲ್ಲಿ 9,714 ರನ್ ಗಳಿಸಿದ್ದಾರೆ. ಅವರು 27 ಶತಕಗಳು ಮತ್ತು 49 ಅರ್ಧಶತಕಗಳನ್ನು ಗಳಿಸಿದ್ದಾರೆ.

ಮಿಥುನ್ 2007-08ರಲ್ಲಿ ದೆಹಲಿ ರಣಜಿ ಟ್ರೋಫಿ ವಿಜೇತ ತಂಡದ ಸದಸ್ಯರಾಗಿದ್ದರು. ಅವರು 2008 ಮತ್ತು 2014 ರ ನಡುವೆ ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ದೆಹಲಿ ಡೇರ್‌ಡೆವಿಲ್ಸ್, ಪುಣೆ ವಾರಿಯರ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡಿದ್ದರು. ನಿವೃತ್ತಿಯ ನಂತರ, ಅವರು ಬ್ಯಾಟಿಂಗ್ ಸಲಹೆಗಾರ ಮತ್ತು ಐಪಿಎಲ್ ಬೆಂಬಲ ಸಿಬ್ಬಂದಿಯಾಗಿ (ವಿಶೇಷವಾಗಿ ಗುಜರಾತ್ ಟೈಟಾನ್ಸ್‌ನೊಂದಿಗೆ) ಕೆಲಸ ಮಾಡಿದರು. ಅವರು ಜಮ್ಮು ಮತ್ತು ಕಾಶ್ಮೀರ ಕ್ರಿಕೆಟ್ ಅಸೋಸಿಯೇಷನ್‌ನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ,(ಏಜೆನ್ಸೀಸ್​). 

https://www.vijayavani.net/ind-vs-pak-final-sunil-gavaskar-warning-to-pakistan